ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?

- 041405 2018 - ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?
- AGL banner - ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?
  1. ຫ້າມຄິດວ່າພາສາອັງກິດໂຕເອງດີຢູ່ແລ້ວ : ສຳລັບຄົນທີ່ມີພື້ນຖານພາສາອັງກິດທີ່ດີ ຫລື ຢູ່ໃນລະດັບທີ່ເກັ່ງແລ້ວ ກໍອາດຈະເລືອກເບິ່ງຂ້າມຂໍ້ນີ້ໄປໄດ້ ຄວາມຈິງແລ້ວຂຶ້ນຢູ່ກັບວ່າເຮົາພໍໃຈທັກສະຂອງໂຕເອງຢູ່ໃນລະດັບໃດແທ້ ເອົາແບບພໍສື່ສານກັບຕ່າງປະເທດໄດ້, ສອບເສັງຊີງທຶນໄດ້, ສອນພິເສດໄດ້ ຫລື ແມ່ນແຕ່ໄປປະກວດແຂ່ງຂັນຕາມງານຕ່າງໆໄດ້, ແຕ່ຢ່າລືມວ່າເລື່ອງຂອງພາສາ ຖ້າບໍ່ໄດ້ໃຊ້ວຽກເປັນໄລຍະເວລາດົນໆກໍອາດເຮັດໃຫ້ຄວາມສາມາດຖົດຖອຍລົງໄດ້ ໂດຍສະເພາະຖ້າເຮົາບໍ່ໄດ້ໃຊ້ພາສາອັງກິດທຸກມື້ ມື້ລະຫລາຍໆຊົ່ວໂມງຄືຢູ່ຕ່າງປະເທດ ຂໍແນະນຳໃຫ້ພັດທະນາພາສາອັງກິດຂອງໂຕເອງຢ່າງຕໍ່ເນື່ອງ.
  2. ຫ້າມດູຖູກໂຕເອງວ່າເອົາດີບໍ່ໄດ້ທາງພາສາອັງກິດ : ຫາກຄິດແບບນີ້ກໍຈົບກັນພໍດີ ແບບນີ້ເອີ້ນວ່າ ແພ້ນັບແຕ່ຍັງບໍ່ໄດ້ເລີ່ມ ປະຈຸບັນສັງຄົມເຮົາມີສື່ການສອນພາສາອັງກິດໃຫ້ເລືອກໄດ້ຫລວງຫລາຍ ເຮົາມີໂອກາດຫລາຍກ່ວາຜູ້ໃຫຍ່ສະໄໝຍັງບໍ່ມີອິນເຕີເນັດຫລາຍ, ແຕ່ບາງຄົນຍັງຂາດຄວາມເຊື່ອໝັ້ນໃນໂຕເອງ ທັງໆທີ່ມີຄວາມສາມາດພຽງພໍທີ່ຈະຮຽນຮູ້ພາສາທີສອງໄດ້ຢ່າງສະບາຍໆ ຖ້າເປັນແບບນີ້ລອງປັບທັດສະນະຄະຕິວ່າ ພາສາອັງກິດບໍ່ໄດ້ຍາກດັ່ງທີ່ຄິດເລີຍ.
  3. ຫ້າມຄິດວ່າການຮຽນພາສາເປັນເລື່ອງຍາກ ຫລື ພອນສະຫວັນ : ບາງຄົນອາດເກັ່ງພາສາໂດຍບໍ່ຕ້ອງພະຍາຍາມຫລາຍພໍປານໃດ, ແຕ່ບາງຄົນອ່ານໜັງສືໃຫ້ຕາຍແນວໃດກໍບໍ່ໄດ້, ໃຊ້ບໍ່ເປັນ ແຕ່ຈະໄປໂທດວ່າເປັນເລື່ອງຂອງພອນສະຫວັນກໍບໍ່ມີປະໂຫຍດ ໂດຍບາງຄົນທ່ີເຮົາເບິ່ງວ່າເກັ່ງ ເຂົາອາດຕ້ອງຜ່ານຫຍັງມາຫລາຍຈົນກ່ວາຈະມາເຖິງຈຸດນີ້ ເພາະທັກສະພາສາອັງກິດມັນສາມາດສ້າງ ແລະ ສະສົມໄດ້ແທ້ໆ ແທນທີ່ເຮົາຈະໄປອິດສາຄົນອື່ນ ສູ້ເອົາເວລາມາໃຫ້ກັບການຮຽນພາສາຂອງໂຕເອງດີກ່ວາບໍ່ ?
  4. ຫ້າມເລື່ອນມື້ນັ້ນມື້ນີ້ໃນການເລີ່ມຝຶກຝົນພາສາ : ມັນເປັນເລື່ອງຍາກທີ່ເຮົາຈະເຮັດໃນສິ່ງທີ່ໂຕເອງບໍ່ມັກ ແລະ ສຳລັບຫລາຍໆຄົນແລ້ວ ການມານັ່ງທ່ອງຕຳລາພາສາອັງກິດ ຫລື ເປີດອ່ານ dictionary ໝົດເວັນຄົງເປັນເລື່ອງໜ້າເບື່ອແນ່ນອນ ເຮັດໃຫ້ເກີດຄວາມຄິດທີ່ວ່າ : ບໍ່ເປັນຫຍັງຍັງມີເວລາອີກຫລາຍ ຫລື ຈັກໜ້ອຍຈຶ່ງອ່ານຕາມຫລັງກໍໄດ້ ເຊິ່ງການ procrastinate ແບບນີ້ຍິ່ງເຮັດໃຫ້ເຮົາເປີດໂອກາດໂຕເອງໄປອີກ ເລື່ອງແບບນີ້ບໍ່ມີໃຜມາບັງຄັບເຮົາໄດ້ນອກຈາກໂຕເຮົາເອງ, ຄວາມຈິງແລ້ວ ການເລີ່ມຕົ້ນຮຽນພາສາອັງກິດແຕ່ມື້ນີ້ຈະສົ່ງຜົນປະໂຫຍດທີ່ດີຕໍ່ອະນາຄົດເຮົາຫລາຍ.
  5. ຫ້າມຄິດວ່າໂຕເອງບໍ່ມີເງິນຮຽນພາສາ : ແມ່ນຢູ່ຫລັກສູດສອນພາສາອັງກິດມີລາຄາແພງຕາມລະດັບຄຸນນະພາບ ແລະ ຈຳນວນຊົ່ວໂມງ, ແຕ່ຢາກໃຫ້ທຸກຄົນລອງເບິ່ງໂອກາດໃກ້ໂຕ ເຊັ່ນ : ອາຈານຕ່າງປະເທດທີ່ຍ່າງໄປຍ່າງມາໃນໂຮງຮຽນກໍເຂົ້າໄປເວົ້າກັບລາວ, ທັກທາຍດ້ວຍປະໂຫຍກພື້ນຖານ ເຊັ່ນ : “Hi, how are you doing?” ກໍໄດ້ ແລ້ວກໍລອງຖາມຄຳຖາມອີກໜ້ອຍໜຶ່ງ ບາງຄົນອາດເບິ່ງວ່າບໍ່ເປັນຫຍັງ, ແຕ່ສິ່ງທີ່ໄດ້ຄື : ຄວາມກ້າ ເຊິ່ງຖືເປັນສິ່ງທີ່ສຳຄັນຫລາຍໃນການຮຽນພາສາ. ຖ້າເຮົາມີແຕ່ຮຽນໃນຫ້ອງຮຽນ, ແຕ່່ບໍ່ເອົາໄປໃຊ້ໃນການສົນທະນາແທ້ກໍບໍ່ມີປະໂຫຍດ ດັ່ງນັ້ນ ຢ່າໄປຄິດວ່າຮຽນພາສາອັງກິດຕ້ອງໃຊ້ເງິນຫລາຍ ມີອີກຫລາຍວິທີໃຫ້ເຮົາຝຶກຝົນ ເຊັ່ນ : ດາວໂຫລດຮູບເງົາຕ່າງປະເທດມາເບິ່ງເປີດ Youtube, ຟັງເພງຕ່າງປະ ເທດ, ເບິ່ງຮູບເງົາ, ໜັງສື, ນິຍາຍ ຫລື ແມ່ນແຕ່ໜັງສືພິມ ເປັນຕົ້ນ ພຽງແຕ່ເຮົາຝຶກຝົນອ່ານ, ຂຽນທຸກມື້, ສະໝໍ່າສະເໝີ ມັນກໍຈະເຮັດໃຫ້ເຮົາເກັ່ງຂຶ້ນມາໄດ້ຄືກັນ.
- Wave100S AD to Website 2020 0 - ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?
- WhatsApp Image 2020 05 27 at 5 - ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?
- WhatsApp Image 2020 05 27 at 5 - ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?
- WhatsApp Image 2020 05 27 at 5 - ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?
- WhatsApp Image 2020 05 27 at 5 - ຢາກເກັ່ງພາສາອັງກິດຕ້ອງຄຳນຶງເຖິງຂໍ້ຫ້າມໃດແດ່ ?
error: Alert: Content is protected !!