ກິດຈະກໍາຂີ່ລົດຖີບອາຊຽນເພື່ອສັນຕິພາບ

- Bike for world peace - ກິດຈະກໍາຂີ່ລົດຖີບອາຊຽນເພື່ອສັນຕິພາບ
- AGL banner - ກິດຈະກໍາຂີ່ລົດຖີບອາຊຽນເພື່ອສັນຕິພາບ

ໃນວັນທີ 13 ພຶດສະພານີ້, ຢູ່ເດີ່ນພະທາດຫລວງວຽງຈັນ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດກິດຈະກຳຂີ່ລົດຖີບທ່ຽວຊົມນະຄອນຫລວງວຽງຈັນ, ໃນໂອກາດເປີດປີທ່ອງທ່ຽວລາວ 2018, ພາຍໃຕ້ຄຳຂວັນ: “ຂີ່ລົດຖີບອາຊຽນໜຶ່ງດຽວເພື່ອສັນຕິພາບ” ໂດຍການເຂົ້າຮ່ວມຂອງທ່ານ ບົວເງີນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ພ້ອມມີຄໍາເຫັນວ່າ: ຂໍສະແດງຄວາມຊົມເຊີຍມາຍັງສະມາຄົມຂີ່ລົດຖີບອາຊຽນໜຶ່ງດຽວທີ່ໄດ້ຈັດງານອັນມີຄວາມໝາຍສຳຄັນນີ້ໃນທຸກປະເທດອາຊຽນນັບແຕ່ປີ 2012 ເປັນຕົ້ນມາ ແລະ ຢູ່ໃນ ສປປ ລາວ ໃນປີ 2018 ຖືເປັນປີທີ່ມີຄວາມໝາຍສໍາຄັນກໍຄືເປັນປີທ່ອງທ່ຽວ ສປປ ລາວ.

ທ່ານຮອງລັດຖະມົນຕີ ໄດ້ກ່າວວ່າ: ອາຊຽນ, ໄດ້ກາຍເປັນຕະຫລາດເສດຖະກິດທີ່ໃຫຍ່ອັນດັບ 7 ຂອງໂລກ ແລະ ຄາດຄະເນວ່າຈະກາຍເປັນອັນດັບ 4 ຂອງໂລກໃນປີ 2030. ອຸດສາຫະກໍາການທ່ອງທ່ຽວເປັນແຫລ່ງລາຍຮັບອັນສຳຄັນຂອງຫລາຍປະເທດໃນບັນດາສະມາຊິກອາຊຽນ. ໃນຊຸມປີຜ່ານມາ, ອຸດສາຫະກຳທ່ອງທ່ຽວຢູ່ໃນລາວໄດ້ມີການເຕີບໃຫຍ່ຂະຫຍາຍຕົວສູງ ລວມທັງຕົວເລກນັກທ່ອງທ່ຽວ ແລະ ລາຍຮັບຈາກການທ່ອງທ່ຽວ. ດ້ວຍເຫດນີ້, ລັດຖະບານຈຶ່ງໄດ້ກຳນົດໃຫ້ປີ 2018 ເປັນປີທ່ອງທ່ຽວລາວ ເພື່ອໂຄສະນາການທ່ອງທ່ຽວ ແລະ ດຶງດູດນັກທ່ອງທ່ຽວໃຫ້ເຂົ້າມາ ສປປ ລາວ ໃຫ້ຫລາຍຂຶ້ນ.

ການຈັດປີທ່ອງທ່ຽວນີ້, ປະເທດເຮົາໄດ້ສົ່ງເສີມບັນດາກິດຈະກຳການທ່ອງທ່ຽວໃຫ້ມີຄວາມຫລາກຫລາຍ ແລະ ງານບຸນປະເພນີຂອງທ້ອງຖິ່ນໃນບັນດາແຂວງຕ່າງໆໃນທົ່ວປະເທດ.

ປະທານສະມາຄົມຂີ່ລົດຖີບອາຊຽນ ໃຫ້ຮູ້ວ່າ: ພວກເຮົາໄດ້ມາເຕົ້າໂຮມກັນຢູ່ທີ່ນີ້, ກໍເພື່ອເປັນການສ້າງຄວາມສາມັກຄີ, ທັງເປັນການໂຄສະນາ ໂດຍຖືເອົາການທ່ອງທ່ຽວຕິດພັນກັບກິລາເພື່ອຮັກສາສຸຂະພາບ, ແນວໃດກໍດີ, ເຫັນວ່າ ສປປ ລາວ ມີສະຖານທີ່ທ່ອງທ່ຽວທີ່ໂດດເດັ່ນທາງດ້ານວັດທະນະທຳ ແລະ ປະຫວັດສາດ, ລວມເຖີງຮີດຄອງປະເພນີທີ່ຫລາຍຫລາຍ, ສະນັ້ນ, ຈຶ່ງເຮັດໃຫ້ໄດ້ຮັບຄວາມສົນໃຈຈາກນັກທ່ອງທ່ຽວເຂົ້າມາທ່ຽວຫລາຍຂຶ້ນ, ການຈັດງານຄັ້ງນີ້ ຈະຊ່ວຍກະຕຸ້ນສະພາບການທ່ອງທ່ຽວໃຫ້ພົ້ນເດັ່ນຂຶ້ນ ແລະ ຜ່ານມາສະມາຄົມກໍໄດ້ໃຫ້ການຊ່ວຍເຫລືອ, ໂດຍສະເພາະການໂຄສະນາການທ່ອງທ່ຽວໃນບັນດາປະເທດອາຊຽນດ້ວຍກັນ, ຊຶ່ງຄັ້ງນີ້ ກໍຖືວ່າມີຄວາມໝາຍສຳຄັນໃນການສົ່ງເສີມການທ່ອງທ່ຽວ, ຊຶ່ງຈະໄດ້ຂີ່ລົດຖີບທ່ຽວຊົມນະຄອນຫລວງວຽງຈັນ ລວມໄລຍະທາງກວ່າ 17 ກິໂລແມັດ.

- Wave100S AD to Website 2020 0 - ກິດຈະກໍາຂີ່ລົດຖີບອາຊຽນເພື່ອສັນຕິພາບ

ພາຍຫລັງ, ສຳເລັດການຂີ່ລົດຖີບ ກໍໄດ້ມີການມອບໃບຍ້ອງຍໍໃຫ້ກັບບັນ ດາປະເທດສະມາຊິກອາຊຽນ, ໂດຍມີ 7 ປະເທດ ແລະ ໃຫ້ກັບສະມາຄົມຂີ່ລົດຖີບອາຊຽນ, ເຊິ່ງມອບໂດຍທ່ານ ບົວເງີນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ.

- WhatsApp Image 2020 05 27 at 5 - ກິດຈະກໍາຂີ່ລົດຖີບອາຊຽນເພື່ອສັນຕິພາບ
- WhatsApp Image 2020 05 27 at 5 - ກິດຈະກໍາຂີ່ລົດຖີບອາຊຽນເພື່ອສັນຕິພາບ
- WhatsApp Image 2020 05 27 at 5 - ກິດຈະກໍາຂີ່ລົດຖີບອາຊຽນເພື່ອສັນຕິພາບ
- WhatsApp Image 2020 05 27 at 5 - ກິດຈະກໍາຂີ່ລົດຖີບອາຊຽນເພື່ອສັນຕິພາບ
error: Alert: Content is protected !!