ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ

- 32481779 778023092408266 2313923135482626048 n - ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ
- AGL banner - ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ

ສະຫະພັນແຈັດສະກີ້ນະຄອນຫລວງວຽງຈັນ ຮ່ວມກັບແດນສະຫວັນນໍ້າງື່ມລີສອດ ກຽມຈັດການແຂ່ງຂັນແຈັດສະກີ້ລາວນາໆຊາດ 2018 ຂຶ້ນທີ່ແດນສະຫວັນນໍ້າງື່ມລີສອດ ໃນຕົ້ນເດືອນມິຖຸນານີ້ ເຊິ່ງພິທີຖະແຫລງຂ່າວໄດ້ຈັດຂຶ້ນໃນວັນທີ 15 ພຶດສະພານີ້ ໂດຍມີທ່ານ ບົວລານ ສີລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ won chwin kye ປະທານແດນສະຫວັນນໍ້າງື່ມລີສອດ,​ ທ່ານ ນາງ ໂສມມາລີ ທໍາມະວົງ ປະທານສະຫະພັນແຈັດສະກີ້ ນະຄອນຫວງວຽງຈັນ ພ້ອມດ້ວຍພາກສ່ວນກ່ຽວຂ້ອງ ແລະ ນັກກິລາເຂົ້າຮ່ວມ.

ທ່ານ ວັນນະເດດ ແກ້ວວຽງຄໍາ ຜູ້ຈັດງານການແຂ່ງຂັນແຈັດກີ້ລາວນາໆຊາດ ກ່າວວ່າ: ການແຂ່ງຂັນແຈັດສະກີ້ລາວນາໆຊາດ 2018 ນີ້ ຈະໄດ້ຈັດຂຶ້ນລະຫວ່າງວັນທີ 2-3 ມິຖຸນານີ້ ທີ່ແດນສະຫວັນນໍ້າງື່ມລີສອດ ໂດຍເປັນການຮ່ວມມືລະຫວ່າງພາກລັດ ແລະ ເອກະຊົນ ເຊິ່ງຄາດວ່າຈະມີນັກກິລາເຂົ້າຮ່ວມເປັນຈໍານວນຫລາຍມາຈາກ 12 ປະເທດທົ່ວໂລກ. ທັງນີ້ເພື່ອເປັນແຮງບັນດານໃຈໃຫ້ແກ່ນັກກິລາແຈັດສະກີ້ທີມຊາດລຸ້ນສືບທອດ ພ້ອມທັງເປັນການຍົກລະດັບກິລາແຈັດສະກີ້ຂອງລາວໃຫ້ທຽບເທົ່າກັບບັນດານາໆຊາດ ແລະ ເປັນການສົ່ງເສີມການທ່ອງທ່ຽວລາວ 2018 ໃຫ້ມີຂະບວນຟົດຟື້ນ.

- Wave100S AD to Website 2020 0 - ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ

ສໍາລັບການແຂ່ງຂັນແຈັດສະກີ້ລາວນາໆຊາດຄັ້ງນີ້ ມີການຊິງໄຊ 6 ລຸ້ນ ເປັນປະເພດຊາຍທັງໝົດເຊັ່ນ: ລະດັບນາໆຊາດ 3 ລຸ້ນຄື: ລຸ້ນ 1.800 ຊີຊີ, Runabout GP (VIP) 1.800 ຊີຊີ ແລະ 1.100 ຊີຊີ, ສ່ວນອີກ 3 ລຸ້ນ ສະເພາະຄົນລາວຄື: 700 ຊີຊີ, 1.100 ຊີຊີ ແລະ 1.800 ຊີຊີ. ຂະນະທີ່ລາງວັນລຸ້ນວີໄອພີ ແລະ ລຸ້ນ 1.800 ຊີຊີ ອັນດັບທີ 1 ໄດ້ເງິນສົດ 20 ລ້ານກີບ, ອັນດັບທີ 2 ໄດ້ຮັບເງິນສົດ 10 ລ້ານກີບ, ອັນດັບທີ 3 ໄດ້ຮັບເງິນສົດ 5 ລ້ານກີບ; ສ່ວນລາງວັນລຸ້ນ 1.100 ຊີຊີ ອັນດັບທີ 1 ໄດ້ຮັບເງິນສົດ 7,5 ລ້ານກີບ, ອັນດັບທີ 2 ໄດ້ຮັບເງິນສົດ 5 ລ້ານກີບ, ອັນດັບທີ 3 ໄດ້ຮັບເງິນສົດ 2,5 ລ້ານກີບ. ນອກຈາກນັ້ນ ສະເພາະຄົນລາວ ລາງວັນລຸ້ນ 1.800 ຊີຊີ, ລຸ້ນ 1.100 ຊີຊີ ແລະ ລຸ້ນ 700 ຊີຊີ ອັນດັບທີ 1 ໄດ້ຮັບເງິນສົດ 5 ລ້ານກີບ, ອັນດັບທີ 2 ໄດ້ຮັບເງິນສົດ 3 ລ້ານກີບ, ອັນດັບທີ 3 ໄດ້ຮັບເງິນສົດ 2 ລ້ານກີບ.

- WhatsApp Image 2020 05 27 at 5 - ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ
- WhatsApp Image 2020 05 27 at 5 - ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ
- WhatsApp Image 2020 05 27 at 5 - ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ
- WhatsApp Image 2020 05 27 at 5 - ລາວ ກຽມຈັດການແຂ່ງຂັນແຈັດສະກີ້ນາໆຊາດຄັ້ງທໍາອິດ
error: Alert: Content is protected !!