ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ

- Lighting of moving - ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ
- AGL banner - ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ

ວັນທີ 10 ພຶດສະພານີ້, ຢູ່ໂຮງຮຽນມັດທະຍົມສົມບູນວຽງຈັນ ສະມາຄົມການຕ່າງປະເທດສປ ຈີນ, ໄດ້ຈັດກິດຈະກໍາໂຄງການເຄື່ອນໄຫວແສງສະຫວ່າງແມ່ນໍ້າລ້ານຊ້າງ-ແມ່ນໍ້າຂອງໂດຍການເຂົ້າຮ່ວມຂອງທ່ານ ຄໍາຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ທອງ​ຜ່ານ ສະຫວັນ​ເພັດ ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ ​ແລະ ທ່ານ ຫວາງເຫວີນທ່ຽນ ເອກອັກຄະລັດຖະທູດຈີນ ປະຈໍາລາວ, ພ້ອມ​ດ້ວຍຜູ້ອໍານວຍກາໂຮງຮຽນ ມັດທະຍົມສົມບູນວຽງຈັນ ​ແລະ ນັກຮຽນຄູ​ອາຈານ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ທ່ານ ຮອງລັດຖະມົນຕີກະຊວງການຕ່າງປະເທດ ມີ​ຄຳ​ເຫັນ​ໃນ​ພິທີວ່າ: ໂຄງການເຄື່ອນໄຫວແສງສະຫວ່າງໃນຂົງ​ເຂດແມ່ນໍ້າລ້ານຊ້າງ-ແມ່ນໍ້າຂອງໄດ້ນຳເອົາຜົນປະໂຫຍດອັນດີມາສູ່ປະຊາຊົນໃນປະເທດລຸ່ມແມ່ນ້ຳຂອງລວມທັງສປປ ລາວ, ເຊິ່ງເປັນການຮັດແໜ້ນສາຍພົວພັນຮ່ວມມືລະຫວ່າງ ລາວ-ຈີນລວມທັງບັນດາປະເທດສະມາຊິກແມ່ນໍ້າລ້ານຊ້າງ-ແມ່ນໍ້າຂອງ. ສປປ ລາວ ທະນຸຖະໜອມສາຍພົວພັນມິດຕະພາບທີ່ເປັນມູນເຊື້ອກັບ ສປ ຈີນ, ທັງເຊື່ອໝັ້ນວ່າສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດຈະນັບມື້ແໜ້ນແຟ້ນຍິ່ງຂຶ້ນ.

ໂອກາດດັ່ງກ່າວ ທ່ານຫຼິວປີ້ເຫວີຍ ຮອງປະທານສະມາຄົມການຕ່າງປະ ເທດ ສປ ຈີນ ກ່າວວ່າ: ສະມາຄົມການຕ່າງປະເທດຈີນໄດ້ຕິດຕໍ່ພົວພັນກັບກະຊວງການຕ່າງປະເທດ,ກະຊວງສຶກສາທິການ ແລະ ກິລາ, ກະຊວງສາທາລະນະສຸກ, ສະຖານທູດຈີນປະຈໍາລາວ ແລະພາກສ່ວນຕ່າງໆທີ່ກ່ຽວຂ້ອງ ເຊິ່ງໄດ້ເລືອກເອົາໂຮງຮຽນມັດທະຍົມສົມບູນວຽງຈັນ, ໂຮງຮຽນມັດທະຍົມສົມບຸນສະຫວັນນະເຂດແລະ ໂຮງຮຽນປະຖົມສົມບູນສຸນັ້ນທາ ແຂວງສະຫວັນນະເຂດ ເປັນໂຮງຮຽນໃນການດຳເນີນກິດຈະກຳກວດເຊັກສຸຂະພາບສາຍຕາ,ຄາດວ່າຈະມີຄົນເຂົ້າກວດປະມານ 3700 ຄົນ, ຊຶ່ງ​ໃນ​ນັ້ນຈະໄດ້ນໍາໃຊ້ແວ່ນຕາປະມານ20%, ​ໂດຍ​ທາງ​ໂຄງການ​ຈະ​ສົ່ງ​ໃຫ້​ແຕ່ລະ​ໂຮງຮຽນຕາມ​ພາຍຫລັງ.

ທ່ານ ເອກອັກຄະລັດຖະທູດ ສປ ຈີນ ປະຈຳ ສປປ ລາວ ກ່າວວ່າ: ກິດຈະກຳ​ດັ່ງກ່າວ, ສະ​ແດງ​ໃຫ້​ເຫັນ​ເຖິງ​ມິດຕະພາບ​ອັນ​ເປັນ​ມູນ​ເຊື້ອລະຫວ່າງ ຈີນ-ລາວ​ໄດ້​ແຕກ​ດອກ​ອກຜົນ​ອັນ​ໃໝ່ ​ແລະ ​ເຊື່ອ​ໝັ້ນວ່າຄວາມ​ສຳພັນ​ໄມຕີ​ລະຫວ່າງ​ປະຊາຊົນ​ສອງ​ຊາດ ຈີນ-ລາວ ທີ່​ມຄວາມໝາຍຍຸດ​ທະ​ສາດ​ໃຫ້ໝັ້ນຄົງ​ຕະຫລອດ​ການ.

- Wave100S AD to Website 2020 0 - ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ

ໂຄງການເຄື່ອນໄຫວເພື່ອແສງສະຫວ່າງໃນປະເທດແມ່ນໍ້າລ້ານຊ້າງ-ແມ່ນໍ້າຂອງ ທີ່ ສປປ ລາວເປັນໜຶ່ງໃນໂຄງການທີ່ສໍາຄັນຂອງການຮ່ວມມືດ້ານການພັດທະນາຊີວິດການເປັນຢູ່ຂອງປະຊາຊົນຕາມລຸ່ມແມ່ນໍ້າລ້ານຊ້າງ-ແມ່ນໍ້າຂອງເຊິ່ງນັບແຕ່ປີ 2016 ເປັນຕົ້ນມາ ສະມາຄົມດັ່ງກ່າວ​ໄດ້ຈັດຕັ້ງທີມແພດເພື່ອ​ເຄື່ອນ​ໄຫວ​ຊ່ວຍຜ່າຕັດຕາຂຸ້ນໂດຍບໍ່ເສຍຄ່າໃຫ້ແກ່ປະຊາຊົນ 3 ປະເທດຄື:ກໍາປູເຈຍ, ລາວ ແລະ ມຽນມາ ເຊິ່ງກິດຈະກຳນີ້ໄດ້ຮັບການຕອບຮັບ ແລະຍ້ອງຍໍຈາກຫລາຍພາກສ່ວນ. ​ແລະ​ໃນ​ປີ 2018 ນີ້, ທີ​ມງານ​ດັ່ງກ່າວໄດ້ເດີນທາງມາສູ່ບັນດາປະເທດລຸ່ມແມ່ນນໍ້າຂອງອີກຄັ້ງໜຶ່ງເພື່ອດຳເນີນການໄລຍະ 2 ຂອງໂຄງການ ນັ້ນກໍ່ຄືກິດຈະກຳ ແສງສະຫວ່າງເພື່ອສຸຂະພາບສາຍຕາຂອງນັກຮຽນມັດຖະຍົມ ແລະ ປະຖົມ ໃນບັນດາປະເທດລຸ່ມແມ່ນໍ້າຂອງຈາກທີມແພດກຸ່ມໂຮງໝໍປົວຕາໄອເອີ້ ສປ. ຈີນ.

- WhatsApp Image 2020 05 27 at 5 - ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ
- WhatsApp Image 2020 05 27 at 5 - ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ
- WhatsApp Image 2020 05 27 at 5 - ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ
- WhatsApp Image 2020 05 27 at 5 - ສປ ຈີນຈັດໂຄງການເຄື່ອນໄຫວແສງສະຫວ່າງໃນແມ່ນໍ້າລ້ານຊ້າງ-ແມ່ນໍ້າຂອງ ທີ່ນະຄອນຫຼວງວຽງຈັນ
error: Alert: Content is protected !!