ຜູ້ຖືຫຸ້ນ ເອຟເວີຕັນ ສົນໃຈດຶງ ເວນເກີ ແທນ ແຊມ

- news201805091428427 - ຜູ້ຖືຫຸ້ນ ເອຟເວີຕັນ ສົນໃຈດຶງ ເວນເກີ ແທນ ແຊມ
- Untitled design - ຜູ້ຖືຫຸ້ນ ເອຟເວີຕັນ ສົນໃຈດຶງ ເວນເກີ ແທນ ແຊມ

​ເດິ​ຊັນ ສື່​ຂອງ​ອັງກິດ ລາຍ​ງານ​ຂ່າວ ຟາຣຮັດ ​ໂມ​ຊິຣິ ຜູ້​ຖື​ຫຸ້ນ​ໃຫຍ່ຂອງ ​ເອຟ​ເວີ​ຕັນ ຄິດ​ຈະ​ດຶງ ອາ​ແຊນ ​ເວນ​ເກີ ມາ​ແທນ ​ແຊມ ອັລລາ​ໄດ ​ໂດຍ​ລາວ​ພ້ອມ​ຈະ​ໃຫ້​ຄ່າ​ເມື່ອຍ​ເທົ່າ​ກັບ​ຕອນ ​ເວນ​ເກີ ​ໄດ້​ຮັບ​ຈາກ ອາ​ເຊ​ນອລ.

ຟາຣຮັດ ​ໂມ​ຊິຣິ ຜູ້​ຖື​ຫຸ້ນ​ສ່ວນ​ໃຫຍ່​ຂອງ ​ເອຟ​ເວີ​ຕັນ ສະ​ໂມ​ສອນ​​ແຫ່ງ ພຣີ​ເມຍ​ລີກ ອັງກິດ ຢາກ​ເອົາ ອາ​ແຊນ ​ເວນ​ເກີ ຜູ້​ຈັດການ​ທີ​ມ ອາ​ເຊ​ນອລ ມາ​ເປັນ​ຜູ້​ຈັດການ​ທີ​ມຄົນ​ໃໝ່​ຂອງ​ທີ​ມ.

ຫລັງ​ຈາກ ​ເວນ​ເກີ ປະກາດ​ວ່າ​ຈະ​ບອກ​ລາ ອາ​ເຊ​ນອລ ຫລັງ​ຈົບ​ລະດູ​ການ​ນີ້​ແລ້ວນັ້ນ, ອະນາຄົດ​ຂອງ​ລາວ​ໄດ້​ເປັນ​ບັນຫາ​ທີ່​ຫລາຍ​ຄົນ​ໃຫ້​ຄວາມ​ສົນ​ໃຈ​ຫລາຍ ​ໂດຍ​ລື​ກັນ​ວ່າ​ລາວ​ໄດ້​ຮັບ​ຂໍ້​ສະ​ເໜີ​ຈາກ​ຫລາຍ​ແຫ່ງ​ເຊັ່ນ: ປາຣີ ​ແຊງ​ແຊກ​ແມງ ທີ່​ຢາກ​ເອົາ​ລາວ​ໄປ​ເປັນ​ຜູ້ອຳນວຍການ​ບານ​ເຕະ​ຂອງ​ທີ​ມ ​ແລະ ອາ​ແອ​ສ ​ໂມ​ນາ​ໂກ ​ເຊິ່ງຕ້ອງການ​ດຶງ​ລາວ​ໄປ​ເປັນ​ຜູ້​ຈັດການ​ທີ​ມ​ແທນ ​ເລ​ໂອ ນາ​ໂດ້ ຊາ​ດິມ ​ເປັນຕົ້ນ.

ຫລ້າ​ສຸດ ​ເດິ​ຊັນ ລາຍ​ງານ​ວ່າ: ​ໂມ​ຊິຣິ ຕ້ອງການ​ໃຫ້ ​ເວນ​ເກີ ມາ​ທີ​ມ ​ເອຟ​ເວີ​ຕັນ ​ໃນ​ລະດູ​ການ​ນີ້ ​ໂດຍ​ລາວ​ພ້ອມ​ຈະ​ໃຫ້​ຄ່າ​ຈ້າງ​ຜູ້​ຈັດການ​ທີ​ມຊາວ​ຝຣັ່ງ 8 ລ້ານ​ປອນຕໍ່​ປີ ​ເທົ່າ​ກັບ​ລາວ​ເຄີຍ​ໄດ້​ຮັບ​ກັບ ອາ​ເຊ​ນອລ.

- Wave100S AD to Website 2020 0 - ຜູ້ຖືຫຸ້ນ ເອຟເວີຕັນ ສົນໃຈດຶງ ເວນເກີ ແທນ ແຊມ

​ເຖິງ​ວ່າ ​ແຊມ ອັລລາ​ໄດ ຜູ້​ຈັດການ​ທີ​ມຄົນ​ປັດຈຸບັນ​ຂອງ ​ເອຟ​ເວີ​ຕັນ ຈະ​ຍັງ​ເຫລືອ​ສັນຍາ​ກັບ​ທີ​ມຢູ່​ອີກ 1 ປີ, ​ແຕ່​​ແຟນບານ​ກໍ​ບໍ່​ພໍ​ໃຈ​ກັບ​ການ​ຄຸມ​ທີ​ມຂອງ​ລາວ.

- WhatsApp Image 2020 05 27 at 5 - ຜູ້ຖືຫຸ້ນ ເອຟເວີຕັນ ສົນໃຈດຶງ ເວນເກີ ແທນ ແຊມ
- WhatsApp Image 2020 05 27 at 5 - ຜູ້ຖືຫຸ້ນ ເອຟເວີຕັນ ສົນໃຈດຶງ ເວນເກີ ແທນ ແຊມ
error: Alert: ເນື້ອຫາຂ່າວມີລິຂະສິດ !!