ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ

ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ - 12939632 10153611535761229 108088895 n1 - ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ
ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ - AGL banner - ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ

ເລື່ອງທີ່ຢາກໃຫ້ຜູ້ອ່ານ ເບິ່ງກວ້າງໆ ແນມໄກໆ ປະ ຈຳວັນນີ້ ແມ່ນກ່ຽວກັບທັດ ສະນະຂອງ ທ່ານ ແອນດີ ວິນ ລຽມ ສີນາກາ ປະທານສະ ມາພັນອົງການກຳມະບານ ເພື່ອຄວາມສົມບູນພູນສຸກ ຂອງອິນໂດເນເຊຍ ເຊິ່ງທ່ານ ໄດ້ເວົ້າກັບການປະທ້ວງຂອງກຳມະກອນອິນໂດເນເຊຍ ວ່າ ມີບັນຫາຂັດແຍ່ງກັນແນວໃດ ແລະ ຄວນແກ້ໄຂແນວໃດ ຈິ່ງຈະນຳປະໂຫຍດສູງສຸດ ມາສູ່ຊາວຜູ້ອອກແຮງງານ ເອງ.

 

ການປັບຂຶ້ນຄ່າແຮງງານຂັ້ນຕ່ຳຂໍຢ່າໃຫ້ເປັນສູນ

ກຳປູເຈຍຂຶ້ນຄ່າແຮງງານ ກຳມະກອນໂຮງງານຕັດຫຍິບ

ທ່ານ ແອນດີ ວິນລຽມ ສີນາກາ ໜຶ່ງໃນຜູ້ນຳຂະບວນ ການກຳມະບານອິນໂດເນເຊຍ ມີຄຳເຫັນ (ໃນໄລຍະວັນ ກຳມະກອນສາກົນ 1 ພຶດ ສະພາປີນີ້) ວ່າການເດີນປະ ທ້ວງຂອງ ເຫລົ່າກຳມະກອນ ອິນໂດເນເຊຍ ແຕ່ລະຄັ້ງນັ້ນ ຜູ້ປະທ້ວງມັກຈະສະເໜີ ແຕ່ເລື່ອງ ໃຫ້ຜູ້ຈ້າງງານ ເຊິ່ງ ໄດ້ແກ່ເຈົ້າຂອງໂຮງຈັກໂຮງ ງານອຸດສາຫະກຳຂຶ້ນເງິນຄ່າແຮງງານເປັນຕົ້ນຕໍ ແຕ່ບໍ່ສົນ ໃຈເລື່ອງອື່ນພໍເທົ່າໃດ.
ທ່ານ ແອນດີ ເຫັນວ່າ ບັນດາກຳມະກອນ ຄວນເບິ່ງ ໄກໄປກວ່າເລື່ອງຂໍຂຶ້ນເງິນ ຄ່າແຮງງານ, ຄວນເບິ່ງເລື່ອງ ອື່ນນຳເຊັ່ນ: ການເຝຶກອົບຮົມ ເພື່ອຄວາມຊຳນານງານໃນວິຊາຊີບທີ່ຈະຊ່ວຍເຮັດໃຫ້ຊີວິດຂອງຊາວກຳມະກອນເອງມີຄຸນນະພາບດີຂຶ້ນ.
ຖ້າກຳມະກອນ ຍາມໃດ ກໍມີແຕ່ປະທ້ວງຂໍຂຶ້ນເງິນຄ່າແຮງງານຢ່າງດຽວ, ຜົນຮັບ ອາດເປັນດ້ານລົບເພາະໂຮງຈັກໂຮງງານອາດຕັດຮອນ ຈຳນວນຄົນງານລົງ ຫລື ປິດ ກິດຈະການໄປເລີຍ.

ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ - Wave100S AD to Website 2020 0 - ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ

ທ່ານ ແອນດີ ບອກວ່າ ພາຍໃນກຳມະກອນອິນໂດເນເຊຍເອງກໍມີຄຳຄິດເຫັນບໍ່ກົງກັນກ່ຽວ ກັບການເດີນປະ ທ້ວງທວງໃຫ້ຂຶ້ນຄ່າແຮງ ງານຄືມີຈຳນວນໜຶ່ງບໍ່ຕ້ອງ ການຮ່ວມຂະບວນປະທ້ວງ ຍ້ອນຢ້ານທາງໂຮງຈັກໂຮງງານຫລຸດຈຳນວນຄົນງານ ລົງ ຫລື ປິດກິດຈະການໄປ ເລີຍ ເຊິ່ງຈະເຮັດໃຫ້ພວກຕົນ ຫວ່າງງານລ້າໆ. ແຕ່ຖ້າບໍ່ ຮ່ວມຂະບວນປະທ້ວງນຳໝູ່ ພວກຕົນກໍຈະຖືກໝາຍຫົວວ່າເປັນພວກທໍລະຍົດ.
ທ່ານ ແອນດີ ວ່າຜູ້ເດີນ ປະທ້ວງຄວນເບິ່ງ ບັນຫາໃຫ້ ຖີ່ຖ້ວນ, ຢ່າຂໍຂຶ້ນແຕ່ຄ່າແຮງ ງານຢ່າງດຽວ ເພາະຍັງມີ ບັນຫາອື່ນໆ ທີ່ສຳຄັນເຊັ່ນ ອາດຮຽກຮ້ອງໃຫ້ທາງໂຮງ ຈັກໂຮງງານຊອກທີ່ພັກພາ ອາໄສ ຢູ່ໃກ້ໆ ກັບບ່ອນເຮັດ ວຽກ ເພື່ອຕັດບັນຫາການເດີນ ທາງໄກ.
ຕາມທັດສະນະຂອງ ທ່ານ ແລ້ວກໍແມ່ນວ່າ ການ ຮຽກຮ້ອງຂອງກຳມະກອນ ເວລາເດີນປະທ້ວງນັ້ນ ຕ້ອງ ມີ ລັກສະນະພາວະວິໄສ ແລະ ໃຫ້ຜູ້ຈ້າງງານມີທາງເລືອກ ເພາະຖ້າບໍ່ມີທາງເລືອກແລ້ວຜົນຮັບອາດເປັນທາງລົບ.
ທ່ານ ມີຄຳເຫັນມ້ວນ ທ້າຍໃນລັກສະນະຕຳນິຕິ ຕຽນບັນດາຫົວໜ້າການຈັດ ຕັ້ງກຳມະບານຈຳນວນກຸ່ມ ໜຶ່ງວ່າ ສວຍໃຊ້ການເດີນປະ ທ້ວງເພື່ອຜົນປະໂຫຍດທາງການເມືອງຂອງກຸ່ມ, ເຊັ່ນ ສວຍໂອກາດແຈກຢາຍເສື້ອ ຍືດ (T-Shirt) ທີ່ມີເນື້ອ ໃນສະໜັບສະໜູນກຸ່ມນັກ ການເມືອງ ໃຫ້ກຳມະກອນນຸ່ງ ເວລາເຮັດການປະທ້ວງ. ທ່ານ ວ່າເປົ້າໝາຍການຕໍ່ສູ້ຂອງ ກຳມະກອນນັ້ນ ແມ່ນເພື່ອໃຫ້ ມີການປ່ຽນແປງແຕ່ຂັ້ນຮາກຖານຂຶ້ນໄປ, ດັ່ງນັ້ນຮູ້ການ ຕໍ່ສູ້ຕ້ອງເລີ່ມຢູ່ພາຍໃນກະ ໂຕໂຮງຈັກໂຮງງານເອງ, ບໍ່ ແມ່ນພາກັນແຫ່ຕາມຖະໜົນ. ຟັງຄຳເຫັນຂອງ ທ່ານ ແອນ ດີແລ້ວ, ກໍຢາກກຽວມາເບິ່ງ ບັນຫາຢູ່ບ້ານເຮົາ, ເຊິ່ງມີ ການກຳນົດເງິນເດືອນຄ່າ ແຮງງານຂັ້ນຕ່ຳເປັນ 1,1 ລ້ານກີບ ເພີ່ມຈາກ 9 ແສນ ກີບ ໃນເມື່ອກ່ອນ.

ຜູ້ຂຽນໄດ້ຍິນຫາງສຽງຈາກເຈົ້າຂອງໂຮງຈັກໂຮງ ງານບໍລິສັດຈຳນວນໜຶ່ງທີ່ ບອກວ່າເລື່ອງ ການປັບຂຶ້ນ ເງິນຄ່າແຮງງານຕ່ຳນັ້ນບໍ່ມີ ບັນຫາດອກ, ແຕ່ຂໍໃຫ້ຜູ້ອອກ ແຮງງານເພີ່ມປະສິດທິ ພາບ ໃນການອອກແຮງງານໃຫ້ ສົມຄູ່ກັບຈຳນວນຄ່າຈ້າງທີ່ ເພີ່ມຂຶ້ນ ແນ່ນອນເມື່ອ “ຊີ້ນ ໄປ ປາກໍຕ້ອງມາ” ລະນໍ!
(ຂໍ້ມູນຈາກ Vientiane Times 8/05/2018)

ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ - WhatsApp Image 2020 05 27 at 5 - ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ
ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ - WhatsApp Image 2020 05 27 at 5 - ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ
ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ - WhatsApp Image 2020 05 27 at 5 - ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ
ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ - WhatsApp Image 2020 05 27 at 5 - ບັນຫາການປະທ້ວງຂໍຂຶ້ນຄ່າແຮງງານຢູ່ອິນໂດເນເຊຍ
error: Alert: Content is protected !!