ພັດທະນາການຂອງລູກນ້ອຍ ເດືອນທີ 2

- 6985231 - ພັດທະນາການຂອງລູກນ້ອຍ ເດືອນທີ 2
- Untitled design - ພັດທະນາການຂອງລູກນ້ອຍ ເດືອນທີ 2

ເດືອນທີ 2 ລູກເລີ່ມປັບໂຕກັບສິ່ງແວດລ້ອມໄດ້ດີຂຶ້ນ ແລະ ເລີ່ມມີສັນຍານການຮຽນຮູ້ໃໝ່ໆ ທີ່ເຮັດໃຫ້ແມ່ເມື່ອຍຫຼາຍຂຶ້ນ ເພາະລູກເລີ່ມກິນນອນເປັນລະບົບຫຼາຍຂຶ້ນ ຄືກິນນົມທຸກ 4 ຊົ່ວໂມງ, ນອນລັບຍາວ 7-8 ຊົ່ວໂມງໃນຕອນກາງຄືນໄດ້ແດ່ແລ້ວ ແລະ ຊ່ວງເວລາກາງເວັນຈະຕື່ນປະມານ 10 ຊົ່ວໂມງ ແລະ ເບິ່ງວ່າພັດທະນາການຂອງລູກນ້ອຍໃນເດືອນນີ້ເປັນແນວໃດ

  1. ດ້ານສະຕິປັນຍາ ແລະ ການຮຽນຮູ້
  • ສາມາດພັດທະນາປະສາດສໍາຜັດໄດ້ດີຂຶ້ນຫຼາຍເຊັ່ນ: ຈື່ສຽງ ແລະ ສໍາຜັດຂອງແມ່ໄດ້ຢ່າງ​ແນ່ນອນ ເຖິງວ່າຈະຍັງຈື່ໜ້າແມ່ບໍ່ໄດ້
  • ການເບິ່ງເຫັນດີຂຶ້ນ ແລະ ເລີ່ມຮຽນຮູ້ທີ່ຈະໃຊ້ປາກສໍາຫລວດສິ່ງຕ່າງໆເຊັ່ນ ດູດນິ້ວ

ການສໍາຜັດສິ່ງຂອງຕ່າງໆ ເປັນໄປຕາມການສັ່ງການຂອງສະໝອງຫຼາຍກວ່າປະຕິກິລິຍາອັດຕະໂນມັດ

  • ລູກສາມາດຮັບປະສາດສໍາຜັດໄດ້ຫຼາຍກວ່າ 1 ຢ່າງເຊັ່ນ: ມືນຕາໄປພ້ອມໆກັບດູດນົມແມ່
  • ສາມາດເຊື່ອມໂຍງການກະທໍາຕ່າງໆຫາກໄດ້ຍິນສຽງແມ່ກໍຈະຢຸດຮ້ອງໄຫ້ ຫຼື ຂະນະທີ່ກໍາລັງດູດນິ້ວເພີນໆ ແລ້ວແມ່ອຸ້ມຂຶ້ນເພື່ອຈະໃຫ້ກິນນົມ ລູກກໍຈະເອົານິ້ວອອກຈາກປາກໄດ້ທັນທີ
  1. ດ້ານຮ່າງກາຍ ແລະ ການເຄື່ອນໄຫວ
  • ການເຄື່ອນໄຫວແຂນຂາຂອງລູກນຸ່ມນວນຂຶ້ນ ອາດຈະມີກະຕຸກແດ່ ແຕ່ກໍຫນ້ອຍລົງ
  • ຫາກຈັບນອນຂວ້ຳສາມາດຍົກຫົວໄດ້ 45 ອົງສາ
  • ເມື່ອຈັບນອນຫງາຍລູກຈະພະຍາຍາມຍົກຫົວ
  • ເວລາຈັບນັ່ງຈະພະຍາຍາມຍົກຫົວຂຶ້ນແຕ່ຍັງໂງກເງກຢູ່
  • ພະຍາຍາມຄວ້າຈັບສິ່ງຂອງ ແລະ ນໍາເຂົ້າປາກເຊັ່ນຄວ້າມືອີກເບື້ອງໄດ້ກໍເອົາມາດູດ

ກ້າມເນື້ອແຂງແຮງຂຶ້ນ ສັງເກດໄດ້ຈາກລູກສາມາດຈັບຖືສິ່ງຂອງໄດ້ດົນຂຶ້ນ (ປະມານ 2-3 ນາທີ)

ການເຄື່ອນໄຫວຂອງລູກຈະດີຂຶ້ນຕາມລໍາດັບ ຫາກໄດ້ອອກກໍາລັງກາຍແຂນຂາ ຊຶ່ງເຮັດໄດ້ງ່າຍໆເຊັ່ນ: ຂະນະທີ່ລູກນອນຫງາຍ ໃຫ້ແມ່ຈັບແຂນລູກນ້ອຍຢ່າງນຸ່ມນວນແລ້ວໂຍກໄປທາງຊ້າຍ, ຂວາ ເພື່ອໃຫ້ລໍາໂຕ ແລະ ຫົວໄດ້ເຄື່ອນໄຫວ ຫຼື ການຈັບລູກນອນຂວ້ຳໃນຍາມຕື່ນ ເພື່ອຝຶກຊັນຄໍໃຫ້ກ້າມຊີ້ນຄໍແຂງແຮງໄວຂຶ້ນ

- Wave100S AD to Website 2020 0 - ພັດທະນາການຂອງລູກນ້ອຍ ເດືອນທີ 2
  1. ດ້ານພາສາ ແລະ ການສື່ສານ
  • ນອກຈາກສຽງໄຫ້ແລ້ວ ເດືອນນີ້ລູກຍັງສະແດງປະຕິກິລິຍາໂຕ້ຕອບດ້ວຍການສົ່ງສຽງອໍແອ ແລະ ເຄື່ອນໄຫວຮ່າງກາຍ, ແຂນ ແລະ ຂາຮ່ວມກັນ
  • ມັກຍິ້ມໃຫ້ກັບຄົນຄຸ້ນເຄີຍ ແລະ ຕື່ນໂຕຢາກລົມນໍາເວລາມີຄົນລົມນໍາ
  • ສົນໃຈຟັງສຽງຕ່າງໆຫຼາາຍຂຶ້ນ ຊຶ່ງເປັນໂອກາດດີທີ່ແມ່ຈະລົມ, ອ່ານນິທານ ຫຼື ເປີດເພງໃຫ້ລູກຟັງ ເພື່ອຊ່ວຍໃຫ້ລູກພັດທະນາການສື່ສານ ແລະ ອາລົມໄດ້ດີຂຶ້ນ
  1. ດ້ານອາລົມ ແລະ ສັງຄົມ
  • ລູກເລີ່ມຍິ້ມໄດ້ແລ້ວ ແລະ ເປັນຍິ້ມທີ່ີມີຄວາມໝາຍ ຊຶ່ງຈະຕ່າງຈາກຊ່ວງ 2 ອາທິດຫຼັງເກີດໃໝ່ ທີ່ສໍາຄັນຄື ລູກຈະເລືອກຍິ້ມໃຫ້ກັບຄົນທີ່ເຂົາຄຸ້ນເຄີຍ ຫຼື ຈື່ໜ້າໄດ້ເຊັ່ນ ແມ່, ພໍ່ ຫຼື ຜູ້ລ້ຽງດູ
  • ລູກໄວນີ້ຮຽນຮູ້ທີ່ຈະສະແດງອາລົມງຸດງິດ, ດີໃຈ ຫຼື ຕື່ນເຕັ້ນໃຫ້ເຫັນ ນັ້ນອາດເປັນເພາະມີຊ່ວງເວລາຕື່ນນອນດົນຂຶ້ນ ແລະ ໄດ້ຫຼິ້ນຫຼາຍຂຶ້ນ
  • ຮຽນຮູ້ທີ່ຈະຢູ່ກັບໂຕເອງໄດ້ດ້ວຍການດູດນິ້ວຢ່າງເພີດເພີນ
  • ມັກເບິ່ງໜ້າຄົນຫຼາຍກວ່າວັດຖຸສິ່ງຂອງ
  • ສາມາດເຊື່ອມໂຍງລະຫວ່າງການກະທໍາກັບບຸກຄະລິກໄດ້ເຊັ່ນ ແມ່ກັບອາຫານ ແລະ ພໍ່ກັບຂອງຫຼິ້ນ

ຢ່າລືມວ່າລູກນ້ອຍຈະມີພັດທະນາການດີ ຫຼື ບໍ່ ຂຶ້ນຢູ່ກັບຄວາມໃສ່ໃຈ ແລະ ການດູແລຢ່າງເໝາະສົມ ແລະ ສະໝໍ່າສະເໝີດ້ວຍເຊັ່ນກັນ

 

- WhatsApp Image 2020 05 27 at 5 - ພັດທະນາການຂອງລູກນ້ອຍ ເດືອນທີ 2
- WhatsApp Image 2020 05 27 at 5 - ພັດທະນາການຂອງລູກນ້ອຍ ເດືອນທີ 2
error: Alert: ເນື້ອຫາຂ່າວມີລິຂະສິດ !!