ເຈົ້າໜ້າທີ່​ເລັ່ງຫາ​ສາ​ເຫດ​ລົດ​ປິ້ນຢູ່ບ້ານນາ​ຜາ​ສຸກມີ​ຜູ້​ເສຍ​ຊີວິດ​ຄາ​ທີ່ 2 ຄົນ

- accident - ເຈົ້າໜ້າທີ່​ເລັ່ງຫາ​ສາ​ເຫດ​ລົດ​ປິ້ນຢູ່ບ້ານນາ​ຜາ​ສຸກມີ​ຜູ້​ເສຍ​ຊີວິດ​ຄາ​ທີ່ 2 ຄົນ
- Untitled design - ເຈົ້າໜ້າທີ່​ເລັ່ງຫາ​ສາ​ເຫດ​ລົດ​ປິ້ນຢູ່ບ້ານນາ​ຜາ​ສຸກມີ​ຜູ້​ເສຍ​ຊີວິດ​ຄາ​ທີ່ 2 ຄົນ

​ເຈົ້າໜ້າທີ່ຈະລາຈອນນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ຕອນ​ແລງ​ວັນ​ທີ 8 ພຶດສະພານີ້, ​ໄດ້​​ເກີດ​ອຸປະຕິ​ເຫດ​ລົດ​ໃຫຍ່ປີ້ນຢູ່​ເຂດ​ບ້ານນາ​ຜາ​ສຸກ​, ເມືອງ​ໄຊ​ທານີນະຄອນ​ຫລວງ​ວຽງຈັນ, ​ເຮັດ​ໃຫ້​ມີ​ຜູ້​ເສຍ​ຊີວິດ​ຄາ​ທີ່ 2 ຄົນ.

ລົດ​ຄັນ​ດັ່ງກ່າວ​ໄດ້​ຂັບ​ຂີ່​ມາ​ແຕ່​ບ້ານຫລັກ 36, ມຸ້ງໜ້າມາ​ເຂດ​ບ້ານ​ດອນໜູນ, ​ຂັບ​ຂີ່​​ໂດຍຊາຍອາຍຸປະມານ 36 ປີ ​ແລະ ມີຜູ້​ນັ່ງ​ມາ​ນຳ​ກັນ 2 ຄົນ, ພາຍຫລັງ​ມາ​ຮອດ​ຈຸດ​ເກີດ​ເຫດ​ລົດ​ໄດ້​ເສຍ​ຫລັກ​ພິກ​ປິ້ນລົງ​ຂ້າງ​ທາງຢ່າງ​ຮຸນ​ແຮງ, ​ເຮັດ​ໃຫ້​ຜູ້​ຂັບ ​ແລະ ຜູ້​ນັ່ງ​ມາ​ນຳ​ເສຍ​ຊີວິດ​ຄາ​ທີ່​ພ້ອມ​ກັນ 2 ຄົນ ​ແລະ ອີກ​ຜູ້ໜຶ່ງບາດ​ເຈັບ​ສາຫັດ, ຊຶ່ງ​ປັດຈຸບັນ​​, ເຈົ້າໜ້າທີ່ກຳລັງ​ເລັ່ງ​ເອົາ​ຄຳ​ໃຫ້ການ​ຈາກ​ຜູ້​ບາດ​ເຈັບ ​ແລະ ກວດກາ​ເບິ່ງກ້ອງ​ວົງ​ຈອນ​ປິດ​ ເພື່ອ​ຊອກຫາ​ສາ​ເຫດ​ຂອງ​ການ​ເກີດ​ອຸປະຕິ​ເຫດຮ້າຍ​ແຮງ​ນີ້.

​ເຈົ້າໜ້າທີ່​ ໃຫ້​ຮູ້​ວ່າ: ​ພຽງ​ໄລຍະ 3 ​ເດືອນ, ຢູ່ນະຄອນຫລວງວຽງຈັນມີ​ອຸປະຕິ​ເຫດ​ເກີດ​ຂຶ້ນ 300 ກວ່າ​ກໍລະນີ, ສົ່ງ​ຜົນ​ເຮັດ​ໃຫ້​ມີ​ຜູ້​ເສຍ​ຊີວິດ 57 ຄົນ, ທຽບ​ໃສ່​ໄລຍະ​ດຽວກັນ​ຂອງ​ປີຜ່ານ​ມາ​ມີ​ລັກສະນະເພີ່ມ​ຂຶ້ນຫລາຍ ​ແລະ ມີ​ຄວາມ​ຮຸນ​ແຮງ​ໂດຍ​ສະ​ເພາະ​ຜູ້​ເສຍ​ຊີວິດ, ນອກຈາກ​ນີ້ ກໍ​ຍັງ​ພົບ​ວ່າ​ມີ​ສະພາບ​ຕຳ​ແລ້ວໜີ​ເກີດ​ຂຶ້ນຫລາຍ, ຊຶ່ງ​ສາ​ເຫດ​ສ່ວນ​ໃຫຍ່​ແມ່ນ​ຍ້ອນ​ຜູ້​ຂັບ​ຂີ່​ດື່ມ​ສິ່ງ​ມືນເມົາ ​ແລະ ຂັບ​ຂີ່​ລົດ​ໄວ.

- Wave100S AD to Website 2020 0 - ເຈົ້າໜ້າທີ່​ເລັ່ງຫາ​ສາ​ເຫດ​ລົດ​ປິ້ນຢູ່ບ້ານນາ​ຜາ​ສຸກມີ​ຜູ້​ເສຍ​ຊີວິດ​ຄາ​ທີ່ 2 ຄົນ
- WhatsApp Image 2020 05 27 at 5 - ເຈົ້າໜ້າທີ່​ເລັ່ງຫາ​ສາ​ເຫດ​ລົດ​ປິ້ນຢູ່ບ້ານນາ​ຜາ​ສຸກມີ​ຜູ້​ເສຍ​ຊີວິດ​ຄາ​ທີ່ 2 ຄົນ
- WhatsApp Image 2020 05 27 at 5 - ເຈົ້າໜ້າທີ່​ເລັ່ງຫາ​ສາ​ເຫດ​ລົດ​ປິ້ນຢູ່ບ້ານນາ​ຜາ​ສຸກມີ​ຜູ້​ເສຍ​ຊີວິດ​ຄາ​ທີ່ 2 ຄົນ
error: Alert: ເນື້ອຫາຂ່າວມີລິຂະສິດ !!