ນິໂກຕິນຈາກຢາສູບເຂົ້າສູ່ຮ່າງກາຍໄດ້ຜ່ານທາງຜິວໜັງ

- 021005 2018 -  ນິໂກຕິນຈາກຢາສູບເຂົ້າສູ່ຮ່າງກາຍໄດ້ຜ່ານທາງຜິວໜັງ
- Untitled design -  ນິໂກຕິນຈາກຢາສູບເຂົ້າສູ່ຮ່າງກາຍໄດ້ຜ່ານທາງຜິວໜັງ

ນັກວິທະຍາສາດໄດ້ອ້າງອີງເຖິງອະນຸພາກໃນອາກາດທີ່ຖືກຫາຍໃຈອອກມາຈາກຄົນທີ່ສູບຢາ ເຊິ່ງຖືວ່າເປັນຄັວນຢາສູບອັນດັບທີສອງ ຍ້ອນວ່າຄັວນຢາສູບນັ້ນໄດ້ສຳຜັດກັບຜູ້ສູບ ແລະ ເປັນມົນລະພິດພາຍໃນຫ້ອງນັ້ນເປັນທີ່ຮຽບຮ້ອຍແລ້ວ ອະນຸພາກເຫລົ່ານັ້ນສາມາດຈະຫລົງເຫລືອໄດ້ເປັນເວລາດົນກ່ວາຊົ່ວໂມງ. ການຄົ້ນພົບຄັ້ງໃໝ່ນີ້ສຳຄັນຫລາຍກັບເດັກນ້ອຍ ແລະ ໄວໜຸ່ມ ສານນິໂກຕິນນັ້ນສາມາດຈະສົ່ງຜົນກະທົບຕໍ່ສະໝອງໄດ້ ດັ່ງນັ້ນ ຖ້າທ່ານຢູ່ໃນຫ້ອງທີ່ມີການສູບຢາ ທ່ານສາມາດຈະໄດ້ຮັບຄັວນຢາສູບເຫລົ່ານັ້ນຈາກທາງຜິວໜັງ ແລະ ປອດຂອງທ່ານ ເຊິ່ງນີ້ແມ່ນການຄົ້ນພົບຂອງທ່ານ Garbriel Beko ຈາກ Technical  University of Danmark ແລະ Charles Weschle ນັກເຄມີຈາກ Rutgers University ໃນ Piscataway.

ມັນບໍ່ແມ່ນເລື່ອງທີ່ໜ້າປະຫລາດໃຈທີ່ນິໂກຕິນໃນຢາສູບສາສາມາດຜ່ານເຂົ້າທາງຜິວໜັງໄດ້ ຄົນເຮັດວຽກໃນຟາມສາມາດຈະເຈັບປ່ວຍໄດ້ຖ້າພວກເຂົາຖືກໃບນິໂກຕິນຖູຕາມຕົນໂຕຫລາຍຈົນເກີນໄປ ແລະ  ແຜ່ນຕິດນິໂກຕິນຖືກອອກແບບໃຫ້ສົ່ງສານເຄມີນີ້ໄປທາງຜິວໜັງ ເຊິ່ງເປົ້າໝາຍຄືຕ້ອງການທີ່ຈະຊ່ວຍໃຫ້ຄົນທີ່ຕິດຢາສູບນັ້ນມີຄວາມພະຍາຍາມທີ່ຈະເຊົາສູບມັນ. ແຕ່ການສຳຜັດ ກັບນິໂກຕິນທາງຜິວໜັງນັ້ນເປັນເລື່ອງສຳຄັນ ສານເຄມີນີ້ເປັນພິດ ມັນຖືກໃຊ້ໃນຢາກຳຈັດສັດຕູພືດ ມັນຍັງສາມາດກໍ່ໃຫ້ເກີດອາການປ່ວຍ ຫລື ເສຍຊີວິດກັບຄົນໄດ້ນຳ ຖ້າພວກເຂົາສຳຜັດກັບມັນຫລາຍຈົນເກີນໄປ.

ສຳລັບການທົດລອງໃໝ່ ນັກວິໄຈທີ່ບໍ່ສູບຢາຈຳນວນ 2 ຄົນໄດ້ໃຊ້ເວລາກ່ວາ 3 ຊົ່ວໂມງໃນຫ້ອງປິດທີ່ເຕັມໄປດ້ວຍຄັວນຢາສູບ ປະລິມານຂອງຄັວນຢາສູບນັ້ນທຽບເທົ່າກັບຢູ່ບາ ຫລື ຮ້ານບັນເທີງ ແລະ ຕະຫລອດການທົດລອງ ຜູ້ຊາຍເຫລົ່ານີ້ຈະຫາຍໃຈເອົາອາກາດທີ່ສະອາດເຂົ້າໄປໂດຍຜ່ານການປຳ້ອາກາດເຂົ້າບໍລິເວນໃບໜ້າ ເຊິ່ງມີສິ່ງປິດບໍລິເວນໃບໜ້າຢູ່.

ນິໂກຕິນຈະເລີ່ມແຕກໂຕເມື່ອມັນສຳຜັດກັບເລືອດ ການແຕກໂຕຂອງສານເຄມີນີ້ຈະອອກໄປຍັງນຳ້ຍ່ຽວ ເຊິ່ງນຳ້ຍ່ຽວຈາກນັກວິໄຈທັງສອງຄົນສະແດງໃຫ້ເຫັນເຖິງປະລິມານທີ່ເພີ່ມຂຶ້ນຂອງນິໂກຕິນ ເຊິ່ງມາຈາກການແຕກໂຕຂອງສານເຄມີ. ຜູ້ຊາຍເຫລົ່ານີ້ໄດ້ຮັບການດູດຊຶມຂອງນິໂກຕິນປະມານ 570 ໄມໂຄຣກຣາມຜ່ານທາງຜິວໜັງ ເຊິ່ງມີຄ່າຫລາຍເທົ່າກັບຄົນທີ່ສູບຢາລະຫ່ວາງ 0,5 ຫາ 6 ກອກ ມັນຍັງມີຄ່າຫລາຍເທົ່າກັບຄົນທີ່ສືບຫາຍໃຈໃນຫ້ອງທີ່ມີຄັວນຢາສູບຢູ່ນຳອີກ.

- Wave100S AD to Website 2020 0 -  ນິໂກຕິນຈາກຢາສູບເຂົ້າສູ່ຮ່າງກາຍໄດ້ຜ່ານທາງຜິວໜັງ

ນັກວິໄຈຕ້ອງການທີ່ຈະຄົ້ນຫາວ່າເຄື່ອງນຸ່ງທີ່ຫ້ອຍຢູ່ນັ້ນອາດມີບົດບາດຕໍ່ການສຳຜັດນິໂກຕິນນຳ ດັ່ງນັ້ນພວກເຂົາຈຶ່ງຫ້ອຍເສື້ອຍືດເປັນເວລາ 5 ວັນ ໃນຫ້ອງທີ່ມີການສູບຢາ ຫລັງຈາກນັນໃຫ້ນັກວິໄຈຄົນໜຶ່ງທີ່ບໍ່ໄດ້ສູບຢານຸ່ງເສື້ອຜືນນັ້ນ ການແຕກໂຕຂອງນິໂກຕິນສະແດງໃຫ້ເຫັນໃນນຳ້ຍ່ຽວຂອງນັກວິໄຈຜູ້ນັ້ນ. ນັກວິທະຍາສາດພົບວ່າ ລາວມີປະລິມານນິໂກຕິນເຖິງ 4 ເທົ່າໃນເລືອດຂອງລາວ ຫລັງຈາກທີ່ນຸ່ງເສື້ອຍືດທີ່ມີການສຳຜັດກັບຄັວນຢາສູບ ເຊິ່ງຫລາຍກ່ວາການນຸ່ງເສື້ອທີ່ສະອາດ.

- WhatsApp Image 2020 05 27 at 5 -  ນິໂກຕິນຈາກຢາສູບເຂົ້າສູ່ຮ່າງກາຍໄດ້ຜ່ານທາງຜິວໜັງ
- WhatsApp Image 2020 05 27 at 5 -  ນິໂກຕິນຈາກຢາສູບເຂົ້າສູ່ຮ່າງກາຍໄດ້ຜ່ານທາງຜິວໜັງ
error: Alert: ເນື້ອຫາຂ່າວມີລິຂະສິດ !!