ສປປ ເກົາຫລີ ເຊີນສື່ທົ່ວໂລກ ຊົມຖານ ທົດລອງນິວເຄຼຍ ກ່ອນຢຸດປະຕິບັດການ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສປປ ​ເກົາຫລີ ​ໄດ້​​ເຊີນ​ສື່​ມວນ​ຊົນທົ່ວ​ໂລກ ​ເຂົ້າຢ້ຽມ​ຊົມ​ຖານ​ປະຕິບັດ​ການ​ທົດ​ລອງ​ອາວຸດ​ນິວ​ເຄຼຍ ຖື​ເປັນ​ການ​ເປີດ​ຖານ​ໃຫ້​ສາກົນ​ໄດ້​ເຂົ້າຊົມ​ເປັນ​ເທື່ອ​ທຳ​ອິດ​ໃນ​ປະຫວັດສາດ, ພາຍຫລັງ​ປະກາດ​ຈະ​ຢຸດຕິ​ການ​ທົດ​ລອງ​ນິວ​ເຄຼຍຢ່າງ​ເປັນ​ທາງ​ການ.

ຕາມ​ລາຍ​ງານ​ລະບຸ​ວ່າ: ທາງ​ການ ສປປ ​ເກົາຫລີ ​ໄດ້​ເຊີນ​ສື່​ຈາກ​ທົ່ວ​ໂລກ ​ເດີນທາງ​ມາ​ເມືອງ​ພະ​ຢອງ​ຢາງ ສະຖານ​ທີ່​ຕັ້ງຂອງ​ຖານ​ປະຕິບັດ​ການ​ທົດ​ລອງ​ອາວຸດ​ນິວ​ເຄຼຍ ສື່​ຈາກ ສ.​ເກົາຫລີ, ຣັດ​ເຊຍ, ອັງກິດ ​ແລະ ສະຫະລັດ​ອາ​ເມ​ລິ​ກາ ປາກົດ​ຢູ່​ໃນ​ລາຍ​ຊື່​ທີ່​ໄດ້​ຮັບ​ການ​ເຊື້ອ​ເຊ​ີນ​ໃນ​ຄັ້ງນີ້ ​ເຊິ່ງກຳນົດ​ເປີດ​ຖານ​ໃຫ້​ຢ້ຽມ​ຊົມ​ໃນ​ວັນ​ທີ 23-25 ພຶດສະພາ​ນີ້.

ການ​ເຊື້ອ​ເຊີນ​ສື່​ຄັ້ງນີ້​ເກີດ​ຂຶ້ນ ພາຍຫລັງ​ການ​ພົບ​ປະຄັ້ງປະຫວັດສາດ​ຂອງ​ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ​ແລະ ທ່ານ ມຸນ ​ແຈ​ອິນ ປະທານາທິບໍດີ ສ.​ເກົາຫລີ ​ໃນ​ທ້າຍ​ເດືອນ​ເມສາ​ຜ່ານ​ມາ ​ເຊິ່ງ​ໃນ​ຂໍ້​ຕົກລົງ​ທີ່​ມີ​ໃຫ້​ກັນຄື ສປປ ​ເກົາຫລີ ຈະ​ຢຸດຕິ​ການ​ທົດ​ລອງ​ອາວຸດ​ນິວ​ເຄຼຍ ​ແລະ ຈະ​ປິດ​ຖານ​ປະຕິບັດ​ການ​ນິວ​ເຄຼຍນຳ​ອີກ.

error: Alert: Content is protected !!