ສາເຫດທີ່ແມ່ຍິງອາຍຸ 30 ປີຂຶ້ນໄປບໍ່ຢາກແຕ່ງດອງ

- 011005 2018 - ສາເຫດທີ່ແມ່ຍິງອາຍຸ 30 ປີຂຶ້ນໄປບໍ່ຢາກແຕ່ງດອງ
- Untitled design - ສາເຫດທີ່ແມ່ຍິງອາຍຸ 30 ປີຂຶ້ນໄປບໍ່ຢາກແຕ່ງດອງ

ເຊື່ອຫລືບໍ່ວ່າປະຈຸບັນກະແສຄົນໂສດກຳລັງມາແຮງ ບາງຄົນອາຍຸ 30 ປີແລ້ວຍັງບໍ່ຄິດຈະແຕ່ງດອງ ເປັນຍ້ອນສາເຫດຫຍັງແດ່ທີ່ເຮັດໃຫ້ແມ່ຍິງຍຸກໃໝ່ຄິດເລື່ອງການແຕ່ງດອງໜ້ອຍລົງ ?

     – ຫລາບກັບຄວາມຮັກ : ພຽງແຕ່ຂໍ້ທຳອິດກໍຖືກໃຈແມ່ຍິງໂສດກັນແລ້ວ ມີຄົນເຄີຍບອກໄວ້ວ່າແມ່ຍິງຈະຈື່ຈຳເລື່ອງລາວລາຍລະອຽດນ້ອຍໆໄດ້ດີ ເຊິ່ງກໍບໍ່ເວັ້ນແມ່ນແຕ່ເລື່ອງຄວາມຮັກ ເພາະແມ່ຍິງຫລາຍຄົນທີ່ເຄີດຜິດຫວັງໃນຄວາມຮັກມັກຈະຝັງໃຈ ແລະ ບໍ່ຄິດຈະເລີ່ມຕົ້ນຮັກໃໝ່ ປ່ອຍໃຫ້ຊີວິດດຳເນີນໄປເລື້ອຍໆ ພໍຮູ້ໂຕກໍອາຍຸເຂົ້າຫລັກ 3 ແລ້ວ ເມື່ອວຽກງານພ້ອມ, ການເງິນພ້ອມ ຈຶ່ງບໍ່ຄິດເຖິງເລື່ອງຄວາມຮັກອີກເລີຍ.

     – ຄິດວ່າເຖົ້າແລ້ວບໍ່ຢາກເລີ່ມຕົ້ນໃໝ່ : ແມ່ຍິງຫລາຍຄົນຄິດວ່າຕົນເອງອາຍຸຫລາຍແລ້ວ ບໍ່ຢາກມານັ່ງມີຄວາມຮັກ ທັງວຽກທີ່ໄດ້ຮັບມອບໝາຍໃນແຕ່ລະມື້ນັ້ນກໍມີຫລາຍແລ້ວ ຈຶ່ງຂໍທຸ້ມເທເວລາທັງໝົດໃຫ້ກັບວຽກງານຢ່າງເຕັມທີ່ເພື່ອທ້ອນເງິນໄວ້ໃຊ້ໃນອະນາຄົດ. ສ່ວນເລື່ອງຜູ້ບ່າວກໍບໍ່ຢາກໃຫ້ຄວາມສົນໃຈ ເພາະຖ້າຈະເລີ່ມສຶກສາໃຜກ່ວາຈະລົງຫລັກປັກຖານໄດ້ກໍຄົງຈະອີກຫລາຍປີ ຈຶ່ງຂໍຢູ່ເປັນໂສດແບບນີ້ດີທີ່ສຸດ.

     – ມີພາລະທາງຄອບຄົວຫລາຍ : ແມ່ຍິງຫລາຍຄົນເປັນແບບນີ້ແທ້ໆ ມີພາລະທາງຄອບຄົວຫລວງຫລາຍ ທັງຕ້ອງສົ່ງເງິນໃຫ້ຄອບຄົວ, ເບິ່ງແຍງຄ່າໃຊ້ຈ່າຍໃນເຮືອນ, ສົ່ງນ້ອງຮຽນໜັງສື ເຊິ່ງພາລະຫລາຍແບບນີ້ຈຶ່ງບໍ່ກ້າຈະຄົບຫາກັບໃຜ ຍ້ອນຢ້ານຜູ້  ຊາຍທີ່ຄົນຫາຢູ່ນຳຈະຕ້ອງມາລຳບາກໄປນຳ ຂໍສູ້ຊີວິດດ້ວຍຕົນເອງແບບນີ້ຕໍ່ໄປ.

- Wave100S AD to Website 2020 0 - ສາເຫດທີ່ແມ່ຍິງອາຍຸ 30 ປີຂຶ້ນໄປບໍ່ຢາກແຕ່ງດອງ

     – ໝັ້ນໃຈເຮັດຫຍັງເອງໄດ້ທຸກຢ່າງ : ແມ່ຍິງເກັ່ງຍຸກນີ້ ຫລາຍຄົນບໍ່ຕ້ອງການຄູ່ຊີວິດ ເພາະທັງຊີວິດຂອງນາງສາມາດເບິ່ງແຍງດູແລຕົນເອງໄດ້ ເລື່ອງການແຕ່ງດອງມີຄອບຄົວຈຶ່ງປຽບດັ່ງເລື່ອງທີ່ໄກໂຕ ອາດຈະມີແຟນແດ່ ແຕ່ບໍ່ໄດ້ຈິງຈັງ ແລະ ກໍບໍ່ຂໍເວົ້າເລື່ອງແຕ່ງດອງ ຢູ່ແບບນີ້ສະບາຍໃຈກ່ວາຫລາຍ.

ແລະ ທັງໝົດນີ້ກໍແມ່ນເຫດຜົນຕົ້ນໆທີ່ເຮັດໃຫ້ແມ່ຍິງຍຸກນີ້ບໍ່ຢາກແຕ່ງດອງເຖິງວ່າອາຍຸຈະກ້າວເຂົ້າຫລັກ 3 ໄປແລ້ວກໍຕາມ.

- WhatsApp Image 2020 05 27 at 5 - ສາເຫດທີ່ແມ່ຍິງອາຍຸ 30 ປີຂຶ້ນໄປບໍ່ຢາກແຕ່ງດອງ
- WhatsApp Image 2020 05 27 at 5 - ສາເຫດທີ່ແມ່ຍິງອາຍຸ 30 ປີຂຶ້ນໄປບໍ່ຢາກແຕ່ງດອງ
error: Alert: ເນື້ອຫາຂ່າວມີລິຂະສິດ !!