ຫວຽດນາມ ແລະ ປາກິດສະຖານ ກົດດັນເຟສບຸກ-ຢູທູບສະກັດເນື້ອຫາທີ່ບໍ່ເພິ່ງປະສົງ

- Untitled design - ຫວຽດນາມ ແລະ ປາກິດສະຖານ  ກົດດັນເຟສບຸກ-ຢູທູບສະກັດເນື້ອຫາທີ່ບໍ່ເພິ່ງປະສົງ

ຫວຽດນາມ​ຮຽກຮ້ອງ​ບໍລິສັດ​ພາຍ​ໃນ​ປະ​ເທດ​ຢຸດ​ການ​ລົງ​ໂຄສະນາ​ໃນ​ເຟສບຸນ ​ແລະ ຢູທູບ ຈົນ​ກວ່າ​ຈະ​ຫາ​ທາງ​ຢຸດຕິ​ການ​ເຜີຍ​ແຜ່​ຂໍ້​ມູນ​ຕໍ່ຕ້ານ​ລັດຖະບານ​ໄດ້​ສຳ​ເລັດ, ສ່ວນ​ປາ​ກິດ​ສະຖານ, ລັດຖະບານ​ຂໍ​ໃຫ້​ເຟສບຸກຊ່ວຍ​ກວດ​ສອບ​ເນື້ອຫາ​ໝິ່ນ​ສາສະໜາ.

- 95209968 543853400 - ຫວຽດນາມ ແລະ ປາກິດສະຖານ  ກົດດັນເຟສບຸກ-ຢູທູບສະກັດເນື້ອຫາທີ່ບໍ່ເພິ່ງປະສົງ

ລັດຖະບານ​ຫວຽດນາມ​ເລີ່​ມກົດ​ດັນ​ບໍລິສັດ​ຕ່າງໆ​ໃນ​ເດືອນ​ຜ່ານ​ມາ ​ເພື່ອ​ພະຍາຍາມ​ໃຫ້​ກູ​ເກິ​ລ ​ເຊິ່ງ​ເປັນ​ເຈົ້າຂອງ​ຢູທູບ ​ແລະ ສື່​ສັງຄົມ​ອອນ​ລາຍ​ຕ່າງໆ ​ໃຫ້​ກຳຈັດ​ເນື້ອ​ຫາ​ທີ່​ຜູ້​ບໍ່​ສະໜັບສະໜູນ​ລັດຖະບານ​ຫວຽດນາມ​ຢູ່​ຕ່າງປະ​ເທດ​​ໄດ້​ເຜີຍ​ແຜ່ຕໍ່ຕ້ານ​ລັດຖະບານ, ​ຂະນະ​ດຽວ​ກັນ​ທ່ານ ​ເຈືອງ ມິນ ຕວນ ລັດຖະມົນຕີ​ກະຊວງຖະ​ແຫລ​ງຂ່າວ ​ແລະ ການ​ສື່ສານ​ຂອງ​ຫວຽດນາມ ກ່າວ​ວ່າ: ຍັງ​ບໍ່​ມີ​ການ​ຕອບ​ສະໜອງ​ທີ່​ດີ​ພໍ, ​ເຖິງ​ວ່າ​ຈະ​ມີ​ວີ​ດີ​ໂອ​ຕໍ່ຕ້ານ​ລັດຖະບານ​ປະມານ 8.000 ວິ​ດີ​ໂອ​ຢູ່​ໃນ​ຢູທູບ, ​ແຕ່​ກູ​ເກິ​ລ​ໄດ້​ປິດ​ກັ້ນການ​ເຂົ້າ​ເຖິງ​ໄປ​ພຽງ 42 ວີ​ດີ​ໂອ ​ແລະ ບໍ່​ໄດ້​ນຳ​ເອົາ​ວີ​ດີ​ໂອ​ເຫລົ່າ​ນີ້​ອອກ​ໄປ​ຢ່າງ​ສົມບູນ.

ສ່ວນ​ຢູ່​ປາ​ກິດ​ສະຖານ, ທາງ​ລັດຖະບານ​ໄດ້​ຂໍ​ໃຫ້​ເຟສບຸກຊ່ວຍ​ກວດ​ສອບ​ເນື້ອຫາ​ໝິ່ນ​ສາສະໜາ ​ໂດຍ​ເຟສບຸກ​ໄດ້​ຮັບປາກ​ວ່າ​ຈະ​ສົ່ງ​ຄະນະ​ເຈົ້າໜ້າ​ທີ່​ເຂົ້າ​ໄປ​ແກ້​ໄຂ​ເລື່ອງ​ດັ່ງກ່າວ​ແລ້ວ.

​ໃນ​ກອງ​ປະຊຸມ​ລະຫວ່າງ​ລັດຖະມົນຕີ​ກະຊວງ​ຖະ​ແຫລ​ງຂ່າວ ​ແລະ ການ​ສື່ສານ ກັບ​ບໍລິສັດ​ຕ່າງໆ ລວມທັງ​ຢູນິລີ​ເວີ, ຟອດ ​ແລະ ຢາ​ມາ​ຮາ​ມໍ​ເຕີ ທີ່​ດຳ​ເນີນ​ກິດຈະການ​ຢູ່​ຫວຽດນາມ  ​ຢູ່​ນະຄອນຫລວງ​ຮ່າ​ໂນ້ຍ ສສ ​ຫວຽດນາມ ຍອມ​ປະຕິບັດ​ຕາມ​ການ​ຮຽກຮ້ອງ​ຂອງ​ລັດຖະບານ​ໃນ​ການ​ຢຸດ​ລົງ​ໂຄສະນາ​ທາງ​ຢູທູບ.

ຢູທູບ​ໄດ້​ເນັ້ນ​ເຖິງ​ນະ​ໂຍບາຍ​ລະດັບ​ໂລກ​ໃນ​ການ​ພິຈາລະນາ​ຂໍ້​ຮຽກຮ້ອງ​ຂອງ​ລັດຖະບານ​ຢ່າງ​ຖີ່​ຖ້ວນ ​ເພື່ອ​ປິດ​ກັ້ນ​ເນື້ອຫາ​ທີ່​ລັດຖະບານ​ເຊື່ອ​ວ່າ​ຜິດ​ກົດໝາຍ ​ແລະ ຈຳກັດ​ເນື້ອຫາ​ຢ່າງ​ເໝາະ​ສົມ, ສ່ວນ​ເຟສບຸກຍັງ​ບໍ່​ໄດ້​ສະ​ແດງ​ຄວາມ​ເຫັນ​ໃດໆ.

- Wave100S AD to Website 2020 0 - ຫວຽດນາມ ແລະ ປາກິດສະຖານ  ກົດດັນເຟສບຸກ-ຢູທູບສະກັດເນື້ອຫາທີ່ບໍ່ເພິ່ງປະສົງ

ທ່ານ ​ເຈ​ຟ ​ເພນ ຜູ້ອຳນວຍການ​ກຸ່ມ​ອາຊີ​ອິນ​ເຕີ​ເນັດ ​ເຊິ່ງ​ເປັນ​ສະມາຄົມ​ອຸດສາຫະກຳ​ທີ່​ກູ​ເກິ​ລ ​ແລະ ​ເຟສບຸກ​ເປັນ​ສະມາຊິກ ກ່າວ​ວ່າ: ​ເປັນ​ສິ່ງ​ສຳຄັນ​ທີ່​ລັດຖະບານ​ຫວຽດນາມ​ຕ້ອງ​ຄຸ້ມ​ຄອງ​ໃນ​ການ​ເປີດ​ກວ້າງ​ຂອງ​ອິນ​ເຕີ​ເນັດ ​ແລະ ​ໃຫ້​ບັງຄັບ​ໃຊ້​ເງື່ອນ​ໄຂ​ທີ່​ເໝາະ​ສົມທີ່​ກະ​ຕຸ້ນ​ການ​ລົງທຶນ ​ແລະ ສົ່ງ​ເສີມນະ​ວັດຕະ​ກຳ.

- LYNXMPED2F0KC - ຫວຽດນາມ ແລະ ປາກິດສະຖານ  ກົດດັນເຟສບຸກ-ຢູທູບສະກັດເນື້ອຫາທີ່ບໍ່ເພິ່ງປະສົງ

ການ​ທີ່​ມີ​ລັດຖະບານ​ຕຳ​ໜິກູ​ເກິ​ລ ​ແລະ ​ເຟສບຸກກ່ຽວ​ກັບ​ເນື້ອຫາ​ທີ່​ເຜີຍ​ແຜ່​ທາງ​ອອນ​ລາຍ​ບໍ່​ແມ່ນ​ເລື່ອງ​ໃໝ່, ​ແຕ່​ເຈົ້າໜ້າ​ທີ່​ທາງ​ການ​ລະບຸ​ວ່າ: ບໍ່​ຄ່ອຍ​ມີ​ປະ​ເທດ​ໃດ​ພະຍາຍາມ​ທີ່​ຈະ​ກົດ​ດັນ​ພວກ​ເຂົາ​ຜ່ານ​ບໍລິສັດ​ທີ່​ລົງ​ໂຄສະນາ​ມາ​ກ່ອນ.

ບໍລິສັດ​ທີ່​ເປັນ​ຂອງ​ທາງ​ການ​ຫວຽດນາມ​ ຄື​ວີນາ​ມິລ ​ແລະ ສາຍ​ການບິນ​ຫວຽດນາມ​ແອ​ລາຍ ​ໄດ້​ຢຸດ​ການ​ລົງ​ໂຄສະນາ​ທາງ​ຢູທູບ​ແລ້ວ​ໃນ​ເດືອນ​ຜ່ານ​ມາ, ພາຍຫລັງ​ລັດຖະບານ​ແຈ້ງ​ທາງ​ບໍລິສັດ​ວ່າ​ໂຄສະນາ​ຂອງ​ພວກ​ເຂົາ​ປາກົດ​ຢູ່​ຄຽງ​ຂ້າງ​ກັບ​ເນື້ອຫາ​ທີ່​ບໍ່​ເໝາະ​ສົມ ເຊິ່ງທຳລາຍ​ຄວາມ​ໝັ້ນຄົງ ​ແລະ ​ເອກະ​ພາບ​ຂອງ​ປະ​ເທດ.

- WhatsApp Image 2020 05 27 at 5 - ຫວຽດນາມ ແລະ ປາກິດສະຖານ  ກົດດັນເຟສບຸກ-ຢູທູບສະກັດເນື້ອຫາທີ່ບໍ່ເພິ່ງປະສົງ
- WhatsApp Image 2020 05 27 at 5 - ຫວຽດນາມ ແລະ ປາກິດສະຖານ  ກົດດັນເຟສບຸກ-ຢູທູບສະກັດເນື້ອຫາທີ່ບໍ່ເພິ່ງປະສົງ
error: Alert: ເນື້ອຫາຂ່າວມີລິຂະສິດ !!