ເມືອງລະມາມ ກຳນົດອີກ 2 ປີ ຈະລົບລ້າງຄອບຄົວຄວາມທຸກຍາກໄດ້ຢ່າງຂາດຕົວ

ໃນໄລຍະຊຸມປີຜ່ານມາ ໂດຍສະເພາະ ປີ 2017 ເຖິງ ວ່າ ສະພາບແວດລ້ອມຂອງ ສາກົນ, ພາກພື້ນ, ພາຍໃນທີ່ ມີທັງກາລະໂອກາດ, ຂໍ້ ສະດວກ ແລະ ສິ່ງທ້າທາຍ ທົດສອບຫຼາຍປະການກໍ ຕາມ. ແຕ່ດ້ວຍຄວາມຮັບ ຜິດຊອບສູງ ເມືອງລະມາມ ແຂວງເຊກອງສາມາດບໍລິ ຫານລັດແຕ່ລະຂັ້ນເຂົ້າສູ່ລະ ບຽບກົດໝາຍ ແລະ ມີຄວາມ ສັກສິດເທື່ອລະກ້າວ. ຂະ ບວນການແຂ່ງຂັນຮັກຊາດ ແລະ ພັດທະນາຕາມ 4 ເນື້ອ ໃນ 4 ຄາດໝາຍໄດ້ຮັບການ ຈັດຕັ້ງປະຕິບັດຢ່າງເປັນ ຂະບວນຟົດຟື້ນ ແລະ ມີຜົນ ສຳເລັດເຮັດໃຫ້ຊີວິດການ ເປັນຢູ່ຂອງປະຊາຊົນນັບມື້ ດີຂຶ້ນເຊິ່ງຄາດວ່າ ປີ 2019 ຈະລົບລ້າງຄອບຄົວ ທຸກຍາກ ໄດ້ຢ່າງສິ້ນເຊີງ ຈາກຈຳ ນວນ 526 ຄອບຄົວທຸກ ຍາກ ທີ່ຍັງມີຢູ່ໃນຂະນະນີ້.

 

ເຈົ້າເມືອງລະມາມເນັ້ນຫລາຍບັນຫາຕໍ່ກຳລັງປ້ອງກັນຄວາມສະຫງົບ

ແມ່ຍິງໃນເຂດຊົນນະບົດມີບົດບາດຫລາຍຂຶ້ນ ໃນການວາງແຜນພັດທະນາຄອບຄົວ ແລະ ຊຸມຊົນ

ທ່ານ ແພງສີ ສີລາວີ ເຈົ້າເມືອງລະມາມ ໃຫ້ຮູ້ວ່າ: ເມືອງລະມາມເປັນເມືອງເທສະບານແຂວງເຊກອງມີ ເນື້ອທີ່ທັງໝົດ 193.500 ເຮັກຕາມີ 43 ບ້ານ 7.888 ຄອບຄົວ, ມີພົນລະເມືອງ ທັງໝົດ 38.185 ຄົນ,ຍິງ 18.823 ຄົນ, ປະຊາຊົນ ສ່ວນຫຼາຍຖືເອົາການປູກ ຝັງ-ລ້ຽງສັດເປັນອາຊີບຕົ້ນຕໍ, ໄດ້ພັດທະນາເມືອງ ຂອງ ຕົນ ໄປຕາມວິໄສທັດທີ່ວ່າ: ພັດທະນາເມືອງລະມາມໃຫ້ມີຄວາມໜັກແໜ້ນ, ຫັນປ່ຽນ ຕາມທ່າແຮງ ແລະ ການປູກ- ການລ້ຽງໄປສູ່ເຕັກນິກວິທະຍາສາດ.

ສ້າງກຸ່ມຜະລິດໃຫ້ເຂັ້ມແຂງຍູ້ແຮງການບໍລິການ ແລະ ການທ່ອງທ່ຽວໂດຍ ອີງໃສ່ທ່າແຮງຈຸດພິເສດ ຂອງເມືອງບວກກັບມູນເຊື້ອ ດຸໝັ່ນຂະຫຍັນພຽນຂອງ ປະຊາຊົນເຮັດໃຫ້ເສດຖະກິດ ຂອງເມືອງມີການຂະຫຍາຍ ຕົວດີຂຶ້ນເປັນກ້າວຄື: ປີ 2017 ຂະຫຍາຍຕົວໃນລະ ດັບ 10% ຕໍ່ປີ, ສະເລ່ຍ ລາຍຮັບໃສ່ຫົວຄົນໜຶ່ງບັນ ລຸໄດ້ 14 ລ້ານກວ່າກີບຕໍ່ປີ, ຄອບຄົວທຸກຍາກໄດ້ຮັບ ການແກ້ໄຂຢ່າງຈິງຈັງປັດ ຈຸບັນຍັງເຫຼືອພຽງ 526 ຄອບຄົວ ໃນ 6 ບ້ານທຸກ ຍາກຄາດວ່າປີ 2019 ຈະສາມາດລົບລ້າງໄດ້ ຢ່າງສີ້ນເຊີງ.
ທ່ານ ແພງສີ ສີລາວີ ໃຫ້ຮູ້ຕື່ມວ່າ: ໃນປີ 2018 ເມືອງລະມາມຈະສູ້ຊົນເຮັດ ໃຫ້ເສດຖະກິດຂະຫຍາຍ ຕົວ 11,28% ແລະ ສູ້ຊົນ ໃຫ້ລວມຍອດຜະລິດຕະ ພັນພາຍໃນ (GDP) ບັນ ລຸໄດ້ 607 ຕື້ກວ່າກີບ, ສະ ເລ່ຍລາຍຮັບໃຫ້ໄດ້15 ລ້ານກວ່າກີບຕໍ່ຄົນຕໍ່ປີ./.

error: Alert: Content is protected !!