ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ

- House alignment of Nam Lik Dam - ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ
- AGL banner - ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ

ພິທີມອບ-ຮັບ ແລະ ເປີດນໍາໃຊ້ບ້ານຈັດສັນທັງ 3 ບ້ານຂອງເມືອງຫີນເຫີບແຂວງວຽງຈັນຄື: ບ້ານຫີນເຫີບເໜືອ, ຫີນເຫີບໃຕ້ ແລະ ບ້ານວຽງທອງ ທີ່ຖືກຜົນກະທົບຈາກໂຄງການເຂື່ອນໄຟຟ້ານໍ້າລີກ 1 ໄດ້ຈັດຂຶ້ນຢ່າງເປັນທາງການໃນທ້າຍອາທິດຜ່ານມານີ້ຢູ່ບ້ານຈັດສັນຫີນເຫີບເໜືອ, ໂດຍການເຂົ້າຮ່ວມຂອງທ່ານ ວິນັດ ສິສຸວົງ ຄະນະປະຈໍາພັກແຂວງ, ປະທານກວດກາພັກ, ຫົວໜ້າພະແນກກວດກາລັດແຂວງວຽງຈັນ, ມີບັນດາພາກສ່ວນກ່ຽວຂ້ອງຂັ້ນແຂວງ, ເມືອງ, ພ້ອມດ້ວຍປະຊາຊົນພານໃນ 3 ບ້ານດັ່ງກ່າວເຂົ້າຮ່ວມ.

ທ່ານ ພິພັດພົງ ຈັນດີ ຜູູ້ອໍານວຍການບໍລິສັດໄຟຟ້ານໍ້າລີກ 1 ໄດ້ມີຄໍາເຫັນວ່າ: ໂຄງການກໍ່ສ້າງເຂື່ອນໄຟຟ້ານໍ້າລີກ 1 ໄດ້ຮັບສັນຍາສໍາປະທານ 30 ປີຈາກລັດຖະບານລາວ, ເລີ່ມແຕ່ເດືອນກຸມພາ 2013 ຮອດ 2044 ແລະ ທາງໂຄງການໄດ້ມີການກໍ່ສ້າງຕາມແຜນງານທີ່ໄດ້ກໍານົດ ແລະ ມີການຊົດເຊີຍ ແລະ ຍົກຍ້າຍຈັດສັນປະຊາຊົນທີ່ໄດ້ຮັບຜົນກະທົບທັງໝົດ 10 ບ້ານລວມມີ 489 ຄອບຄົວ ແລະ ໃນຊຸດນີ້ມີ 3 ບ້ານໃນ 112 ຄອບຄົວທີ່ຕ້ອງໄດ້ຍົກຍ້າຍໄປຢູ່ເຮືອນຫລັງໃໝ່ທີ່ໂຄງການໄດ້ກໍ່ສ້າງສໍາເລັດແລ້ວ ແລະ 38 ຄອບຄົວໄດ້ຍົກຍ້າຍສໍາເລັດແຕ່ເດືອນມີນາ 2018 ແລະ ປັດຈຸບັນກໍາລັງດໍາເນີນການຟື້ນຟູອາຊີບໃຫ້ແກ່ປະຊາຊົນ 112 ຄອບຄົວ ທີ່ໄດ້ຮັບຜົນກະທົບ ເປັນຕົ້ນແມ່ນໄດ້ຕອບສະໜອງ ແລະ ຝຶກອົບຮົມການປູກຝັງ-ລ້ຽງສັດ, ວຽກຫັດຖະກໍາ ແລະ ອື່ນໆ, ພ້ອມທັງໄດ້ຊ່ວຍສະໜັບສະໜູນເງິນຈໍານວນໜຶ່ງໃຫ້ແກ່ 3 ບ້ານດັ່ງກ່າວເຮັດພິທີຂຶ້ນບ້ານໃໝ່.

ທ່ານ ອຸດົງ ວົງສະຫວາດ ເຈົ້າເມືອງຫີນເຫີບໄດ້ກ່າວໃນພິທີວ່າ: ໃນໄລຍະຜ່ານມາເຫັນວ່າຜູ້ພັດທະນາໂຄງການໄດ້ເອົາໃຈໃສ່ຢ່າງຈິງຈັງ ເປັນຕົ້ນແມ່ນການເກັບກໍາຂໍ້ມູນຜົນກະທົບທັງໝົດ, ການຈັດສັນເນື້ອທີ່ດິນທີ່ຢູ່ອາໃສ ແລະ ກໍ່ສ້າງເຮືອນໃຫ້ແກ່ຄອບຄົວທີ່ຖືກຜົນກະທົບຈໍານວນ 112 ຫລັງໃນ 3 ບ້ານ, ພ້ອມນີ້ທາງໂຄງການຍັງໄດ້ຈ່າຍຄ່າຊົດເຊີຍຊັບສິນຕ່າງໆຂອງປະຊາຊົນທີ່ໄດ້ຮັບຜົນກະທົບຈໍານວນ 489 ຄອບຄົວ ລວມມູນຄ່າທັງໝົດ 35 ຕື້ກວ່າກີບ ແລະ ຊ່ວຍພັດທະນາພື້ນຖານໂຄງລ່າງ ເປັນຕົ້ນແມ່ນການກໍ່ສ້າງທາງປູຢາງເຂົ້າບ້ານຈັດສັນທັງ 3 ບ້ານ, ຕິດຕັ້ງໄຟຟ້າ, ນໍ້າປະປາ, ກໍ່ສ້າງໂຮງຮຽນປະຖົມຫລັງໃໝ່ຢູ່ບ້ານຫີນເຫີບເໜືອ, ຍົກລະດັບຂົວນໍ້າແສດ ແລະ ຍົກລະດັບທາງນໍ້າຖ້ວມ 6 ຈຸດ ເຫັນວ່າວຽກງານພື້ນຖານໂຄງລ່າງຖືວ່າສໍາເລັດ 100%.

- Wave100S AD to Website 2020 0 - ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ
- WhatsApp Image 2020 05 27 at 5 - ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ
- WhatsApp Image 2020 05 27 at 5 - ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ
- WhatsApp Image 2020 05 27 at 5 - ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ
- WhatsApp Image 2020 05 27 at 5 - ສໍາເລັດການກໍ່ສ້າງບ້ານຈັດສັນຂອງເຂື່ອນໄຟຟ້ານໍ້າລີກ
error: Alert: Content is protected !!