ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ

- 2018 05 16T105736Z 1 LYNXNPEE4F0SE RTROPTP 4 ISRAEL GUATEMALA EMBASSY - ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ
- AGL banner - ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ໃນ​ວັນ​ທີ 17 ພຶດສະພາ​ວ່າ: ປະທານາທິບໍດີ ຈິ​ມມີ ​ໂມຣາ​ເລ​ສ ຜູ້ນຳ​ກົວ​ເຕມາລາ ​ແລະ ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ຜູ້ນຳ​ອິດສະ​ລາ​ແອນ ​ເປັນ​ປະທານ​ຮ່ວມ​ກັນ​ໃນ​ພິທີ​ເປີດ​ສະຖານ​ເອກ​ອັກຄະ​ລັດຖະທູດ​ກົວ​ເຕມາລາປະຈຳ​ນະຄອນຫລວງ​ເຢລູຊາ​ເລ​ມ ​ໃນ​ວັນ​ທີ 16 ພຶ​ດສະພາ​ນີ້ ຫລັງ​ອາ​ເມ​ລິ​ກາ​​​ເປີດ​ສະຖານທູດ​ຕົນ​ເອງ​ໃນ​ວັນ​ທີ 14 ພຶດສະພາ ​ເຊິ່ງກົງ​ກັບ​ວັນ​ຄົບຮອບ​ການ​ປະກາດ​ເອກະລາດ​ຂອງ​ອິດສະ​ລາ​ແອນ ​ແລະ ​ໃນ​ປີ​ນີ້​ຄົບຮອບ 70 ປີ ​ເປີດ​ສະຖານ​ເອກ​ອັກຄະ​ລັດຖະທູດ​ຢູ່​​ນະ​ຄອນ​ສັກສິດ​ແຫ່ງ​ນີ້ ​ໂດຍ​ທ່ານ ​ເດ​ວິດ ຟຣີດ​ແມນ ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ປະຈຳ​ອິດສະ​ລາ​ແອນ ​ເຂົ້າຮ່ວມ​ພິທີ​ເປີດ​ສະຖານ​ເອກ​ອັກຄະ​ລັດຖະທູດ​ກົວ​ມາລາ​ມາ​ນຳ​ອີກ.

- gettyimages 959051118 ce5332b1f745e53c4f00a770b8cb18f6ca437338 s900 c85 - ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ

ການ​ເຄື່ອນ​ໄຫວ​ດັ່ງກ່າວ​ສົ່ງ​ຜົນ​ໃຫ້​ກົວ​ເຕມາລາ​ຖື​ເປັນ​ປະ​ເທດ​ທີ 2 ຕໍ່​ຈາກ​ອາ​ເມ​ລິ​ກາ ​ເຊິ່ງຍ້າຍ​ສະຖານ​ເອກ​ອັກຄະ​ລັດຖະທູດ​ອອກ​ຈາກ​ນະຄອນຫລວງ​ເທ​ລອາ​ວີ​ຟ. ຂະນະ​ທີ່​ປະ​ເທດ​ທີ 3 ​ເຊິ່ງຮັບຮອງ​ສະຖານະ​ຂອງ​ນະຄອນ​ຫລວງ​ເຢລູຊາ​ເລ​ມ ຄື​ປາຣາ​ກວາ​ຍ ​ແລະ ມີ​ກຳນົດ​ຍ້າຍ​ສະຖານ​ເອກ​ອັກຄະ​ລັດຖະທູດ​ອອກ​ຈາກ​ນະຄອນຫລວງ​ເທ​ລອາ​ວີ​ຟ​ໃນ​ທ້າຍ​ເດືອນ​ນີ້. ທ່ານ ​ເນ​ຕັນ​ຢາ​ຮູ ກ່າວ​ຍົກຍ້ອງ​ກົວ​ເຕມາລາ​ວ່າ​ເປັນ​ປະ​ເທດ​ກຸ່ມ​ທຳ​ອິດ​ທີ່​ຮັບຮອງການ​ສະຖາປະນາລັດ​ອິດສະ​ລາ​ແອນ ​ໃນ​ປີ 1948 ​ແລະ ຢືນຢັນ​ການ​ຢ້ຽມຢາມ​ກົວ​​ເຕມາລາ​ໃນ​ອະນາຄົດ ​ເພື່ອ​ຍົກ​ລະດັບ​ການ​ຮ່ວມ​ມື​ທະວີ​ພາຄີ.

​ເຖິງ​ຢ່າງ​ໃດ​ກໍ​ຕາມ, ການ​ເປີດ​ສະຖານ​ເອກ​ອັກຄະ​ລັດຖະທູດ​ຂອງ​ອາ​ເມ​ລິ​ກາ ​ເຊິ່ງ​ເປັນ​ປະ​ເທດ​ທຳ​ອິດ ​ເກີດ​ຂຶ້ນທ່າມກາງ​ການ​ປະ​ທະ​ຢ່າງ​ດຸ​ເດືອດ​ລະຫວ່າງ​ກຸ່ມ​ຜູ້​ປະ​ທ້ວງ​ຊາວ​ປາ​ແລັສຕິນກັບ​ເຈົ້າໜ້າ​ທີ່​ຝ່າຍ​ຄວາມ​ໝັ້ນຄົງ​ຂອງ​ອິດສະ​ລາ​ແອນ ທັງ​ໃນ​ເຂດ​ເວສ​ແບ​ງ ​ແລະ ​ເຂດ​ກາຊາ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຫລາຍ​ກວ່າ 60 ຄົນ ​ແລະ ​ໄດ້​ຮັບ​ບາດ​ເຈັບ​ຫລາຍ​ກວ່າ 3.000 ຄົນ. ຂະນະ​ທີ່​ບັນດາ​ປະ​ເທດ​ພ້ອມ​ໃຈ​ກັນ​ປະນາມ ​ແລະ ຮຽກຮ້ອງ​ໃຫ້​ມີ​ການ​ຕັ້ງໜ່ວຍ​ງານ​ອິດສະ​ລາ​ແອນ​ກວດ​ສອບ​ເຫດ​ຮຸນ​ແຮງ​ທີ່​ເກີດ​ຂຶ້ນ ​ໂດຍ​ສະ​ເພາະ​ຕວກກີ ​ເຊິ່ງ​ເຄື່ອນ​ໄຫວ​ຫລາຍ​ທີ່​ສຸດ. ປະທານາທິບໍດີ ​ເຣ​ເຊ​ຟ ​ເທຍຍິບ ​ເອີ​ໂດ​ກັນ ກ່າວ​ວ່າ: ສະຫະ​ປະຊາ​ຊາດ (UN) ​ເປັນ​ອົງການ​ທີ່ “ລົ້ມ​ເຫ​ລວ ​ແລະ ໝົດ​ຄວາມ​ຍຸຕິ​ທຳ​ຢ່າງ​ສິ້ນ​ເຊີງ” ຫລັງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ບໍ່​ສາມາດ​ແກ້​ໄຂ​ເລື່ອງ​ນີ້​ໄດ້ ​ເພາະ​ອາ​ເມ​ລິ​ກາ​ຂັດຂວາງ.

- WhatsApp Image 2020 05 27 at 5 - ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ
- WhatsApp Image 2020 05 27 at 5 - ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ
- WhatsApp Image 2020 05 27 at 5 - ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ
- WhatsApp Image 2020 05 27 at 5 - ກົວເຕມາລາເປີດສະຖານທູດ ປະຈຳນະຄອນຫລວງເຢລູຊາເລມ
error: Alert: Content is protected !!