ກິນໝາກສາລີຫວານຊ່ວຍລ້າງສານພິດໃນຮ່າງກາຍ

- 021505 2018 - ກິນໝາກສາລີຫວານຊ່ວຍລ້າງສານພິດໃນຮ່າງກາຍ
- AGL banner - ກິນໝາກສາລີຫວານຊ່ວຍລ້າງສານພິດໃນຮ່າງກາຍ

     ນັກວິໄຈມະຫາວິທະຍາໄລ ຄໍເນລ ສະຫະລັດອາເມລິກາ ລາຍງານໃນວາລະສານສະມາຄົມເຄມີແຫ່ງອາເມລິກາ ວ່າ : ໝາກສາລີຫວານທີ່ປຸງແຕ່ງສຸກແລ້ວຈະອອກລິດລ້າງພິດໃນຮ່າງກາຍໄດ້ຢ່າງຈະແຈ້ງ  ເຊິ່ງບໍ່ກົງກັນກັບຄວາມເຊື່ອແຕ່ກ່ອນວ່າຜັກແລະ ໝາກໄມ້ ຫາກຕົ້ມ ຫລື ປຸງແຕ່ງສຸກແລ້ວຈະເສຍຄຸນຄ່າທາງອາຫານໄປ ສູ້ກິນດິບໆບໍ່ໄດ້, ແຕ່ໝາກສາລີຫວານຍັງຄົງສາມາດຮັກສາພະລັງເປັນໂຕລ້າງສານພິດໄວ້ໄດ້ ເຖິງວ່າຈະສູນເສຍວິຕາມິນເຊໄປ, ແຕ່ໃນການຕົ້ມໝາກສາລີຫວານດ້ວຍອຸນຫະພູມສູງ 115 ອົງສາໃນເວລາດົນຕ່າງກັນ 10, 15 ແລະ 50 ນາທີ ພົບວ່າ ຍິ່ງຕົ້ມດົນຈະເຮັດໃຫ້ມັນມີສານອັນເປັນໂຕລ້າງສານພິດເພີ່ມຂຶ້ນເປັນ 22, 44 ແລະ 53% ຂຶ້ນຕາມລຳດັບ. ນັກວິທະຍາສາດເຊື່ອວ່າສານທີ່ອອກລິດເປັນໂຕລ້າງສານພິດນີ້ ຊ່ວຍດັບພິດຂອງບັນດາອະນຸມູນອິດສະລະ ເຊິ່ງເປັນອັນຕະລາຍກັບແຊນຂອງອະໄວຍະວະຕ່າງໆ.

ທັງຍັງມີສ່ວນກ່ຽວຂ້ອງກັບພະຍາດອັນເນື່ອງມາຈາກຄວາມເຖົ້າແກ່ຕ່າງໆ ເຊັ່ນ : ຕາຕໍ້, ຕາຟາງ ແລະ ສະໝອງເສື່ອມນຳອີກ.

ຄະນະນັກວິໄຈແຈ້ງວ່າ : ໝາກສາລີຫວານທີ່ຕົ້ມ ຫລື ຈີ່ ຈະປ່ອຍສານສຳຄັນທີ່ເອີ້ນວ່າ ກົດເຟຣຸລິກ ອັນເປັນປະໂຫຍດກັບຮ່າງກາຍ ຍິ່ງຫລາຍຂຶ້ນເມື່ອຖືກຄວາມຮ້ອນສູງຂຶ້ນ ຫລື ເວລາດົນຂຶ້ນ.

- Wave100S AD to Website 2020 0 - ກິນໝາກສາລີຫວານຊ່ວຍລ້າງສານພິດໃນຮ່າງກາຍ

ກົດເຟຣຸລິກເປັນພືດເຄມີ ເຊິ່ງໃນຜັກ ແລະ ໝາກໄມ້ມີຢູ່ບໍ່ຫລາຍປານໃດ, ແຕ່ຊຳ້ພັດພົບຫລາຍໃນໝາກສາລີຫວານ ໂດຍສະເພາະເມື່ອເຮັດໃຫ້ມັນສຸກ ຈຶ່ງຊ່ວຍເຮັດໃຫ້ມັນປ່ອຍກົດເຟຣຸລິກອອກມາໄດ້ຫລາຍຂຶ້ນ. ໝາກສາລີຫວານບໍ່ວ່າຈະຜ່ານຄວາມຮ້ອນ ໂດຍການຕົ້ມ ຫລື ປີ້້ງຈີ່ ຄຸນຄ່າທາງສານອາຫານ ຫລື ສານລ້າງພິດໃນຮ່າງກາຍກໍບໍ່ໄດ້ແຕກຕ່າງກັນ ດັ່ງນັ້ນ ເມື່ອຮູ້ເຖິງຄຸນປະໂຫຍດດີໆແບບນີ້ແລ້ວກໍຫັນມາບໍລິໂພກໝາກສາລີຫວານກັນຖ້ອນ.

- WhatsApp Image 2020 05 27 at 5 - ກິນໝາກສາລີຫວານຊ່ວຍລ້າງສານພິດໃນຮ່າງກາຍ
- WhatsApp Image 2020 05 27 at 5 - ກິນໝາກສາລີຫວານຊ່ວຍລ້າງສານພິດໃນຮ່າງກາຍ
- WhatsApp Image 2020 05 27 at 5 - ກິນໝາກສາລີຫວານຊ່ວຍລ້າງສານພິດໃນຮ່າງກາຍ
- WhatsApp Image 2020 05 27 at 5 - ກິນໝາກສາລີຫວານຊ່ວຍລ້າງສານພິດໃນຮ່າງກາຍ
error: Alert: Content is protected !!