ຕາລີບັນປ່ຽນກົນລະຍຸດກໍ່ເຫດກັບລັດຖະບານອັບການິດສະຖານ

- Untitled design - ຕາລີບັນປ່ຽນກົນລະຍຸດກໍ່ເຫດກັບລັດຖະບານອັບການິດສະຖານ

- 1493192055815 960x0 300x169 - ຕາລີບັນປ່ຽນກົນລະຍຸດກໍ່ເຫດກັບລັດຖະບານອັບການິດສະຖານ     ກາ​ບູນ 26 ​ເມສາ: ນັກວິ​ເຄາະ​ການ​ເມືອງ​ຢູ່​ອັບ​ກາ​ນິດ​ສະຖານ​ເບິ່ງ​ວ່າ: ກຸ່ມ​ຕາ​ລີ​ບັນ​ພວມ​ປ່ຽນ​ກົນລະຍຸດ​ໃນ​ການ​ກໍ່​ເຫດ​ຮ້າຍ​ກັບ​ລັດຖະບານ ​ໂດ​ຍການ​ຫັນ​ມາ​ໃຊ້​ຂ່າວ​ເປັນ​ເຄື່ອງມື​ໃນ​ການ​ໂຈມ​ຕີ.

ທ່ານ ວາ​ຮີດ ມຸດ​ດາ ນັກວິ​ເຄາະ​ການ​ເມືອງ ​ແລະ ອະດີດ​ເຈົ້າໜ້າ​ທີ່​ກະຊວງ​ຕ່າງປະ​ເທດສະ​ໄໝ​ລັດຖະບານ​ຕາ​ລີ​ບັນ​ກ່າວ​ເຖິງ​ເຫດ​ກຸ່ມ​ຕາ​ລີ​ບັນ 10 ຄົນ​ປອມ​ຕົວ​ໃສ່​ເຄື່ອງ​ແບບ​ທະຫານ​ຂັບ​ລົດ​ຈິບ 2 ຄັນ​ຜ່ານ​ດ່ານ​ກວດ​ຫລາຍ​ດ່ານ​ເຂົ້າ​ໄປ​ໃນ​ຄ້າຍ​ທະຫານ​ທາງ​ຕອນ​ເໜືອ​ຂອງ​ປະ​ເທດ​ໃນ​ວັນ​ທີ 21 ​ເມສາ ​ໂດຍ​ອ້າງ​ວ່າ​ຈະ​ພາ​ຄົນ​ເຈັບ​ໄປ​ໂຮງໝໍ, ມີ​ທະຫານ ​ແລະ ​ເຈົ້າໜ້າ​ທີ່​ຖືກ​ສັງຫານ​ຫລາຍ​ກວ່າ 250 ຄົນຕາມ​ລາຍ​ງານ​ຂ່າວ​ຂອງ​ສື່​ທ້ອງ​ຖິ່ນ. ທ່ານ ມຸດ​ດາ ລະບຸ​ວ່າ: ຄົນ​ຮ້າຍ 4 ຄົນ​ອາດ​ຈະ​ເຄີຍ​ເຮັດ​ວຽກ​ຢູ່​ຄ້າຍ​ທະຫານ​ມາ​ແລ້ວ​ຢ່າງ​ໜ້ອຍ​ປີ​ສອງ​ປີ​ຈຶ່ງ​ໄດ້​ຮູ້​ຂັ້ນຕອນ​ຂະ​ບວນການ​ທັງ​ໝົດ​ຂອງ​ທະຫານ ​ເລີ່​ມຈາກ​ການ​ຍື່ນ​ເອກະສານ​ປອມ​ຢູ່​ດ່ານ​ກວດ​ທຳ​ອິດ ​ແລະ ດ່ານ​ກວດ​ທີ​ສອງ ​ແລ້ວ​ກໍ່​ເຫດ​ທັນທີ​ຢູ່​ດ່ານ​ກວດ​ສຸດ​ທ້າຍ ​ເພາະ​ຕາມ​ຂະ​ບວນການ​ແລ້ວ​ຕ້ອງ​ມອບ​ເອກະສານ ​ແລະ ອາວຸດ​ຢູ່​ດ່ານ​ສຸດ​ທ້າຍ​ຈຶ່ງ​ຈະ​ເຂົ້າ​ໄປ​ໃນ​ຄ້າຍ​ໄດ້.

ທ່ານ ​ເອນາ​ຍັດ ນາ​ຊີ ນັກວິ​ເຄາະ​ການ​ເມືອງ​ອັບ​ກາ​ນິດ​ສະຖານ​ອີກ​ຄົນ​ກ່າວ​ວ່າ: ຖ້າ​ເບິ່ງ​ຈາກ​ເບື້ອງຕາລີ​ບັນ​ແລ້ວ​ຈະ​ເຫັນ​ວ່າ​ພວມ​ປ່ຽນ​ແປງ​ກົນລະຍຸດ​ຢ່າງ​ວ່ອງ​ໄວ, ບາງ​ເຫດການ​ບໍ່​ສາມາດ​ລະບຸ​ໄດ້​ວ່າ​​ແມ່ນ​ກົນລະຍຸດ​ໃດ ​ແລະ ບາງ​ກົນລະຍຸດ​ກໍ​ໃໝ່​ເກີນ​ກວ່າ​ກອງທັບ​ອັບ​ກາ​ນິດ​ສະຖານ​ຈະ​ວິ​ເຄາະ​ໄດ້​ທັນ, ຕາ​ລີ​ບັນ​ມີ​ຂໍ້​ມູນ​ຂ່າວ​ທີ່​ດີ ​ແລະ ມີ​ຊັບພະຍາກອນ​ທາງ​ເຕັກນິກ​ທີ່​ດີ.

- Wave100S AD to Website 2020 0 - ຕາລີບັນປ່ຽນກົນລະຍຸດກໍ່ເຫດກັບລັດຖະບານອັບການິດສະຖານ

ກຸ່ມ​ຕາ​ລີ​ບັນ​ກໍ່​ເຫດ​ຢູ່​ອັບ​ກາ​ນິດ​ສະຖານ​ໜັກໜ່ວງ​ຂຶ້ນນັບ​ແຕ່​ຕົ້ນປີ 2015 ​ເມື່ອ​ກອງທັບ​ອັບ​ກາ​ນິດ​ສະຖານ​ເຂົ້າຮັບ​ໜ້າ​ທີ່​ຮັກສາ​ຄວາມ​ປອດ​ໄພ​ຢ່າງ​ເຕັມ​ຮູບ​ແບບ​ຈາກ​ອາ​ເມ​ລິ​ກາ ​ແລະ ອົງການ​ສົນທິສັນຍາ​ອັດ​ລັງ​ຕິກ​ເໜືອ (ນາ​ໂຕ) ທີ່​ຖອນ​ກຳລັງ​ອອກ​ໄປ.

- WhatsApp Image 2020 05 27 at 5 - ຕາລີບັນປ່ຽນກົນລະຍຸດກໍ່ເຫດກັບລັດຖະບານອັບການິດສະຖານ
- WhatsApp Image 2020 05 27 at 5 - ຕາລີບັນປ່ຽນກົນລະຍຸດກໍ່ເຫດກັບລັດຖະບານອັບການິດສະຖານ
error: Alert: ເນື້ອຫາຂ່າວມີລິຂະສິດ !!