ກະຊວງ ຍທຂ ຫ້າມເກັບຄ່າຝາກລົດເຂົ້າສະໜາມບິນທີ່ບໍ່ເໝາະສົມ

- Untitled 1 copy 8 - ກະຊວງ ຍທຂ ຫ້າມເກັບຄ່າຝາກລົດເຂົ້າສະໜາມບິນທີ່ບໍ່ເໝາະສົມ
- Untitled design - ກະຊວງ ຍທຂ ຫ້າມເກັບຄ່າຝາກລົດເຂົ້າສະໜາມບິນທີ່ບໍ່ເໝາະສົມ

ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ ໄດ້ອອກແຈ້ງການເຖິງກອງສະໜາມບິນທົ່ວປະເທດໃຫ້ປັບປຸງແກ້ໄຂການເກັບຄ່າຈອດລົດເຂົ້າສະໜາມບິນໃຫ້ຖືກຕ້ອງ ແລະ ເປັນລະບຽບຮຽບຮ້ອຍ, ພາຍຫລັງເຫັນວ່າປັດຈຸບັນສະໜາມບິນບາງທ້ອງຖິ່ນເກີດມີສະພາບສວຍໂອກາດເກັບຄ່າຈອດລົດທີ່ບໍ່ເໝາະສົມ.

ກອງ​ສະໜາມ​ບິນ​ລາວ ໄດ້ລະບຸວ່າ:​ ຂໍໃຫ້​ສະໜາມ​ບິນ​ທົ່ວ​ປະ​ເທດ​ປະຕິບັດຄື:​ການ​ເກັບ​​ຄ່າ​ຈອດ​ລົດ​ເຂົ້າສະໜາມ​ບິນ​ແມ່ນ​ໃຫ້​ເກັບ​ສະ​ເພາະ​ແຕ່​ລົດ​ທີ່​ເຂົ້າລານ​ຈອດ ​ແລະ ລົດ​ທີ່​ຈອດ​ລໍ​ເກີນ 5 ນາທີ ​ໃນ​ເຂດ​ບໍລິການ​ຂອງ​ສະໜາມ​ບິນ​ເທົ່າ​ນັ້ນ. ຫ້າມ​ບໍ່​ໃຫ້​ເກັບ​ຄ່າ​ລົດ​ຜ່ານ​ປະຕູ​ມາ​ສົ່ງ ຫລື ມາ​ຮັບຜູ້​ໂດຍສານ​ທີ່​ໃຊ້​ເວລາ​ພຽງ 3-5 ນາທີເທົ່ານັ້ນ ​ເພາະ​ຈະ​ສົ່ງ​ຜົນ​ກະທົບບໍ່ດີ​ຕໍ່​ພາບ​ພົດຂອງ​ສະໜາມ​ບິນ ​ແລະ ການທ່ອງທ່ຽວ​ລາວ. ຫ້າມ​ບໍ່​ໃຫ້​ມີ​ລົດ​ຈອດ​ຄ້າງ​ຄືນ​ໃນ​ສະໜາມ​ບິນ​ທີ່​ບໍ່​ໄດ້​ຮັບ​ອະນຸຍາດ​ຢ່າງ​ເດັດຂາດ (ກໍລະນີ​ຜູ້ໂດຍສານ​ມີ​ຄວາມ​ຈຳ​ເປັນ​ຕ້ອງ​ແຈ້ງ​ໃຫ້​ເຈົ້າໜ້າ​ທີ່​ສະໜາມ​ບິນ​ຊາບ ​ເພື່ອ​ຮັກສາ​ຄວາມ​ປອດ​ໄພ) ​ແລະ ຫ້າມ​ບໍ່​ໃຫ້​ຈອດ​ລົດ​ຊະຊາຍ​ເດັດຂາດ, ໂດຍມອບ​ໃຫ້​ສະໜາມ​ບິນ​ທົ່ວ​ປະ​ເທດ​ພົວພັນ​ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ ຂໍ​ຕຳຫລວດ​ຈະລາຈອນ 1-2 ຄົນ ມາ​ຊ່ວຍຈັດ​ສັນ​ຄວາມ​ເປັນ​ລະບຽບ​ຮຽບຮ້ອຍ​ການ​ຈອດ​ລົດ​ຢູ່​ສະໜາມ​ບິນ ແລະ ຖ້າພົບຜູ້ລະ​ເມີດ​ລະບຽບ​ການ​ ມອບ​ໃຫ້​ເຈົ້າໜ້າ​ທີ່​ລ໋ອກ​ລົດ ​ແລະ ປັບ​ໄໝ​ຕາມ​ກົດ​ລະບຽບ​ຈະລາຈອນ​ຢ່າງ​ເຂັ້ມງວດ ແລະ ມອບ​ສິດ​ໃຫ້​ບັນດາ​ຫົວໜ້າ​ສະໜາມ​ບິນ​ທົ່ວ​ປະ​ເທດ​ຈັດຕັ້ງປະຕິບັດແຈ້ງການນີ້​ຢ່າງ​ເຂັ້ມງວດ.

 

- Wave100S AD to Website 2020 0 - ກະຊວງ ຍທຂ ຫ້າມເກັບຄ່າຝາກລົດເຂົ້າສະໜາມບິນທີ່ບໍ່ເໝາະສົມ
- WhatsApp Image 2020 05 27 at 5 - ກະຊວງ ຍທຂ ຫ້າມເກັບຄ່າຝາກລົດເຂົ້າສະໜາມບິນທີ່ບໍ່ເໝາະສົມ
- WhatsApp Image 2020 05 27 at 5 - ກະຊວງ ຍທຂ ຫ້າມເກັບຄ່າຝາກລົດເຂົ້າສະໜາມບິນທີ່ບໍ່ເໝາະສົມ
error: Alert: ເນື້ອຫາຂ່າວມີລິຂະສິດ !!