ລາວ-ເຢຍລະມັນເພີ່ມທະວີການຮ່ວມມືວຽກງານປົກປ້ອງຜູ້ຝາກເງິນ

- Untitled design - ລາວ-ເຢຍລະມັນເພີ່ມທະວີການຮ່ວມມືວຽກງານປົກປ້ອງຜູ້ຝາກເງິນ

- SKLL9944 - ລາວ-ເຢຍລະມັນເພີ່ມທະວີການຮ່ວມມືວຽກງານປົກປ້ອງຜູ້ຝາກເງິນ

ການສຳມະນາພາຍໃຕ້ຫົວຂໍ້ “ລະບົບຈ່າຍເງິນປົກປ້ອງ”  ໂດຍການຮ່ວມມືລະຫວ່າງກອງທຶນປົກປ້ອງຜູ້ຝາກ ເງິນທະນາ ຄານແຫ່ງ ສປປ ລາວ ກັບປະ ກັນໄພເງິນຝາກເຢຍລະມັນ ໂດຍການສະໜັບສະໜູນຈາກທະນາຄານ ໂລກໄດ້ຈັດຂຶ້ນແຕ່ວັນທີ 25- 27 ເມສານີ້, ຢູ່ໂຮງແຮມລາວພາຊານະຄອນຫລວງວຽງຈັນໂດຍການເຂົ້າຮ່ວມ ຂອງທ່ານ ນາງ ແສງດາວວີ ວົງຄຳຊາວຜູ້ອຳນວຍການກອງທຶນປົກປ້ອງຜູ້ຝາກເງິນ, ມີຜູ້ຕາງໜ້າຈາກທະນາ ຄານໂລກ, ວິທະຍາກອນຈາກປະເທດເຢຍລະມັນ ແລະ ນັກສຳມະນາກອນຈາກພາກສ່ວນກ່ຽວຂ້ອງເຂົ້າຮ່ວມ ຢ່າງພ້ອມພຽງ.

ເພື່ອຮຽນຮູ້ບົດຮຽນກ່ຽວ ກັບວຽກງານປົກປ້ອງເງິນຝາກໃນເຢຍລະມັນ ເຊິ່ງປະເທດນີ້ ແມ່ນມີປະສົບການ, ບົດຮຽນໃນ  ການແກ້ໄຂບັນຫາວິກິດການ ດ້ານເສດຖະກິດ ໂດຍສະເພາະ ວິກິດການດ້ານການເງິນ; ການ ຈ່າຍເງິນປົກປ້ອງໃນປະເທດ ເຢຍລະມັນ; ການໃຫ້ຄຳແນະນຳ ໂດຍລວມ ແລະ ສິ່ງຈຳເປັນດ້ານ  ວິຊາການໃນການ ຈ່າຍເງິນປົກປ້ອງຕາມຫລັກການຂອງລະບົບປະກັນໄພເງິນຝາກທີ່ມີປະສິດທິຜົນ, ລົງເລິກລາຍລະອຽດກ່ຽວກັບ ການຈ່າຍເງິນປົກປ້ອງລວມມີການເກັນກຳຂໍ້ມູນ-ກວດສອບ,  ປະສົບການຈາກເອີຣົບ ເຊິ່ງມີທາງເລືອກໃນການ ຈ່າຍເງິນປົກປ້ອງ ແລະ ບັນຫາລະຫວ່າງປະເທດ, ນອກນີ້ ກໍມີກໍລະນີຈາກປະເທດເຢຍລະມັນ ແລະ ທາງເລືອກໃນ ການຈ່າຍເງິນປົກປ້ອງ ແລະ ການຈ່າຍເງິນປົກປ້ອງຂ້າມແດນ.

ເນື່ອງຈາກວ່າການຈ່າຍເງິນປົກປ້ອງເປັນວຽກສຳຄັນ,  ສະນັ້ນວຽກງານປະກັນໄພເງິນ ຝາກແມ່ນການສ້າງຄວາມ ເຊື່ອ ໝັ້ນໃຫ້ແກ່ມວນຊົນກໍຄືຜູ້ຝາກເງິນໄວ້ກັບບັນດາສະຖາບັນການເງິນທີ່ເປັນສະມາຊິກຂອງກອງທຶນ, ພ້ອມ ນີ້ຍັງຮັກສາສະຖຽນລະພາບທາງການເງິນຂອງລະບົບທະນາຄານນຳອີກ.

- Wave100S AD to Website 2020 0 - ລາວ-ເຢຍລະມັນເພີ່ມທະວີການຮ່ວມມືວຽກງານປົກປ້ອງຜູ້ຝາກເງິນ

ທ່ານຜູ້ອຳນວຍການກອງທຶນປົກປ້ອງຜູ້ຝາກເງິນກ່າວວ່າ:   ເຖິງວ່າພວກເຮົາຍັງບໍ່ທັນພົບກັບວິກິດການ ລົ້ມລະລາຍຂອງສະ ຖາບັນການເງິນໃດໜຶ່ງແຕ່ກໍບໍ່ ໄດ້ຢຸດນິ້ງໃນການຄົ້ນຄວ້າ ແລະ  ພັດທະນາເຄື່ອງມືກໍຄືກົນໄກ ການຈ່າຍເງິນປົກປ້ອງໃຫ້ແກ່ຜູ້ຝາກເງິນໃຫ້ທັນກັບສະພາບ; ດ້ວຍເຫດນັ້ນການຖອດຖອນບົດຮຽນຈາກສາກົນ ແມ່ນສິ່ງຈຳເປັນ ຫລາຍເພື່ອຮຽນຮູ້ປະສົບການໃໝ່ ແລະ ທັງເປັນການຍົກສູງປະສິດທິພາບໃນການປົກປ້ອງ ຜູ້ຝາກເງິນອັນເປັນພື້ນຖານໜຶ່ງໃນການສ້າງທ່າແຮງກໍຄືເງື່ອນໄຂໃນການກ້າວເຂົ້າເປັນສະມາຊິກຂອງອົງການ ປະກັນໄພສາກົນຂອງ ສປປ ລາວໃນອະນາຄົດ.

- WhatsApp Image 2020 05 27 at 5 - ລາວ-ເຢຍລະມັນເພີ່ມທະວີການຮ່ວມມືວຽກງານປົກປ້ອງຜູ້ຝາກເງິນ
- WhatsApp Image 2020 05 27 at 5 - ລາວ-ເຢຍລະມັນເພີ່ມທະວີການຮ່ວມມືວຽກງານປົກປ້ອງຜູ້ຝາກເງິນ
error: Alert: ເນື້ອຫາຂ່າວມີລິຂະສິດ !!