ຕໍາຫລວດແຂວງບໍ່ແກ້ວຈັບຜູ້ຄ້າຢາເສບຕິດລາຍໃຫຍ່ພ້ອມຂອງກາງ​ຢາ​ໄອ 25 ​ເປົາ

- Untitled 1 - ຕໍາຫລວດແຂວງບໍ່ແກ້ວຈັບຜູ້ຄ້າຢາເສບຕິດລາຍໃຫຍ່ພ້ອມຂອງກາງ​ຢາ​ໄອ 25 ​ເປົາ
- AGL banner - ຕໍາຫລວດແຂວງບໍ່ແກ້ວຈັບຜູ້ຄ້າຢາເສບຕິດລາຍໃຫຍ່ພ້ອມຂອງກາງ​ຢາ​ໄອ 25 ​ເປົາ

​ ເຈົ້າໜ້າ​ທີ່ ປກສ ​ແຂວງ​ບໍ່​ແກ້ວ ​ລາຍງານໃຫ້​ຮູ້​ວ່າ: ພາຍຫລັງໄດ້ຮັບແຈ້ງຈາກພົນລະເມືອງດີວ່າ​ຈະ​ມີ​ການ​ລັກລອບຂົນ​ສົ່ງ​ຢາ​ເສບ​ຕິດຈໍານວນຫລາຍ​ຈາກ​ເມືອງ​ຕົ້ນ​ເຜິ້ງ​ແຂວງ​ບໍ່​ແກ້ວ​ໄປ​ແຂວງ​ຫລວງ​ນ້ຳທາ, ​ຈຶ່ງໄດ້ຈັດກໍາລັງລົງຕັ້ງດ່ານກວດກາຕາມເສັ້ນທາງສາຍຫລັກ ແລະ​ ພົບ​ເຫັນ​ລົດ​ປຣາ​ໂດ​ສີຂາວ ໝາຍ​ເລກ​ທະບຽນ ວທ 9992 ກຳ​ແພງ​ນະຄອນ ​ແລ່ນ​ມາຜ່ານ​ຈຸດ​ກວດກາ​ບ້ານ​ນາ​ຫລວງ ​​ຈຶ່ງ​ໄດ້​ສັນຍານໃຫ້ຢຸດເພື່ອກວດກາ​ແຕ່​ລົດຄັນດັ່ງກ່າວບໍ່​ຈອດ, ຈາກ​ນັ້ນກໍມີ​ລົດ​ປຣາ​ໂດ​ສີ​​ດຳ ໝາຍ​ເລກ​ທະບຽນ ກມ 5929 ກຳ​ແພງ​ນະຄອນ ​ແລ່ນ​ຕາມ​ມາ ​ເຈົ້າໜ້າ​​ໄດ້​ລັດ​ແຕ່​ກໍ​ບໍ່​ຍອມ​ຈອດ ​ແລະ ຕໍ່​ມາກໍມີ​ລົດ​ປຣາ​ໂດ​ສີຂາວ ໝາຍ​ເລກ​ທະບຽນ ກຣ 9883 ກຳ​ແພງ​ນະຄອນ ​ແລ່ນ​ຕາມ​ມາ, ເຈົ້າໜ້າ​ທີ່​ຈຶ່ງໄດ້​ລັດ​ໃຫ້ຢຸດ, ຊຶ່ງແມ່ນ​ທ້າວ ວຽງ​ໄຊ ອາຍຸ 33 ປີຢູ່ບ້ານ​ພຽງ​ງາມເມືອງ​ຕົ້ນ​ເຜິ້ງ​ແຂວງ​ບໍ່​ແກ້ວເປັນຄົນຂັບ, ຈາກ​ນັ້ນ​ໄດ້​ປະສານ​ໃຫ້ ປກສ ກຸ່ມ​ບ້ານ​ທ່າ​ຟ້າ​ຊ່ວຍ​ສະກັດລົດປຣາໂດ 2 ຄັນທີ່ບໍ່ຍອມຈອດກ່ອນໜ້າໄວ້ໄດ້, ຊຶ່ງມີ​ທ້າວ ຈັນທອນ ອາຍຸ 30 ປີ, ທ້າວ ດວງ​ຈັນ ອາຍຸ 23 ປີ​ຢູ່​ບ້ານ​ພຽງ​ງາມ ​ແລະ ທ້າວ ​ເຮີ​ຢາງ ອາຍຸ 30 ປີຢູ່​ບ້ານ​ສີທາດ​ເມືອງ​ຕົ້ນ​ເຜິ້ງເປັນຜູ້ຂັບຂີ່, ພ້ອມຂອງກາງ​ຢາ​ໄອ 25 ​ເປົາ , ລວມມີນໍ້າໜັກ 651 ກິ​ໂລ ແລະ ລົດ​ປຣາ​ໂດ 3 ຄັນ, ​ໂທລະສັບ​ມື​ຖື 11 ໜ່ວຍ, ​ເງິນ​ 231.000 ບາດ (ສະກຸນເງິນໄທ), ​468.000 ກີບ, ​ແຫວນ​ຄຳ 4 ວົງ ​ແລະ ສາຍ​ຄໍຄຳ 1 ​ເສັ້ນ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

ຜ່ານ​ການ​ສືບສວນ-ສອບ​ສວນ​ຂອງເຈົ້າໜ້າທີ່ພວກ​ເຂົາໄດ້​ສາລະພາບ​ວ່າ:  ​ໄດ້​ຮ່ວມ​ກັນ​ເຄື່ອນ​ໄຫວ​ຂົນ​ສົ່ງ​ຢາ​ເສບ​ຕິດ​ແທ້, ໂດຍເອົາມາຈາກຂະບວນການດຽວກັນ.

ປັດຈຸບັນ, ຄະດີ​ຢາເສບຕິດລາຍນີ້, ​ເຈົ້າໜ້າ​ທີ່ພວມເລັ່ງຂະຫຍາຍ​ຜົນ​ຫາຜູ້ຮ່ວມຂະບວນການເພື່ອຈັບຕົວມາດໍາເນີນຄະດີຕາມລະບຽບກົດໝາຍໂດຍໄວ.

- Wave100S AD to Website 2020 0 - ຕໍາຫລວດແຂວງບໍ່ແກ້ວຈັບຜູ້ຄ້າຢາເສບຕິດລາຍໃຫຍ່ພ້ອມຂອງກາງ​ຢາ​ໄອ 25 ​ເປົາ

 

- lattana banner - ຕໍາຫລວດແຂວງບໍ່ແກ້ວຈັບຜູ້ຄ້າຢາເສບຕິດລາຍໃຫຍ່ພ້ອມຂອງກາງ​ຢາ​ໄອ 25 ​ເປົາ
- lattana banner 1 - ຕໍາຫລວດແຂວງບໍ່ແກ້ວຈັບຜູ້ຄ້າຢາເສບຕິດລາຍໃຫຍ່ພ້ອມຂອງກາງ​ຢາ​ໄອ 25 ​ເປົາ
-    AD conten website - ຕໍາຫລວດແຂວງບໍ່ແກ້ວຈັບຜູ້ຄ້າຢາເສບຕິດລາຍໃຫຍ່ພ້ອມຂອງກາງ​ຢາ​ໄອ 25 ​ເປົາ
error: Alert: ເນື້ອຫາຂ່າວມີລິຂະສິດ !!