ທ່ານ ກິມ ຈ໋ອງອຸນ ຫາລືກັບຜູ້ນຳຈີນ ກ່ອນປະຊຸມກັບທ່ານ ທຣຳ

- kim jong un xi jinping dalian ap 18128419364788 - ທ່ານ ກິມ ຈ໋ອງອຸນ ຫາລືກັບຜູ້ນຳຈີນ ກ່ອນປະຊຸມກັບທ່ານ ທຣຳ
- Untitled design - ທ່ານ ກິມ ຈ໋ອງອຸນ ຫາລືກັບຜູ້ນຳຈີນ ກ່ອນປະຊຸມກັບທ່ານ ທຣຳ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ການ​ພົບ​ປະກັນ​ໃນ​ວັນ​ທີ 7 ​ແລະ 8 ພຶດສະພາ​ນີ້ ຢູ່​ນະຄອນ​ຕ້າ​ຫລຽນ ສປ ຈີນ ຖື​ເປັນຄັ້ງທີ 2 ລະຫວ່າງ​ທ່ານ ກິມ ຈ໋ອງອຸນ ກັບ​ທ່ານ ສີ ຈິ້ນຜິ​ງ ​ໃນ​ໄລຍະ​ມໍ່ໆ​ນີ້, ພາຍຫລັງ​ເທື່ອ​ທຳ​ອິດ​ທ່ານ ກິມ ຈ໋ອງອຸນ ​ແລະ ຄະນະ​ເດີນທາງ​ໂດຍ​ລົດ​​ໄຟ​ຂ້າມ​ຊາຍ​ແດນ​ໄປ​ຢ້ຽມຢາມ​ນະຄອນຫລວງ​ປັກ​ກິ່ງ ​ໃນ​ເດືອນ​ມີນາ ​​ເຊິ່ງ​ເປັນ​ການ​ຢ້ຽມຢາມ​ຕ່າງປະ​ເທດ​ຢ່າງ​ເປັນ​ທາງ​ການ​ເທື່ອ​ທຳ​ອິດ​ຂອງ​ທ່ານ ກິມ ຈ໋ອງອຸນ ນັບ​ແຕ່​ຂຶ້ນຄອງອຳນາດ​ເມື່ອ 6 ປີ​ກ່ອນ.

- da4pli3l5vc0d - ທ່ານ ກິມ ຈ໋ອງອຸນ ຫາລືກັບຜູ້ນຳຈີນ ກ່ອນປະຊຸມກັບທ່ານ ທຣຳ

ສະຖານີ​ໂທລະພາບ CCTV ຂອງ​ຈີນ ລາຍ​ງານ​ໂດຍ​ອ້າງ​ຄຳ​ກ່າວ​ຂອງ​ທ່ານ ສີ ຈິ້ນຜິ​ງ ວ່າ: ຈີນ​ສະໜັບສະໜູນ​ໃຫ້ ສປປ ​ເກົາຫລີ ຍຶດໝັ້ນຕໍ່​ການ​ປອດ​ອາວຸດ​ນິວ​ເຄຼຍຢູ່​ແຫລມ​ເກົາຫລີ ລວມທັງ​ສະໜັບສະໜູນ ສປປ ​ເກົາຫລີ ​ແລະ ອາ​ເມ​ລິ​ກາ ​ໃນ​ການ​ແກ້​ໄຂ​ບັນຫາ​ແຫລມ​ເກົາຫລີ ​ໂດຍ​ຜ່ານ​ການ​ເຈລະຈາ ​ແລະ ການ​ຫາລື, ສ່ວນ​ທ່ານ ກິມ ຈ໋ອງອຸນ ກ່າວ​ວ່າ: ສປປ ​ເກົາຫລີ ຍັງ​ຍຶດໝັ້ນຕໍ່​ການ​ປົດ​ອາວຸດ​ນິວ​ເຄຼຍ ​ແລະ ບໍ່​ຈຳ​ເປັນ​ຈະ​ຕ້ອງ​ຄອບ​ຄອງ​ອາວຸດ​ມະຫາ​ປະ​ໄລ, ຖ້າ​ຄູ່​ກໍລະນີ​ທີ່​ກ່ຽວຂ້ອງ​ຍົກ​ເລີກ​ນະ​ໂຍບາຍ​ທີ່​ເປັນ​ສັດຕູ ​ແລະ ​ໄພ​ຮຸກ​ຮານ​ດ້ານ​ຄວາມ​ໝັ້ນຄົງ​ຕໍ່ ສປປ ​ເກົາຫລີ.

ຂ່າວ​ລາຍ​ງານ​ຕື່ມ​ວ່າ: ການ​ພົບ​ປະກັນ​ຄັ້ງນີ້​ໄດ້​ຈັດ​ຂຶ້ນ​ໃນ​ໄລຍະ​ທີ່​ການ​ພົວພັນ​ລະຫວ່າງ​ສອງ​ພັກ, ສອງ​ລັດ ​ແລະ ສອງ​ປະ​ເທດ​ກ້າວ​ເຂົ້າສູ່​ໄລຍະ​ທີ່​ດີ​ທີ່​ສຸດ, ພ້ອມ​ທັງ​ເປັນ​ໂອກາດ​ສຳຄັນ​ໃນ​ການ​ຂະຫຍາຍ​ການ​ພົວພັນ​ມິດຕະພາບ​ລະຫວ່າງ​ສອງ​ປະ​ເທດ​ຕື່ມ​ອີກ ​ໃນ​ຖານະ​ເປັນ​ການ​ຄັດ​ເລືອກ​ຍຸດ​ທະ​ສາດ​ຂອງ​ສອງ​ພັກ ​ແລະ ສອງ​ລັດ ບົນ​ພື້ນຖານ​ທີ່​ສອງ​ຝ່າຍ​ສືບ​ທອດ​ມູນ​ເຊື້ອ​ໄປມາຫາສູ່​ກັນ​ລະຫວ່າງ​ຜູ້ນຳ​ຂັ້ນສູງ​ສຸດ​ສອງ​ຝ່າຍ ​ແລະ ສອດຄ່ອງ​ກັບ​ຄວາມ​ຮຽກຮ້ອງ​ຕ້ອງການ​ໃນ​ຍຸກ​ໃໝ່. ມິ​ດຕະພາບ​ລະຫວ່າງ ສປປ ​ເກົາຫລີ ກັບ ຈີນ ຈະ​ຖືກ​ຮັດ​ແໜ້ນ​ຂຶ້ນຕື່ມ ​ໂດຍ​ໄປ​ຕາມ​ທ່ວງທ່າ​ຂອງ​ຍຸກ​ສະ​ໄໝ.

- Wave100S AD to Website 2020 0 - ທ່ານ ກິມ ຈ໋ອງອຸນ ຫາລືກັບຜູ້ນຳຈີນ ກ່ອນປະຊຸມກັບທ່ານ ທຣຳ
- WhatsApp Image 2020 05 27 at 5 - ທ່ານ ກິມ ຈ໋ອງອຸນ ຫາລືກັບຜູ້ນຳຈີນ ກ່ອນປະຊຸມກັບທ່ານ ທຣຳ
- WhatsApp Image 2020 05 27 at 5 - ທ່ານ ກິມ ຈ໋ອງອຸນ ຫາລືກັບຜູ້ນຳຈີນ ກ່ອນປະຊຸມກັບທ່ານ ທຣຳ
error: Alert: ເນື້ອຫາຂ່າວມີລິຂະສິດ !!