ຄຳຖາມທີ່ຕ້ອງຕອບຕົນເອງກ່ອນຈະປ່ຽນວຽກ

- Untitled design - ຄຳຖາມທີ່ຕ້ອງຕອບຕົນເອງກ່ອນຈະປ່ຽນວຽກ

- 042404 300x180 - ຄຳຖາມທີ່ຕ້ອງຕອບຕົນເອງກ່ອນຈະປ່ຽນວຽກ     ຫລາຍຄົນອາດປ່ຽນວຽກຍ້ອນອາລົມ ຈົນລືມພິຈາລະນາເຫດຜົນສຳຄັນໆໄປ. ສະນັ້ນ, ມາລອງຕອບຄຳຖາມຕໍ່ໄປນີ້ກ່ອນຈະ ຕັດສິນໃຈຍື່ນໃບລາອອກ.

  1. ປ່ຽນຍ້ອນວຽກໃໝ່ດີກ່ວາ ຫລື ພຽງແຕ່ອົດທົນເຮັດວຽກເກົ່າບໍ່ໄຫວ ?

– ຫລາຍຄົນທີ່ຮູ້ສຶກວ່າຕິດຢູ່ກັບວຽກທີ່ເລີ່ມບໍ່ຄ່ອຍມ່ວນ ຫລື ຮູ້ສຶກວ່າຄວາມກ້າວໜ້າຄືບໄປຊ້າໆ ເຮັດຫຍັງກໍມີແຕ່ລົງໄປໝົດ ຈຶ່ງເຮັດໃຫ້ທ່ານຄິດຈະລາອອກຈາກວຽກຢ່າງດຽວ ໂດຍບໍ່ໄດ້ພິຈາລະນາວຽກໃໝ່ໃຫ້ຮອບດ້ານ, ບາງຄົນເຖິງຂັ້ນຍອມໄປເລີ່ມຕົ້ນໃໝ່ໂດຍທີ່ອີກບໍ່ດົນປານໃດ ໄລຍະເວລາຮ້າຍໆໃນບໍລິສັດເກົ່າອາດຈະກຳລັງຜ່ານໄປໃນອີກບໍ່ດົນກໍເປັນໄດ້ ເຊິ່ງມັນຈະກຸ່ມຄ່າຫລືບໍ່ທີ່ທ່ານຈະຟ້າວລາອອກ ?

  1. ໝັ້ນໃຈຫລືບໍ່ວ່າທ່ານບໍ່ໄດ້ຫລົງໃນສິ່ງທີ່ເກີນຄວາມຈິງ ?

– ທ່ານໄດ້ຮັບຂໍ້ສະເໜີວຽກທີ່ດີເລີດ ແລະ ຫົວໜ້າວຽກທີ່ເບິ່ງເປັນມິດຫລາຍ ຈຶ່ງເຮັດໃຫ້ຄິດໄປວ່າຈະຕ້ອງໄປໄດ້ດີຢູ່ບ່ອນເຮັດວຽກໃໝ່ ສິ່ງທີ່ເປັນຢູ່ນີ້ອາດເກີດຂຶ້ນໄດ້ ເມື່ອທ່ານພິຈາລະນາຈາກພຽງສິ່ງທີ່ບໍລິສັດນຳສະເໜີໂຕເອງ ຈົນເຮັດໃຫ້ທ່ານຮູ້ສຶກໂຊກດີຫລາຍທີ່ຈະໄດ້ຮັບວຽກ, ແຕ່ທ່ານໄດ້ສຶກສາຂໍ້ມູນບໍລິສັດຈາກແງ່ມຸມຂອງຄົນອື່ນໆຫລືຍັງ, ຂ່າວດີຂ່າວຮ້າຍຂອງບໍລິສັດຈາກໜັງສືພິມຍ້ອນຫລັງເປັນສິ່ງທີ່ບໍ່ຄວນເບິ່ງຂ້າມ.

  1. ຄ່າຕອບແທນໂດຍລວມຈະດີຫລືບໍ່ ?

ແນ່ນອນວ່າເງິນເດືອນບ່ອນໃໝ່ກໍຄວນຈະດີກ່ວາ ເພາະແນວໃດທ່ານກໍຕ້ອງລ້ຽງປາກລ້ຽງທ້ອງ, ແຕ່ຄວາມກຸ້ມຄ່າກໍບໍ່ໄດ້ຢູ່ບ່ອນຈຳນວນເງິນສູງສຸດ ຫລື ເງິນເດືອນທັງໝົດ ທ່ານຄວນຈະຄຳນວນນັບແຕ່ຄ່າເດີນທາງ, ຄ່າໂທລະສັບ, ຊົ່ວໂມງການເຮັດວຽກ, ສະຫວັດດີການຕ່າງໆ ແລະ ຢ່າລືມຄຳນວນຄ່າເສື່ອມສຸຂະພາບຕາມລັກສະນະວຽກທີ່ໄດ້ຮັບນຳ.

- Wave100S AD to Website 2020 0 - ຄຳຖາມທີ່ຕ້ອງຕອບຕົນເອງກ່ອນຈະປ່ຽນວຽກ
  1. ຫົນທາງເຕີບໃຫຍ່ໃນບໍລິສັດມີຫລາຍປານໃດ ?

– ບໍລິສັດກໍປຽບດັ່ງກ່ອງ ຫາກກ່ອງແຄບ ບໍ່ວ່າຈະງວາກໄປທາງໃດກໍມີແຕ່ທາງຕັນ ແລ້ວທ່ານຈະຢູ່ໄປເພື່ອຫຍັງ ຫາກທ່ານບໍ່ຢາກຈະປ່ຽນວຽກເລື້ອຍໆ ຄວນຊອກຫາອົງການ ຫລື ບໍລິສັດທີ່ທ່ານຈະສາມາດເລື່ອນຕຳແໜ່ງໃຫ້ສູງຂຶ້ນໄດ້ອີກເລື້ອຍໆໃນອີກ 5 – 10 ປີຂ້າງໜ້າ ຫລື ຢ່າງໜ້ອຍໆການເຮັດວຽກບ່ອນໃໝ່ນີ້ຈະເປັນການພັດທະນາໂຕທ່ານໃຫ້ໄປສູ່ຕຳແໜ່ງທີ່ດີຂຶ້ນໃນສາຍວຽກນີ້.

ບໍ່ວ່າທ່ານຈະເຮັດວຽກຫຍັງກໍຕາມ, ລາຍຮັບຈະໜ້ອຍຫລືຫລາຍ ຈະເປັນວຽກທີ່ຍາກ ຫລື ງ່າຍ ກໍຂໍໃຫ້ຢູ່ເທິງພື້ນຖານຂອງຄວາມມັກ  ແລະ ຄວາມລຶ້ງເຄີຍຊຳນານເປັນຫລັກ ເຊິ່ງພື້ນຖານເຫລົ່ານີ້ມີຄວາມສຳຄັນຫລາຍຕໍ່ຊີວິດການເຮັດວຽກຂອງທ່ານ.

- WhatsApp Image 2020 05 27 at 5 - ຄຳຖາມທີ່ຕ້ອງຕອບຕົນເອງກ່ອນຈະປ່ຽນວຽກ
- WhatsApp Image 2020 05 27 at 5 - ຄຳຖາມທີ່ຕ້ອງຕອບຕົນເອງກ່ອນຈະປ່ຽນວຽກ
error: Alert: ເນື້ອຫາຂ່າວມີລິຂະສິດ !!