ເບິ່ງອ່ອນກວ່າອາຍຸດ້ວຍ 5 ວິທີ

- Untitled design - ເບິ່ງອ່ອນກວ່າອາຍຸດ້ວຍ 5 ວິທີ

- 012404 300x151 - ເບິ່ງອ່ອນກວ່າອາຍຸດ້ວຍ 5 ວິທີ       ເວັບໄຊ Fitneaເປີດເຜີຍ 5 ວິທີໃນການເບິ່ງແຍງດູແລສຸຂະພາບຜິວທັງພາຍໃນແລະພາຍນອກເພື່ອຮັກສາຄວາມອ່ອນກ່ວາອາຍຸເຖິງວ່າອາຍຸຈະເພີ່ມຂຶ້ນກໍຕາມ.

– ດື່ມນ້ຳຫລາຍໆ : ໃນຮ່າງກາຍຂອງຄົນເຮົາມີນ້ຳຢູ່ປະມານ 60% ແລະ ຈະຖືກໃຊ້ໝົດແບບມື້ຕໍ່ມື້. ດັ່ງນັ້ນ, ຈຶ່ງຄວນດື່ມນ້ຳມື້ລະ 8 ຈອກ ຫລື ຖ້າຫລາຍກ່ວານັ້ນກໍຍິ່ງດີ. ນອກຈາກນີ້, ຍັງຈະຊ່ວຍໃຫ້ລະບົບການຍ່ອຍອາຫານເຮັດວຽກໄດ້ຄ່ອງຂຶ້ນ ແລະ ຊ່ວຍໃຫ້ລຳໄສ້ເຮັດວຽກເປັນປົກກະຕິ ທັງຍັງຊ່ວຍໃຫ້ຜິວມີຄວາມຫົດຢືດ, ສົດໃສ ແລະ ອ່ອນນຸ້ມ ໂດຍການກັກຄວາມຊຸ່ມຊື່ນ ແລະ ລ້າງສິ່ງເສດເຫລືອອອກຈາກຮ່າງກາຍ.

– ຫລຸດຄວາມເຄັ່ງຄຽດ : ທຸກຄົນລ້ວນແຕ່ມີຄວາມເຄັ່ງຄຽດເຂົ້າມາໃນຊີວິດ ຖ້າຫາກຮຽນຮູ້ທີ່ຈະຈັດການກັບມັນແລ້ວ ຈະພົບວ່າຊີວິດຈະດີຂຶ້ນ. ວຽກງານວິໄຈສະແດງໃຫ້ເຫັນວ່າອາການເຄັ່ງຄຽດຈະເຮັດໃຫ້ເຖົ້າໄວ ເມື່ອຮູ້ສຶກເຄັ່ງຄຽດຮ່າງກາຍຈະສູນເສຍຄວາມດຸ່ນດ່ຽງຕາມທຳມະຊາດ ເຊິ່ງຈະເຮັດໃຫ້ເກີດຄວາມເສຍຫາຍຕໍ່ຮ່າງກາຍ ສົ່ງຜົນເຖິງການຫລັ່ງຮໍໂມນແຊນຟື້ນຟູ ແລະ ການສ້າງຄໍລາເຈັນມີຫລາຍວິທີທີ່ຈະຊ່ວຍຫລຸດຄວາມເຄັ່ງຄຽດ ໂດຍການຫັກເຫຄວາມສົນໃຈໄປຍັງສິ່ງອື່ນ ເຊັ່ນ : ການອອກກຳລັງກາຍເພື່ອຫລຸດຄວາມເຄັ່ງຄຽດ, ຝຶກໂຢຄະ, ການຫາຍໃນເລິກໆ ແລະ ການຝຶກສະມາທິສາມາດຫລຸດຄວາມເຄັ່ງຄຽດ ທັງຍັງເພີ່ມອົກຊີແຊນ, ການໄຫລວຽນຂອງເລືອດ ແລະ ເພີ່ມລະດັບພະລັງງານ.

– ໃຊ້ໝາກໄມ້ບຳລຸງຜິວໜ້າ : ນັ້ນແມ່ນການພອກໜ້າໂດຍໝາກໄມ້, ການທາໝາກຫຸ່ງລົງເທິງໃບໜ້າ ເອັນໄຊໝາກໄມ້ທີ່ເອີ້ນວ່າ : ປາເປນ ຈະຜັດແຊນຜິວແຫ້ງອອກ ແລະ ຫລຸດການສະສົມຂອງເມລານິນ ຫລື ໝາກສະຕໍເບີຣີທີ່ອຸດົມໄປດ້ວຍເບຄ້າແຄໂຣທີນ ແລະ ວິຕາມິນອາ ຊ່ວຍຟື້ນຟູຄໍລາເຈັນ, ຫວ້ານຫາງແຂ້ຊ່ວຍຕໍ່ຕ້ານຮອຍຫ່ຽວ ຊ່ວຍໃຫ້ຜິວເບິ່ງອ່ອນກ່ວາອາຍຸຢ່າງເປັນທຳມະຊາດ.

– ອອກກຳລັງກາຍຢ່າງສະໝໍ່າສະເໝີ : ການອອກກຳລັງກາຍຖືເປັນຂັ້ນຕອນສຳຄັນໃນການເບິ່ງແຍງດູແລຜິວ, ການ ອອກກຳລັງກາຍຈະຊ່ວຍເລື່ອງຄວາມເຄັ່ງຕຶງ ແລະ ຄວາມຫົດຢືດຂອງກ້າມຊີ້ນ ຊ່ວຍປ້ອງກັນພະຍາດຫົວໃຈ ເຮັດໃຫ້ຮູ້ສຶກສົດ ຊື່ນຫ້າວຫັນຊ່ວຍເພີ່ມການໄຫລວຽນເລືອດທົ່ວຮ່າງກາຍ ສົ່ງຜົນດີຕໍ່ສະໝອງ ເຊິ່ງວິທີທີ່ງ່າຍທີ່ສຸດນັ້ນກໍແມ່ນການຍ່າງ.

- Wave100S AD to Website 2020 0 - ເບິ່ງອ່ອນກວ່າອາຍຸດ້ວຍ 5 ວິທີ

– ກິນອາຫານສຸຂະພາບ : ຢູ່ໃຫ້ຫ່າງຈາກຊີ້ນແດງ ແລະ ຊີ້ນງົວ, ກິນອາຫານທະເລແທນຖ້າເປັນໄປໄດ້, ບໍ່ກິນແປ້ງຫລາຍ ຫັນມາກິນຈຳພວກແກ່ນພືດດີກ່ວາ, ຄວນກິນຜັກ ແລະ ໝາກໄມ້ທີ່ມີສານຕ້ານອະນຸມູນອິດສະລະ. ປັດໄຈສຳຄັນຂອງເລື່ອງອາຍຸ ແລະ ພະຍາດຕ່າງໆນັ້ນ ການກິນອາຫານທີ່ດີຕໍ່ສຸຂະພາບຈະຊ່ວຍໃຫ້ທ່ານເບິ່ງອ່ອນກ່ວາອາຍຸຫລາຍຂຶ້ນ.

- WhatsApp Image 2020 05 27 at 5 - ເບິ່ງອ່ອນກວ່າອາຍຸດ້ວຍ 5 ວິທີ
- WhatsApp Image 2020 05 27 at 5 - ເບິ່ງອ່ອນກວ່າອາຍຸດ້ວຍ 5 ວິທີ
error: Alert: ເນື້ອຫາຂ່າວມີລິຂະສິດ !!