ດຶງເຊືອກຊີງຂັນ ອາຊີວະເກມ ຄັ້ງທີ I ກຽມເປີດສາກທ້າຍເດືອນນີ້

- 32191260 1968159393257237 1786443908209704960 n - ດຶງເຊືອກຊີງຂັນ ອາຊີວະເກມ ຄັ້ງທີ I ກຽມເປີດສາກທ້າຍເດືອນນີ້
- Untitled design - ດຶງເຊືອກຊີງຂັນ ອາຊີວະເກມ ຄັ້ງທີ I ກຽມເປີດສາກທ້າຍເດືອນນີ້

ສະຫະພັນດຶງເຊືອກແຫ່ງຊາດລາວ ຮ່ວມກັບ ກົມອາຊີວະສຶກສາ ກຽມຈັດການແຂ່ງຂັນກິລາດຶງເຊືອກຊີງຂັນອາຊີວະເກມ ຄັ້ງທີ I ລະຫວ່າງວັນທີ 25-27 ພຶດສະພານີ້ ຂຶ້ນພາຍໃນນະຄອນຫລວງວຽງຈັນ ໂດຍເປີດຮັບສະໝັກນັກກິລາຈາກສະໂມສອນວິທະຍາໄລແຫ່ງຊາດ ແລະ ເອກະຊົນທົ່ວປະເທດຮ່ວມຊີງໄຊ.

ອີງຕາມການເປີດເຜີຍຂອງທ່ານ ໄຕຣລັດ ຮອງປະທານສະຫະພັນດຶງເຊືອກແຫ່ງຊາດລາວ ໃຫ້ຊາບວ່າ: ສະຫະພັນດຶງເຊືອກໄດ້ເປີດຮັບສະໝັກນັກກິລາຈາກວິທະຍາໄລຂອງລັດ ແລະ ເອກະຊົນທົ່ວປະເທດ ເພື່ອເຂົ້າຮ່ວມການແຂ່ງຂັນກິລາດຶງເຊືອກ ໃນລາຍການ ອາຊີວະເກມ ຄັ້ງທີ 1 ທີ່ນະຄອນຫລວງວຽງຈັນ ລະຫວ່າງວັນທີ 25-27 ພຶດສະພານີ້ ເຊິ່ງມີທັງປະເພດຊາຍ ແລະ ຍິງ ໂດຍປະເພດຊາຍ 8 ຄົນນໍ້າໜັກບໍ່ເກີນ 600 ກິໂລກຣາມ, ສ່ວນປະເພດຍິງ 8 ຄົນນໍ້າໜັກບໍ່ເກີນ 500 ກິໂລກຣາມ ເພື່ອຄັດເລືອກທີມເຂົ້າຮ່ວມລາຍການລະດັບພາກພື້ນ. ສ່ວນທີມທີ່ໄດ້ຊະນະເລີດ ຈະໄດ້ຮັບຂັນລາງວັນ 1 ໜ່ວຍ ພ້ອມດ້ວຍເງິນສົດ 2 ລ້ານກີບ, ອັນດັບທີ 2 ໄດ້ຮັບຂັນລາງວັນ ພ້ອມດ້ວຍເງິນສົດ 1,5 ລ້ານກີບ ໂດຍອັນດັບ 1 ກັບ ອັນດັບ 2 ຈະໄດ້ເປັນຕົວແທນເຂົ້າຮ່ວມການແຂ່ງຂັນດຶງເຊືອກໃນງານກິລານັກຮຽນອາຊຽນ ທີ່ປະເທດກໍາປູເຈຍ ແລະ ກິລາອາຊຽນ ຄັ້ງທີ 5 ທີ່ປະເທດໄທ ໃນມໍ່ໆນີ້.

ສໍາລັບທີມທີ່ຕ້ອງການເຂົ້າຮ່ວມການແຂ່ງຂັນຄັ້ງນີ້ ສາມາດສະໝັກໄດ້ທີ່ ສະຫະພັນດຶງເຊືອກແຫ່ງຊາດ ຫລື ປະສານຫາທ່ານ ນາງ ເປົ້າ ມຸກດາວັນ ເບີໂທ 020 5940 4949 ຫລື 021 216 473 ໂດຍທີມທີ່ສະໝັກຈະໄດ້ຮັບເຊືອກສໍາລັບຝຶກຊ້ອມ ແລະ ໃຊ້ແຂ່ງຂັນ 1 ເສັ້ນ.

- Wave100S AD to Website 2020 0 - ດຶງເຊືອກຊີງຂັນ ອາຊີວະເກມ ຄັ້ງທີ I ກຽມເປີດສາກທ້າຍເດືອນນີ້
- WhatsApp Image 2020 05 27 at 5 - ດຶງເຊືອກຊີງຂັນ ອາຊີວະເກມ ຄັ້ງທີ I ກຽມເປີດສາກທ້າຍເດືອນນີ້
- WhatsApp Image 2020 05 27 at 5 - ດຶງເຊືອກຊີງຂັນ ອາຊີວະເກມ ຄັ້ງທີ I ກຽມເປີດສາກທ້າຍເດືອນນີ້
error: Alert: ເນື້ອຫາຂ່າວມີລິຂະສິດ !!