ນະຄອນຫລວງ​ວຽງຈັນ​ເລັ່ງດຳ​ເນີນໂຄງການຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ​ໃຫ້​ສຳ​ເລັດ​ກ່ອນ​ປີ 2019

- way construction - ນະຄອນຫລວງ​ວຽງຈັນ​ເລັ່ງດຳ​ເນີນໂຄງການຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ​ໃຫ້​ສຳ​ເລັດ​ກ່ອນ​ປີ 2019
- Untitled design - ນະຄອນຫລວງ​ວຽງຈັນ​ເລັ່ງດຳ​ເນີນໂຄງການຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ​ໃຫ້​ສຳ​ເລັດ​ກ່ອນ​ປີ 2019

ນະຄອນຫລວງ​ວຽງຈັນ ຢືນຢັນ​ໂຄງການ​ຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ ຢູ່​ເຂດ​ເມືອງ ຫາດ​ຊາຍ​ຟອງ ຈະ​ໃຫ້​ສຳ​ເລັດ​ກ່ອນ​ປີ 2019, ປັດຈຸບັນ​ກຳລັງ​ຈັດ​ຕັ້ງ​ປະຕິບັດ​ຢ່າງ​ຕໍ່​ເນື່ອງ, ​ແລະ ມີ​ຄວາມ​ຄືບໜ້າລື່ນ​ແຜນການ​ກຳນົດ​ໄວ້.

​ເມື່ອ​ບໍ່ດົນ​ມານີ້, ທ່ານ ຄຳ​ພະຈັນ ວົງ​ຊະນະ ຫົວໜ້າປະສານ​ງານ ​ໂຄງການ​ຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ ​ແລະ ​ແຫ້ງ​​ແລ້ງ ​ໃຫ້​ສຳພາດ​ຕໍ່ສື່​ມວນ​ຊົນ ​ວ່າ: ໂຄງການ​ດັ່ງກ່າວ ແມ່ນ​ໄດ້​ຮັບ​ທຶນ​ກູ້​ຢືມຈາກ​ທະນາຄານ​ພັດທະນາ​ອາຊີ 36,5 ລ້ານ​​ໂດ​ລາ ​ໃນ​ນັ້ນເປັນ​ເງີ​ນຊ່ວຍ​ເຫລືອ​ລ້າ 12,5 ລ້ານ​ໂດ​ລາ, ບ່ວງ​ເງີ​ນສົມທົບ​ກັບ​ລັດຖະບານ 4,9 ຕື້ກີບ ​ໂຄງການ​ນີ້ປະກອບ​ມີ 3 ​ໂຄງການຍ່ອຍ​ຄື: ສ້າງ​ຂຶ້ນ​ເພື່ອ​ສະໜັບສະໜູນລັດຖະບານ​ລາວ ​ໃນ​ການວາງ​ມາດ​ຕະການ​ຈັດ​ຕັ້ງ​ປະຕິບັດ ​​ເພື່ອ​ຫລີກ​ລ່ຽງຜົນ​ກະທົບ​ຈາກ​ໄພ​ທຳ​ມະ​ຊາດ​ທີ່​ອາດ​ຈະ​ເກີດ​ຂຶ້ນ, ​ໂຄງການ​ໄດ້​ເລີ່​ມຈັດ​ຕັ້ງ​ປະຕິບັດມາ​ແຕ່​ປີ 2013 ​ເປັນ​ຕົ້ນ​ມາ, ປັດຈຸບັນ​ມີ​ຄວາມ​ຄືບໜ້າ​ແລ້ວ 70%, ສະ​ເພາະ​ການກໍ່ສ້າງ​ຄູ​ປ້ອງ​ກັນນ້ຳຖ້ວມ​ຍາວ 32,2 ກິ​ໂລ​ແມັດ, ​ແບ່ງ​ເປັນ 2 ​ໄລຍະ​ຄື:  ​ໄລຍະ​ທີ 1 ຈາກ​ສະຖານ​ນີດາວ​ທຽມ ລາວ​ສະຕາ-ຂົວ​ມິດຕະພາບ​ລາວ-​ໄທ ​ແຫ່ງ​ທີ 1 ຍາວ 4,05 ກິ​ໂລ​ແມັດ, ສ້າງ​ເປັນ​ຄູ​ດິນ ສັນ​ຄູກ​ວ້າງ 4 ​ແມັດ, ​ໄລຍະ 2 ​ແຕ່​ຂົວ​ມິດຕະພາບ​ລາວ-​ໄທ ຫາ ປາກ​ຫ້ວຍ​ນ້ຳໝາກຮຽວ ຍາວ 26,2 ກິ​ໂລ​ແມັດ, ສັນ​ຄູ​ເປັນ​ເສັ້ນທາງ​ຄົມມະນາຄົມ​ປູຢາງ​ອັດສະ​ຟານ​ກວ້າງ 10 ​ແມັດ, ​ໄດ້​ເລີ່​ມກໍ່ສ້າງ​ແຕ່​ທ້າຍ​ປີ 2016 ​ໂດຍ​ບໍລິສັດ ສຸກ​ປະ​ເສີດ ສຳ​ຫລວດ-ອອກ​ແບບ​ກໍ່ສ້າງ​ຂົວ​ທາງ ​ແລະ ຊົນລະປະທານ ຈຳກັດ ​ເປັນ​ຜູ້​ຮັບ​ເໝົາ, ປັດຈຸບັນ​ປູຢາງ​ໄດ້​ແລ້ວ 10 ກ່ວາ​ກິ​ໂລ​ແມັດ ​ແລະ ຄາດ​ວ່າ​ຈະ​ສຳ​ເລັດ​ກ່ອນ​ແຜນການ​ປີ 2019, ສ່ວນ​ໂຄງການ​ພັດທະນາ​ຊົນລະປະທານ​ເຂດ​ວຽງຈັນ​ໃຕ້ ​ໄດ້​ປະຕິບັດ​ແຕ່​ທ້າຍ​ປີ 2016 ​ເປັນ​ຕົ້ນ​ມາ​ໂດຍ​ບໍລິສັດ ພົງ​ຊັບ​ທະວີ ກໍ່ສ້າງ​ຂົວ​ທາງ ​ແລະ ຊົນລະປະທານ ຈຳກັດ ​ເປັນ​ຜູ້​ຮັບ​ເໝົາ ຊຶ່ງ​ມີ​ຄວາມ​ຄືບໜ້າ 50% ​ແລະ ຄາດ​ວ່າ​ຈະ​ສຳ​ເລັດ​ຕາມ​ແຜນການ​ໃນ​ປີ 2019. ​ພາຍຫລັງ​ໂຄງການ​ສຳ​ເລັດ​ຄາດ​ວ່າ​ຈະ​ຊ່ວຍ​ຕ້ານ​ແລ້ງ-ຕ້ານ​ຖ້ວມ​ທີ່​ອາດ​ເກີດ​ຂຶ້ນ​ໃນ​ເນື້ອທີ່​ກ່ວາ 20 ພັນ​ເຮັກຕາ ​ແລະ ຍັງ​ສາມາດ​ຂະ​ຫາຍ​ເນື້ອທີ່​ສະໜອງນ້ຳຊົນລະປະທານ 1 ພັນ​ກ່ວາ​ເຮັກຕາ ​ແລະ ຊ່ວຍ​ຫລຸດຜ່ອນ​ຜົນ​ເສຍ​ຫາຍ​ໃຫ້​ປະຊາຊົນ ຫລາຍ​ກ່ວາ 6 ພັນ​ຄ​ອບຄົວ.

- Wave100S AD to Website 2020 0 - ນະຄອນຫລວງ​ວຽງຈັນ​ເລັ່ງດຳ​ເນີນໂຄງການຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ​ໃຫ້​ສຳ​ເລັດ​ກ່ອນ​ປີ 2019
- WhatsApp Image 2020 05 27 at 5 - ນະຄອນຫລວງ​ວຽງຈັນ​ເລັ່ງດຳ​ເນີນໂຄງການຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ​ໃຫ້​ສຳ​ເລັດ​ກ່ອນ​ປີ 2019
- WhatsApp Image 2020 05 27 at 5 - ນະຄອນຫລວງ​ວຽງຈັນ​ເລັ່ງດຳ​ເນີນໂຄງການຄຸ້ມ​ຄອງ ​ແລະ ຫລຸດຜ່ອນ​ຄວາມ​ສ່ຽງຈາກ​ໄພ​ນ້ຳຖ້ວມ​ໃຫ້​ສຳ​ເລັດ​ກ່ອນ​ປີ 2019
error: Alert: ເນື້ອຫາຂ່າວມີລິຂະສິດ !!