ຣັກບີ້ລາວສົ່ງ 2 ຄູຝຶກຮ່ວມອົບຮົມ ຣັກບີ້ໂລກ ທີ່ຮົງກົງ

- 32207403 616535015349712 8923152830726930432 n - ຣັກບີ້ລາວສົ່ງ 2 ຄູຝຶກຮ່ວມອົບຮົມ ຣັກບີ້ໂລກ ທີ່ຮົງກົງ
- Untitled design - ຣັກບີ້ລາວສົ່ງ 2 ຄູຝຶກຮ່ວມອົບຮົມ ຣັກບີ້ໂລກ ທີ່ຮົງກົງ

ສະຫະພັນ​ກິລາຣັກບີ້​ແຫ່ງ​ຊາດ​ລາວ (ຣັກບີ້​ລາວ) ສົ່ງ 2 ຄູ​ຝຶກ​ສາວ​ລາວ ປະກອບ​ມີນາ​ງ ວຽງ​ສະ​ໄໝ ສຸກ​ສະຫວັນ ​ແລະ ນາງ ລາວ ຄາງ ຄູ​ຝຶກ ​ແລະ ນັກ​ກິລາຣັກບີ້​ທີ​ມຊາດ​ລາວ ​ເຂົ້າຮ່ວມ​ການ​ຝຶກ​ອົບຮົມ​ການ​ເປັນ​ຄູ​ຝຶກ​ກັບ​ຄູ​ຝຶກ​ທີ​ມຮົງ​ກົງ ​ແລະ ສືບ​ຕໍ່​ອົບຮົມ​ຄູ​ຝຶກຣັກບີ້ ຈາກ​ສະຫະພັນ​ກິລາຣັກບີ້​ໂລກ (World Rugby) ທີ່​ຮົງ​ກົງ​ເປັນ​ເຈົ້າພາບ ​ໃນ​ເດືອນ​ພຶດສະພາ​ນີ້.

ທ່ານ ປີ​ຊາ ວົງ​ເດືອນ​ເພັງ ພະນັກງານ​ຂອງ​ສະຫະພັນ​ກິລາຣັກບີ້​ແຫ່ງ​ຊາດ​ລາວ ລາຍ​ງານ​ວ່າ: ສະຫະພັນ​ກິລາຣັກບີ້​ແຫ່ງ​ຊາດ​ລາວ​ໄດ້​ສົ່ງ 2 ຄູ​ຝຶກ​ສາວ​ລາວ ປະກອບ​ມີນາ​ງ ວຽງ​ສະ​ໄໝ ສຸກ​ສະຫວັນ ​ແລະ ນາງ ລາວ ຄາງ ຄູ​ຝຶກ ​ແລະ ນັກ​ກິລາຣັກບີ້​ທີ​ມຊາດ​ລາວ ປັດຈຸບັນ​ໄດ້​ເດີນທາງ​ໄປ​ເຂົ້າຮ່ວມ​ການ​ຝຶກ​ອົບຮົມ ​ແລະ ​ໃຊ້​ຊີວິດ​ເປັນ​ຄູ​ຝຶກ​ກັບ​ຄູ​ຝຶກ​ທີ​ມຮົງ​ກົງ ​ໃນ​ລະຫວ່າງ​ວັນ​ທີ 3-25 ພຶດສະພາ​ນີ້. ຈາກ​ນັ້ນຈະ​ເຂົ້າຮ່ວມ​ການ​ອົບຮົມ​ຄູ​ຝຶກຣັກບີ້​ຂອງ​ສະຫະພັນ​ກິລາຣັກບີ້​ໂລກ ທີ່​ຮົງ​ກົງ​ເປັນ​ເຈົ້າພາບ ​ໃນ​ລະຫວ່າງ​ວັນ​ທີ 17-20 ພຶດສະພາ​ນີ້. ພ້ອມ​ກັນນັ້ນ ຄູ​ຝຶກ​ທັງ​ສອງ​ທ່ານ​ຈະ​ກາຍ​ເປັນ​ຄູ​ຝຶກ​ລາວຣັກບີ້​ຍິງ​ກຸ່ມ​ທຳ​ອິດ​ທີ່​ໄດ້​ຮັບ​ການ​ຢັ້ງຢືນ​ການ​ເປັນ​ຄູ​ຝຶກ​ສາກົນ ​ເຊິ່ງຄູ​ຝຶກ​ທັງ​ສອງ​ທ່ານ​ຈະ​ໄດ້​ຮຽນ​ທັງ​ພາກ​ທິດ​ສະ​ດີ ​ແລະ ການ​ປະຕິບັດ​ຕົວ​ຈິງ ພ້ອມ​ກັບ​ການ​ຮຽນ​ຮູ້​ການວາງ​ແຜນ ​ແລະ ການ​ໃຊ້​ຊີວິດ​ປະຈຳ​ວັນ​ຂອງ​ນັກ​ກິລາ​ຕົວ​ຈິງ​ໄປ​ນຳ​ອີກ.

- Wave100S AD to Website 2020 0 - ຣັກບີ້ລາວສົ່ງ 2 ຄູຝຶກຮ່ວມອົບຮົມ ຣັກບີ້ໂລກ ທີ່ຮົງກົງ

​ໂດຍ​ການ​ໄປ​ອົບຮົມ​ຄູ​ຝຶກ​ໃນ​ຄັ້ງນີ້ ​ແມ່ນ​ໄດ້​ຮັບ​ການ​ສະໜັບສະໜູນ​ຈາກ​ສະຫະພັນ​ກິລາຣັກບີ້​ຮົງກົງ, Chris. Adrienne Garvey, Katie Rowbottom Sandy Bay RFC, DAC ​ແລະ ChildFund Pass It Back ​ໃນ​ການ​ເປັນ​ສ່ວນ​ໜຶ່ງ​ຮ່ວມ​ກັບ​ສະຫະພັນ​ລາວຣັກບີ້​ໃນ​ການ​ສ້າງ​ໃຫ້​ບຸກຄົນ​ທັງ​ສອງ​ໄດ້​ເປັນ​ຜູ້ນຳ ​ແລະ ຕົ້ນ​ແບບ​ໃນ​ພັດທະນາຣັກບີ້​ຢູ່​ໃນ​ຊຸມ​ຊົນ.

- WhatsApp Image 2020 05 27 at 5 - ຣັກບີ້ລາວສົ່ງ 2 ຄູຝຶກຮ່ວມອົບຮົມ ຣັກບີ້ໂລກ ທີ່ຮົງກົງ
- WhatsApp Image 2020 05 27 at 5 - ຣັກບີ້ລາວສົ່ງ 2 ຄູຝຶກຮ່ວມອົບຮົມ ຣັກບີ້ໂລກ ທີ່ຮົງກົງ
error: Alert: ເນື້ອຫາຂ່າວມີລິຂະສິດ !!