ສຳນັກຂ່າວສານປະເທດລາວມີອາຍຸຄົບຮອບ 50 ປີ

- 32089870 2070101926352963 5088286771054116864 n 1 - ສຳນັກຂ່າວສານປະເທດລາວມີອາຍຸຄົບຮອບ 50 ປີ
- AGL banner - ສຳນັກຂ່າວສານປະເທດລາວມີອາຍຸຄົບຮອບ 50 ປີ

 ໂດຍ: ທິດກ່ຳ

ເມື່ອຫວນຄືນເຖິງພາລະກິດຂອງສຳນັກຂ່າວສານປະເທດລາວນັບແຕ່ມື້ເກີດມາ ຮອດປັດຈຸ ບັນກໍມີອາຍຸໄດ້ 50 ປີ, ຖ້າທຽບໃສ່ອາຍຸຄົນກໍມີ ເມຍ, ມີລູກ, ມີຄອບຄົວ, ມີພື້ນ ຖານ, ລູກຫລານ ແລະ ຊັບສິນ ເຕັມເຮືອນເຕັມຊານ ຫລື ບໍ່ກໍ ພໍກິນພໍໃຊ້, ແຕ່ເມື່ອທຽບໃສ່ ພາລະກິດການງານກໍຖືວ່າ ມາກມາຍກ່າຍກອງ, ມີໝາກ ມີຜົນ ແລະ ມີຜົນງານສະສົມ ໄວ້ຈຳນວນຫລວງຫລາຍ.

 

ຊົມເຊີຍຂ່າວສານປະເທດລາວ ອາຍຸ 50 ປີ

ສະຫລອງ​ວັນ​ສ້າງຕັ້ງສຳນັກ​ຂ່າວສານ​ປະ​ເທດ​ລາວຄົບຮອບ 50 ປີ

ສຳນັກຂ່າວສານປະເທດລາວໄດ້ກຳເນີດເກີດຂຶ້ນໃນ ທ່າມກາງແປວໄຟແຫ່ງສົງ ຄາມຕໍ່ສູ້ປົດປ່ອຍຊາດອອກ ຈາກການບຸກລຸກຮຸກຮານ ຂອງຈັກກະພັດ ຜູ້ລ່າເມືອງ ຂຶ້ນ, ບັນດາສະຫາຍທີ່ເຮັດໜ້າ ທີ່ເປັນນັກຂ່າວສານໃນສະ ໄໝນັ້ນ, ທັງຈັບປືນຕໍ່ສູ້, ທັງ ຈັບປຶ້ມ, ຈັບບິກ, ຈັບສໍ ແລະ ແບກກ້ອງຖ່າຍຮູບແລ່ນ ເລາະຜ່າຫ່າລະເບີດລູກປືນ ເພື່ອບັນທຶກເອົາເຫດການ ທີ່ພວມປະຈັນບານຕໍ່ສູ້ກັບ ສັດຕູຂອງຊາດ, ຄວາມຮຽກ ຮ້ອງຕ້ອງການໃນເວລາຕໍ່ສູ້ ຢູ່ສະໝໍລະພູມກໍຕ້ອງໄດ້ໃຊ້ ປືນເພື່ອສູ້ຮົບກັບຝ່າຍກົງກັນ ຂ້າມ, ແຕ່ໃນຂະນະດຽວກັນ ວຽກທີ່ຂາດບໍ່ໄດ້ກໍຄືຕ້ອງ ໄດ້ບັນທຶກເອົາເຫດການໂດດເດັ່ນເຄັ່ງຮ້ອນມາເປັນຂ່າວ ຄາວເພື່ອອອກໃນວິທະຍຸກະ ຈາຍສຽງ, ອອກໜັງສືພິມ, ໃບຂ່າວຕ່າງໆ ຂອງແນວ ລາວຮັກຊາດຢູ່ເຂດທີ່ໝັ້ນ ຫລື ວ່າເຂດປົດປ່ອຍ.

ນັ້ນຄືພາລະກິດອັນສຳ ຄັນຂ້ຽວຂາດຂອງສຳນັກ ຂ່າວສານປະເທດລາວໃນ ເປີງສົງຄາມ, ສະຫລຸບແລ້ວ, ພະນັກງານຂ່າວສານປະເທດລາວໃນໄລຍະສົງຄາມແມ່ນທັງຈັບປືນທີ່ມີກະສຸນແທ້ ແລະ ທັງນຳໃຊ້ປືນທີ່ບໍ່ມີລູກເພື່ອ ເປັນກະບອກສຽງໃຫ້ການຕໍ່ສູ້ ປະຕິວັດທີ່ພວມດຸເດືອດ ແລະ ໄດ້ຮັບໄຊຊະນະໃນແຕ່ລະບັ້ນຮົບ, ເພາະສະນັ້ນ, ຈຶ່ງເວົ້າໄດ້ ວ່າ ຕະຫລອດໄລຍະ 5 ທົດ ສະວັດພາລະກິດປະຕິວັດ, ມູນ ເຊື້ອແຫ່ງນ້ຳໃຈຕໍ່ສູ້ອັນເດັດ ດ່ຽວ, ຄວາມບຸກປືນຜ່ານຜ່າ ທຸກຄວາມຫຍຸ້ງຍາກນາໆ ປະ ການ, ຈຶ່ງສາມາດເຮັດຫລ້ອນ ໜ້າທີ່ຂອງຕົນຢ່າງໃຫຍ່ ຫລວງ.

- Wave100S AD to Website 2020 0 - ສຳນັກຂ່າວສານປະເທດລາວມີອາຍຸຄົບຮອບ 50 ປີ

ດ້ວຍຄວາມຈົ່ງຮັກພັກດີ, ຄວາມຮັບຜິດຊອບສູງຕໍ່ໜ້າທີ່ ແລະ ພາລະບົດບາດ ບໍ່ວ່າໃນ ສະໄໝສົງຄາມກໍຄືໄລຍະ ປົກປັກຮັກສາ ແລະ ພັດທະນາ ປະເທດຊາດ, ສຳນັກຂ່າວ ສານປະເທດລາວ ໄດ້ກ້າວຂຶ້ນ ແລະ ຂະຫຍາຍຕົວໄປຢ່າງບໍ່ ຢຸດຢັ້ງ, ໃນສະໄໝສົງຄາມ ນອກຈາກມີສຳນັກງານຢູ່ຂັ້ນສູນກາງແລ້ວຍັງສາມາດຂະຫຍາຍສາຂາປະຈຳຫລາຍ ທ້ອງຖິ່ນເຊັ່ນ: ຢູ່ຊຽງຂວາງ, ສະຫວັນນະເຂດ, ຄຳມ່ວນ, ອຸດົມໄຊ, ຫົວພັນ ແລະ ແຂວງ ອື່ນໆ ທີ່ມີສະໜາມ ຮົບບັ້ນຮົບ ທີ່ດຸເດືອນກວ່າໝູ່ໃນສະໝໍລະພູມທີ່ເອົາເປັນເອົາຕາຍສະ ໄໝນັ້ນກໍມີ ບັ້ນຮົບຜາຖີ່, ບັ້ນ ຮົບນ້ຳບາກ, ບັ້ນຮົບກູ້ກຽດ, ບັ້ນຮົບລາມເຊີນ 719, ບັ້ນ ຮົບສາມສອນ-ສອນໄຊ ແລະ ບັ້ນຮົບອື່ນໆ ຢູ່ແຂວງ ສາລະ ວັນ, ປາກຊ່ອງບໍລະເວນ ແລະ ຢູ່ເຂດເລົ່າງາມ.

ພາຍຫລັງປະເທດຊາດ ໄດ້ຮັບການປົດປ່ອຍຢ່າງສົມບູນ, ສຳນັກຂ່າວສານປະເທດ ລາວຍິ່ງໄດ້ຮັບການປັບປຸງ ປ່ຽນແປງ ແລະ ພັດທະນາໄປ ໃນຫລາຍດ້ານ, ຈຳນວນພະ ນັກງານໄດ້ເພີ່ມຂຶ້ນ, ສືບຕໍ່ຂະ ຫຍາຍໃບຂ່າວລາຍວັນເປັນ ພາສາລາວ, ຂ່າວຄົ້ນຄວ້າ, ໃບຂ່າວເປັນພາສາຝຣັ່ງ, ອັງ ກິດ, ມີໜັງສືພິມປະເທດ ລາວ ເພື່ອໂຄສະນາເຜີຍແຜ່ແນວ ທາງນະໂຍບາຍຂອງພັກ ແລະ ລັດຖະບານ. ມາຮອດປັດຈຸ ບັນໄດ້ມີສື່ອອນລາຍ, ມີຮອດ ເວບໄຊ, ເຟສບຸກ, ຄລິບວິດີ ໂອອື່ນໆ ທີ່ເປັນພາສາລາວ, ອັງກິດ ແລະ ຝຣັ່ງ.

ສິ່ງຕ່າງໆ ທີ່ໄດ້ຍົກມາ ຂ້າງເທິງນີ້, ແມ່ນຜົນງານ ຂອງສຳນັກຂ່າວສານປະ ເທດລາວທີ່ມີອາຍຸໄດ້ 50 ປີ, ໃນອະນາຄົດຕໍ່ໜ້າກ້າວໄປ ຮອດເຊັ່ນລູກເຊັ່ນຫລານສຳນັກຂ່າວສານປະເທດລາວ ອັນເປັນກະບອກສຽງຂອງ ປະເທດຊາດຍິ່ງຈະຂະຫຍາຍຕົວ ແລະ ເຂັ້ມແຂງຂຶ້ນ ເລື້ອຍໆ./.

- 32089870 2070101926352963 5088286771054116864 n 1 - ສຳນັກຂ່າວສານປະເທດລາວມີອາຍຸຄົບຮອບ 50 ປີ

- 32089870 2070101926352963 5088286771054116864 n - ສຳນັກຂ່າວສານປະເທດລາວມີອາຍຸຄົບຮອບ 50 ປີ

- WhatsApp Image 2020 05 27 at 5 - ສຳນັກຂ່າວສານປະເທດລາວມີອາຍຸຄົບຮອບ 50 ປີ
- WhatsApp Image 2020 05 27 at 5 - ສຳນັກຂ່າວສານປະເທດລາວມີອາຍຸຄົບຮອບ 50 ປີ
- WhatsApp Image 2020 05 27 at 5 - ສຳນັກຂ່າວສານປະເທດລາວມີອາຍຸຄົບຮອບ 50 ປີ
- WhatsApp Image 2020 05 27 at 5 - ສຳນັກຂ່າວສານປະເທດລາວມີອາຍຸຄົບຮອບ 50 ປີ
error: Alert: Content is protected !!