ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28

- 32253793 225424781559655 2816964011726209024 n - ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28
- AGL banner - ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28

ການແຂ່ງຂັນເຕະບານ ບຸນເດັສລີກ້າ ລີກສູງສຸດຂອງເຢຍລະມັນ ລະດູການ 2017-18 ໄດ້ປິດສາກລົງໃນວັນ​ທີ 12 ພຶດສະພາ ທຸກທີມທຸກຄູ່ແຂ່ງພ້ອມກັນ 20:30 ຕາມເວລາໃນປະເທດລາວ ຈຸດເດັ່ນຢູ່ທີ່ການຍາດຊິງໂກຕ້າໄປ ຢູຟ້າ ແຊ້ມປ້ຽນລີກ ລະຫວ່າງ ໂບຣຸສເຊຍ ດ໋ອດມຸນ (Borussia Dortmund), ຮັອຟເຟັນຮາມ (Hoffenheim) ແລະ ໄບເອີເລເວີຄູເຊັນ (Bayer Leverkusen) ລວມທັງການຫນີຕົກຊັ້ນ ລະຫວ່າງ ໂວຟບວກ (Wolfsburg) ແລະ ຮຳບວກ (Hamburger SV).

​ເຊິ່ງຜ່ານການແຂ່ງຂັນປາກົດວ່າ: ຮັອຟເຟັນຮາມ ຊະນະ ດ໋ອດມຸນ 3-1 ແລະ ໄບເອີເລເວີຄູເຊັນ ຊະນະ ຮັນໂນເວີ 3-2 ເຮັດໃຫ້ທັງ 3 ທິມ ມີຄະແນນເທົ່າກັນ 55 ຄະແນນຈາກ 34 ນັດ ແຕ່ ຮັອຟເຟັນຮາມ ແລະ ດ໋ອດມຸນ ມີປະຕູໄດ້ເສຍດີກວ່າ ໄບເອີເລເວີຄູເຊັນ ຄື: +18, +17 ສ່ວນ ເລເວີຄູເຊັນ +14 ຮັອຟເຟັນຮາມ ໄດ້ອັນດັບທີ 3 ສ້າງປະຫວັດສາດໄປຮອບແບ່ງກຸ່ມ ຢູຟ້າແຊ້ມປ້ຽນລີກຄັ້ງທຳອິດ, ດ໋ອດມຸນ ໄດ້ອັນດັບ 4 ຄວ້າສິດໄປຫລິ້ນ ຢູຟ້າ ແຊ້ມປ້ຽນລີກ ຮອບແບ່ງກຸ່ມເຊັ່ນກັນ ໃນລະດູການຫນ້າ, ສ່ວນ ເລເວີຄູເຊັນ ໄດ້ອັນດັບ 5 ໄດ້ສິດໄປຫລິ້ນ ຢູໂຣປ້າລີກ. ຂະນະທີ່ ທີມແຊ້ມບາເຍິນມິວນິກ ປ້ອງກັນແຊ້ມໄດ້ສຳເລັດ ແລະ ຄອງແຊ້ມສູງສຸດເປັນສະໄຫມທີ 28 ສ້າງສະຖິຕິຄວ້າແຊ້ມ 5 ສະໄຫມຕິດຕໍ່ກັນ ເປັນທີມທຳອິດທີ່ເຮັດໄດ້. ທີ 2 ຂອງລີກລະດູການນີ້ແມ່ນ ຊາວເກ້ 04 (Schalke 04) ອັນດັບດີສຸດໃນຮອບ 8 ປີ.

ສ່ວນການລຸ້ນຫນີຕົກຊັ້ນ ລະຫວ່າງ ໂວຟບວກ (Wolfsburg) ແລະ ຮຳບວກ (Hamburger SV) ນັດສຸດທ້າຍ ໂວຟບວກ ຊະນະ ໂຄໂລນ 4-1 ຮຳບວກ ຊະນະ ໂບຣຸສເຊຍ ມຸນເຊິນກັດບັດ 2-1 ສົ່ງຜົນໃຫ້ ໂວຟບວກ ໄດ້ອັນດັບທີ 16 ມີ 33 ຄະແນນຈາກ 34 ນັດ ໄດ້ໄປເພລອັອຟຫນີຕົກຊັ້ນກັບອັນດັບ 3 ຂອງລີກບຸນເດັສລີກ້າ 2 ໂຮສະເທນຄຽວ (Holstein Kiel) ຮຳບວກ ມີ 31 ຄະແນນ ສ້າງປະຫວັດສາດຕົກຊັ້ນເປັນຄັ້ງທຳອິດ ກັບ ໂຄໂລນ ທີ່ມີພຽງ 22 ຄະແນນ. ສ່ວນທີມທີ່ເລື່ອນຊັ້ນຂຶ້ນມາ 2 ທີມແມ່ນ ເນີນເບຣກ(Nürnberg) ແລະ ຟໍຣທູນ້າ ດຸສເຊວດັອຟ(Fortuna Düsseldorf) ນ້ອງໃຫມ່ຫນ້າເກົ່າທັງສອງທີມ.

ທີມທີ່ໄດ້ສິດໄປຫລິ້ນ ຢູໂຣປ້າລີກ ໄດ້ 2 ທີມແນ່ນອນແລ້ວຄື: ໄບເອີເລເວີຄູເຊັນ (Bayer Leverkusen) ແລະ ອາແບ ໄຣຊິກ (RB Leipzig), ສ່ວນອີກ 1 ໂກຕ້າ ໃຫ້ສິດທີມແຊ້ມ ເດເອຟເບ ໂພຄາວ (DFB Pokal) ​ເຊິ່ງຄູ່ຊິງລະດູການນີ້ ບາເຍິນມິວນິກ ພົບ ໄອແທຣັກແຟັງເຟີດ (Eintracht Frankfurt) ຈະຊິງໃນວັນທີ 19 ພຶດສະພານີ້ ຖ້າຫາກ ບາເຍິນ ໄດ້ແຊ້ມ ໂກຕ້າດັ່ງກ່າວ ຈະຕົກເປັນຂອງທີມອັນດັບ 7 ໃນລີກຄື: ສະຕຸດກ໊າດ(VfB Stuttgart).

- Wave100S AD to Website 2020 0 - ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28

ລາງວັນດາວຍິງສູງສຸດລະດູການນີ້ເປັນຂອງ ໂຣເບີດ ເລວານດັອຟສະກີ (Robert Lewandowski) ຈາກທີມແຊ້ມບາເຍິນມິວນິກ ຍິງໄດ້ 29 ປະຕູ ຄອງດາວຍິງສູງສຸດເປັນລະດູການທີ 3 ຈາກ 4 ລະດູການກັບບາເຍິນ.
ບຸນເດັສລີກ້າ ລະດູການນີ້ 306 ນັດ ມີປະຕູເກີດຂຶ້ນທັງຫມົດ 855 ປະຕູ ສະເລ່ຍນັດຫນຶ່ງເກືອບ 3 ຫນ່ວຍ, ມີຜູ້ຊົມເຂົ້າສະຫນາມທັງຫມົດ 13.663.294 ຄົນ ສະເລ່ຍນັດຫນຶ່ງປະມານ 44.651 ຄົນ.

- WhatsApp Image 2020 05 27 at 5 - ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28
- WhatsApp Image 2020 05 27 at 5 - ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28
- WhatsApp Image 2020 05 27 at 5 - ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28
- WhatsApp Image 2020 05 27 at 5 - ປິດສາກ ບຸນເດັສລີກ້າ ເຢຍລະມັນ ລະດູການນີ້ ບາເຍິນ ຄອງແຊ້ມສະໄຫມທີ 28
error: Alert: Content is protected !!