7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ

- 041705 2018 - 7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ
- AGL banner - 7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ
  1. ບາງເທື່ອເຮົາກໍບໍ່ໄດ້ຮັກເຂົາແທ້ໆ : ພຽງແຕ່ວ່າຕອນທີ່ເຂົາເຂົ້າມານັ້ນເປັນໄລຍະເວລາພໍດີທີ່ເຮົາຍັັງບໍ່ມີໃຜແທ້ໆ ເຮົາຈຶ່ງ ຍອມຮັບເຂົາເຂົ້າມາເປັນອະໄຫລ່ຂອງຄວາມຮັກ ແທນບ່ອນອະໄຫລ່ເກົ່າທີ່ເສື່ອມສະພາບ ແລະ ໃຊ້ວຽກບໍ່ໄດ້.
  2. ຫລາຍກ່ວາ 70% ຂອງແມ່ຍິງຍອມຮັບວ່າຮູບຮ່າງຂອງຜູ້ຊາຍມີສ່ວນຊຸກຍູ້ໃນການຕັດສິນໃຈເລື່ອງຄວາມຮັກ : ໃຜໆກໍຢາກມີແຟນເປັນຄົນຮູບຮ່າງງາມໜ້າຕາຈົບງາມຄືກັນໝົດ ເພາະຮູບຮ່າງໜ້າຕາຂອງເຂົາຈະຈັບຢູ່ໃນຈິດຂອງເຮົາຈົນສາຍຕາ ແລະ ໃຈ ບໍ່ຮູ້ສຶກເບື່ອ ແລະ ປິດໃຈຮັບການເຂົ້າມາຂອງຜູ້ຊາຍຄົນອື່ນ.
  3. ການສຶກສານິໄສໃຈຄໍເປັນເລື່ອງທີ່ຕາມມາທີຫລັງ : ເວລາທີ່ຜູ້ຊາຍເຂົ້າມາຂໍຄວາມຮັກ ແມ່ຍິງມັກຈະຖືກຄາລົມ ແລະ ອາລົມຂອງຜູ້ຊາຍປິດບັງຈົນເພີດເພີນ ແລະ ລືມຄິດເຖິງຄວາມເປັນໄປໄດ້ ແລະ ຄວາມເຂົ້າກັນໄດ້ ແລະ ຍົກຍອດໃຫ້ຂະບວນການກັ່ນຕອງນິໄສ ແລະ ການພິຈາລະນາຄວາມເຂົ້າກັນໄດ້ນີ້ເປັນເລື່ອງທີ່ເອົາໄປຄົ້ນພົບກັນເອງຕອນຫລັງຈາກທີ່ຕອບຕົກລົງປົງໃຈຄົບຫາກັນເປັນແຟນແລ້ວ.
  4. ຄວາມຈິງຈັງໃຈຄວາມຮັກຂອງແມ່ຍິງເຂັ້ມຂຸ້ນກ່ວາຜູ້ຊາຍ : ຫລາຍເທື່ອທີ່ເຮົາຈະໄດ້ຍິນແມ່ຍິງບອກກັບຄົນອື່ນວ່າຮັກຫລິ້ນໆ ຫລື ຄົບກັນໄປເລື້ອຍໆ ຍັງບໍ່ຄິດຈິງຈັງ ແຕ່ສິ່ງທີ່ຜູ້ຊາຍມັກຈະເວົ້າກັນຕະຫລອດກໍຄື : ລົມຫລິ້ນໆ ເບື່ອກໍເລີກ ເຊິ່ງເປັນຄວາມຈິງທີ່ສ້າງຄວາມເຈັບປວດໃຈໃຫ້ແກ່ທັງສອງຝ່າຍຫລາຍທີ່ສຸດ.
  5. ການເຂົ້າມາຂອງຝ່າຍກົງຂ້າມຈະປັ່ນປ່ວນວິຖີຊີວິດອັນປົກກະຕິຂອງແຕ່ລະຝ່າຍຫລາຍຂຶ້ນ : ຈາກເກົ່າທີ່ເຄີຍຄິດເຄີຍເຮັດເພື່ອຕົນເອງ ແລະ ເຮັດຫຍັງໄດ້ອິດສະຫລະຕາມໃຈໂຕເອງ ເຖິງຕອນນີ້ຊີວິດ ແລະ ຈິດໃຈຂອງເຮົາຈະຖືກພັນທະນາການດ້ວຍຄວາມຮູ້ສຶກທີ່ເຮົາມີຕໍ່ເຂົາ ເຂົາຈະເປັນບຸກຄົນທີ່ຊົງອິດທິພົນທາງອາລົມຄວາມຮູ້ສຶກຕໍ່ເຮົາຫລາຍກ່ວາບຸກຄົນອ້ອມຂ້າງຄົນອື່ນໆຂອງເຮົາ ຫາກທຸກມື້ເຂົາໂທມາຫາ, ແຕ່ມື້ນີ້ເຂົາບໍ່ໂທມາ ພຽງເທົ່ານີ້ເຮົາກໍກະວົນກະວາຍແລ້ວ.
  6. ຄວາມຫຶງຫວງມີສ່ວນຊ່ວຍຮັດແໜ້ນຄວາມສຳພັນ : ຂຶ້ນຊື່ວ່າຄວາມຫຶງຫວງແລ້ວ ຫລາຍຄົນກໍຕັ້ງຊື່ວ່າເປັນສິ່ງອັບປະມຸງ ຄຸນສຳລັບຊີວິດຄູ່ໄປແລ້ວ, ແຕ່ຖ້າສັງເກດຄວາມຮູ້ສຶກຕອນທີ່ເຮົາຖືກເຂົານຳຫຶງຫວງແລ້ວ ນອກຈາກຄວາມລຳຄານວ່າອະທິບາຍແລ້ວວ່າບໍ່ມີຫຍັງ ກໍຍັງວ່າມີຢູ່ ມັນກໍຈະມີຄວາມຮູ້ສຶກລັກດີໃຈໜ້ອຍໜຶ່ງເຊື່ອງໄວ້ໃນຄວາມຮູ້ສຶກລຳຄານນັ້ນຢູ່ ວ່າເຂົາກໍຍັງຮັກຍັງຫວງເຮົາຢູ່.
  7. ຄຳໝັ້ນສັນຍາໃນຄວາມຮັກບາງເທື່ອກໍເຊື່ອບໍ່ໄດ້ : ທຸກຢ່າງຈະເປັນໂມຄະທັນທີທີ່ຄວາມສຳພັນໃນຖານະແຟນຍຸຕິລົງ, ສິ່ງທີ່ເຄີຍສັນຍາວ່າຈະໃຫ້ກໍຈະບໍ່ໃຫ້, ສິ່ງທີ່ເຄີຍສັນຍາວ່າຈະບໍ່ເຮັດກໍຈະເຮັດ, ສິ່ງທີ່ເຄີຍສັນຍາວ່າຈະບໍ່ບອກໃຜ ກໍຈະບອກເຫດຜົນຍ້ອນເງື່ອນໄຂໃນຄຳສັນຍາວ່າຈະຮັກກັນມັນຈົບລົງແລ້ວ.
- Wave100S AD to Website 2020 0 - 7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ
- WhatsApp Image 2020 05 27 at 5 - 7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ
- WhatsApp Image 2020 05 27 at 5 - 7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ
- WhatsApp Image 2020 05 27 at 5 - 7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ
- WhatsApp Image 2020 05 27 at 5 - 7 ຄວາມສຳຄັນກ່ອນຈະມີສຳພັນທະພາບພິເສດກັບໃຜຄົນໜຶ່ງ
error: Alert: Content is protected !!