ສາກົນສືບຕໍ່ຊ່ວຍລາວຕ້ານການຄ້າມະນຸດ

- Laos International - ສາກົນສືບຕໍ່ຊ່ວຍລາວຕ້ານການຄ້າມະນຸດ
- AGL banner - ສາກົນສືບຕໍ່ຊ່ວຍລາວຕ້ານການຄ້າມະນຸດ

ໃນໂອກາດການພົບປະລະຫວ່າງທ່ານອຳນວຍ​ການ​ໂຄງການ​ວິນຣອກ (Winrock) ສາກົນ​ຕ້ານ​ການ​ຄ້າ​ມະນຸດ​ປະຈຳລາວນາງ ຊູ​ເກດ ແລະ ທ່ານພັນເອກ ​ເພັງ​ສະຫວັນ ທິບ​ພະ​ວົງ​ໄຊ ຮອງ​ຫົວໜ້າ​ກົມ​ໃຫຍ່​ຕຳຫລວດ, ທັງ​ເປັນ​ຫົວໜ້າ​ກອງ​ເລຂາ​ຄະນະ​ກຳມະການ​ຕ້ານ​ການ​ຄ້າ​ມະນຸດ​ລະດັບ​ຊາດໃນວັນທີ 9 ພຶດສະພານີ້, ທ່ານອຳນວຍ​ການ​ໂຄງການດັ່ງກ່າວໄດ້ສະແດງຄວາມຊົມເຊີຍ ສປປ ລາວ ທີ່ໄດ້ເອົາໃຈໃສ່ວຽກງານຕ້ານການຄ້າມະນຸດຢ່າງແຂງແຮງໃນຜ່ານມາ, ໂດຍສະເພາະການຈັດຕັ້ງປະຕິບັດບັນດາມາດຕະການດ້ານກົດໝາຍ, ນະ​ໂຍບາຍ ​ແລະ ​ໂຄງການ​ຕ່າງໆ ເພື່ອສະກັດກັ້ນບັນຫາດັ່ງກ່າວບໍ່ໃຫ້ແຜ່ລາມ ແລະ ເຮັດໃຫ້ຫລຸດລົງເທື່ອລະກ້າວ.

ໃນໂອກາດນີ້, ສອງຝ່າຍຍັງໄດ້ຫາລື​ການຮ່ວມ​ມືປະຕິບັດ​ໂຄງການ​ຫລຸດຜ່ອນ​ຄວາມ​ສ່ຽງ​ຂອງ​ການ​ຄ້າ​ມະນຸດ​ໃນລາວໃນຕໍ່ໜ້າ, ໂດຍສະເພາະແຕ່ປີ 2018-2022 ພາຍຫລັງໄດ້ຮັບການສະໜັບສະໜູນງົບປະມານເພື່ອປະຕິບັດ​ໂຄງການໃນມູນຄ່າ 2,3​ ລ້ານກວ່າໂດ​ລາສະຫະລັດ, ຊຶ່ງຈະເນັ້ນໃສ່ການ​ຝຶກ​ອົບຮົມ​ວິຊາ​ຊີບ ເພື່ອຕອບ​ສະໜອງ​ໂອກາດ​ການ​ຈ້າງ​ງານ​ໃນ​ກຸ່ມ​ເປົ້າໝາຍ​ທີ່​ມີ​ຄວາມ​ສ່ຽງ ​ໂດຍ​ເລີ່​ມຈາກ​ຜູ້​ລອດ​ຊີວິດ​ຈາກ​ການ​ຄ້າ​ມະນຸດ ​ເພື່ອ​ປ້ອງ​ກັນ​ບໍ່​ໃຫ້​ເຂົາ​ເຈົ້າຕົກ​ເປັນ​ຜູ້​ຖືກ​ເຄາະ​ຮ້າຍ​ຊ້ຳອີກ. ​​ໂຄງການ​ດັ່ງກ່າວຈະປະຕິບັດ​ຢູ່​ນະຄອນຫລວງ​ວຽງ​ຈັນ, ​ແຂວງ​ສະຫວັນ​ນະ​ເຂດ ແລະ ​ຈະ​ຂະຫຍາຍ​ໄປ​ທ້ອງຖິ່ນອື່ນໆໃນຕໍ່ໜ້າ.

ຂ່າວໃຫ້ຮູ້ຕື່ມວ່າ: ​ໃນ​ວັນ​ທີ 9 ພຶດສະພານີ້, ກອງ​ເລຂາ​ຄະນະ​ກຳມະການ​ຕ້ານ​ການ​ຄ້າ​ມະນຸດ​ລະດັບ​ຊາດ (ຄຕມຊ) ໄດ້ຈັດ​ກອງ​ປະຊຸມ​ປຶກສາ​ຫາລື​ດ້ານ​ເນື້ອ​ໃນ ​ແລະ ພິທິການ ​ເພື່ອ​ກຽມຄວາມພ້ອມ​ໃຫ້ແກ່​ກອງ​ປະຊຸມທົບ​ທວນ​ການປະຕິບັດ​ສັນຍາ​ປີ 2017 ​ແລະ ​ແຜນການ​ປີ 2018 ລະຫວ່າງ ສປປ ລາວ ​ແລະ ສສ ຫວຽດນາມ ວ່າ​ດ້ວຍ​ການ​ສະກັດ​ກັ້ນ-ຕ້ານ​ການ​ຄ້າ​ມະນຸດ ​ແລະ ປົກ​ປ້ອງ​ຊ່ວຍ​ເຫລືອ​ຜູ້​ຖືກ​ເຄາະ​ຮ້າຍ, ເຊິ່ງຄາດວ່າຈະຈັດຂຶ້ນໃນທ້າຍເດືອນພຶດສະພານີ້ທີ່ແຂວງຫລວງພະບາງ.

- Wave100S AD to Website 2020 0 - ສາກົນສືບຕໍ່ຊ່ວຍລາວຕ້ານການຄ້າມະນຸດ
- WhatsApp Image 2020 05 27 at 5 - ສາກົນສືບຕໍ່ຊ່ວຍລາວຕ້ານການຄ້າມະນຸດ
- WhatsApp Image 2020 05 27 at 5 - ສາກົນສືບຕໍ່ຊ່ວຍລາວຕ້ານການຄ້າມະນຸດ
- WhatsApp Image 2020 05 27 at 5 - ສາກົນສືບຕໍ່ຊ່ວຍລາວຕ້ານການຄ້າມະນຸດ
- WhatsApp Image 2020 05 27 at 5 - ສາກົນສືບຕໍ່ຊ່ວຍລາວຕ້ານການຄ້າມະນຸດ
error: Alert: Content is protected !!