7 ວິທີສ້າງຄວາມສຸກເພີ່ມຄວາມງາມ

- 011505 2018 - 7 ວິທີສ້າງຄວາມສຸກເພີ່ມຄວາມງາມ
- AGL banner - 7 ວິທີສ້າງຄວາມສຸກເພີ່ມຄວາມງາມ
  1. ຫາສິ່ງໃໝ່ໆເຂົ້າມາໃນຊີວິດ : ນັກຈິດຕະວິທະຍາບອກໄວ້ວ່າ ການທີ່ເຮົາໄດ້ອອກກຳລັງກາຍໃຫ້ສານເອັນດໍຟິນຫລັ່ງຈະ ເຮັດໃຫ້ເຮົາມີຄວາມສຸກຫລາຍຂຶ້ນ ສະນັ້ນ ການລຸກຂຶ້ນມາເຕັ້ນຈຶ່ງເປັນທາງເລືອກທີ່ດີສຸດ, ຢູ່ເຮືອນເປີດເພງມ່ວນໆ ອອກແຮງ ເຕັ້ນໃຫ້ເຕັມທີ່ ຫລື ຈະລອງເຂົ້າຮ່ວມຫລັກສູດເຕັ້ນກໍໄດ້ ອັນໃດທີ່ເຮົາບໍ່ເຄີຍເຮັດມາກ່ອນຈະເຮັດໃຫ້ຕື່ນເຕັ້ນດີມີຊີວິດຊີວາ ຈຶ່ງເຮັດໃຫ້ທຸກຢ່າງເບິ່ງງາມໄປໝົດ.
  2. ເລືອກນຸ່ງເຄື່ອງໃນຮູບແບບທີ່ເຮົາມັກ : ບໍ່ວ່າຈະແມ່ນໃສ່ເກີບສົ້ນສູງ, ເສື້ອສາຍດ່ຽວ, ເກາະເອິກ ເຫັນໃນວາລະສານເປັນແບບໃດ ຂົນເຄື່ອງນຸ່ງອອກມາຈາກຕູ້ ສົມມຸດວ່າໂຕເອງເປັນນາງແບບໄດ້ເລີຍ.
  3. ອາບນຳ້ແລ້ວບໍ່ຟ້າວນຸ່ງເຄື່ອງ : ເມື່ອທ່ານອາບນຳ້ແລ້ວໆ ຢ່າຟ້າວນຸ່ງເຄື່ອງແຕ່ງໂຕທັນທີ ລອງເປືອຍໂຕນອນເບິ່ງໂທລະ ພາບ ຫລື ເຮັດຫຍັງກ່ອນກໍໄດ້ ຈະຮູ້ສຶກວ່າໂຕເອງເຊັກຊີຫລາຍຂຶ້ນ ທັງຍັງຮູ້ສຶກຜ່ອນຄາຍຂຶ້ນໂດຍບໍ່ຮູ້ໂຕ.
  4. ໃຊ້ເວລາວ່າງໃນອ່າງອາບນຳ້ : ໃນມື້ທີ່ວ່າງໆເປີດນຳ້ໃຫ້ເຕັມອ່າງ ເອົາສະບູມາຕີຟອງໃຫ້ຫອມໆ ລົງໄປແຊ່ ນອນຮ້ອງເພງ ຫລື ອ່ານໜັງສື ຂໍບອກວ່າຮູ້ສຶກສະບາຍທີ່ສຸດ.
  5. ເບິ່ງໂຕເອງໃນແງ່ດີ : ເມື່ອນຶກເຖິງໂຕເອງຍາມໃດ ກໍນຶກໄດ້ແຕ່ວ່າ ເປັນຫຍັງຄືຕຸ້ຍແທ້, ເປັນຫຍັງຄືບໍ່ຮູບຮ່າງສົມສ່ວນ, ບໍ່ງາມຄືຄົນອື່ນ ເຊິ່ງຄວາມຈິງແລ້ວ ໝູ່ ຫລື ຄົນທີ່ສົນໃຈເຮົາເຂົາບໍ່ໄດ້ເບິ່ງເຫັນຄຸນຄ່າຂອງເຮົາຢູ່ບ່ອນນັ້ນສະເໝີໄປ ລອງຄິດເຖິງສິ່ງທີ່ໝູ່ບອກເບິ່ງວ່າເຂົາຮັກເຮົາຍ້ອນຫຍັງ ມັນຈະເຮັດໃຫ້ເຮົາຮູ້ສຶກດີກັບໂຕເອງຫລາຍຂຶ້ນ.
  6. ໃຕ້ທຽນຫອມສ້າງບັນຍາກາດ : ປິດໄຟໃນຫ້ອງນອນກ່ອນ ປ່ຽນມາໃຕ້ທຽນຫອມແທນ ນອກຈາກກິ່ນຫອມໆຈະເຮັດໃຫ້ຜ່ອນຄາຍຫລາຍຂຶ້ນແລ້ວ ຍັງເຮັດໃຫ້ຜິວງາມຂຶ້ນນຳອີກ.
  7. ຊື່ນຊົມສິລະປະ : ລອງຫາໂອກາດໄປຊື່ນຊົມສິລະປະ, ງານວາງສະແດງ ຫລື ເພງປະເພດອໍເກສຕຣ້າກໍໄດ້ ເຊິ່ງຄົນເຫລົ່ານີ້ມີແຮງບັນດານໃຈດີໆທີ່ໜ້າເອົາມາເປັນແບບຢ່າງແທ້ໆ.
- Wave100S AD to Website 2020 0 - 7 ວິທີສ້າງຄວາມສຸກເພີ່ມຄວາມງາມ
- WhatsApp Image 2020 05 27 at 5 - 7 ວິທີສ້າງຄວາມສຸກເພີ່ມຄວາມງາມ
- WhatsApp Image 2020 05 27 at 5 - 7 ວິທີສ້າງຄວາມສຸກເພີ່ມຄວາມງາມ
- WhatsApp Image 2020 05 27 at 5 - 7 ວິທີສ້າງຄວາມສຸກເພີ່ມຄວາມງາມ
- WhatsApp Image 2020 05 27 at 5 - 7 ວິທີສ້າງຄວາມສຸກເພີ່ມຄວາມງາມ
error: Alert: Content is protected !!