ເບື້ອງຫຼັງການໂກງ ແຕ່ຖືກຢັບຢັ້ງ

- crushed -  ເບື້ອງຫຼັງການໂກງ ແຕ່ຖືກຢັບຢັ້ງ
- Untitled design -  ເບື້ອງຫຼັງການໂກງ ແຕ່ຖືກຢັບຢັ້ງ

           ໃນລະຫວ່າງທ້າຍເດືອນເມສາຂອງປີນີ້, ອົງການທີ່ມີສິດອໍານາດກ່ຽວຂ້ອງ ໄດ້ແຈ້ງໄປຍັງກົມທີ່ກ່ຽວຂ້ອງ ກະຊວງປ້ອງກັນຄວາມສະຫງົບ ໂດຍມີເນື້ອຄວາມວ່າ: ທະນາຄານລາວ ຂາເຂົ້າ-ຂາອອກຈໍາກັດ (ທະນາຄານ ລາວພັດທະນາການກະເສດ ຈໍາກັດ) ເປັນທະນາຄານທີ່ບໍ່ໄດ້ຮັບການອະນຸຍາດສ້າງຕັ້ງຈາກ ທຫລ ແລະມີການແຈ້ງໂຈະ-ລຶບລ້າງ ໃບທະບຽນວິສາຫະ ກິດຕາມເອກະສານແຈ້ງໂຈະເລກທີ 222/ຈທວ.ທຄວ.ອຄ, ລົງວັນທີ 21 ຕຸລາ 2014 ແລະ ໃນຜ່ານມາອົງການທີ່ມີສິດອໍານາດກ່ຽວຂ້ອງໄດ້ແຈ້ງໃຫ້ບຸກຄົນກ່ຽວຂ້ອງທີ່ເຄື່ອນໄຫວໃນນາມທະນາຄານລາວ ຂາເຂົ້າ-ຂາອອກຈໍາກັດ (ທະນາຄານລາວ ພັດທະນາການກະເສດ ຈໍາກັດ) ລວມທັງກາປະທັບ ແຕ່ມາຮອດປັດຈຸບັນເຫັນວ່າ: ຍັງມີການລະເມີດລະບຽບການ ໂດຍຍັງນໍາໃຊ້ຊື່ທະນາຄານ ແລະກາປະທັບທີ່ໄດ້ລົບລ້າງ​ໄປແລ້ວນັ້ນ​ ຄືນ​ມາເຄື່ອນໄຫວອີກ​ໃໝ່.

ຫຼ້າສຸດ, ກົມທະບຽນ ແລະຄຸ້ມຄອງວິສາຫະກິດ ກະຊວງອຸດສາຫະກໍາ ໄດ້ອອກໜັງສືແຈ້ງການສັ່ງປິດບັນດາບໍລິ ສັດທີ່ເຄື່ອນໄຫວຜິດກົດໝາຍ ຄື: ບໍລິສັດລາວແຜ່ນດິນຄໍາ ຄ້ຳປະກັນການລົງທຶນ ແລະຫາແຫຼ່ງທຶນຈໍາກັດ, ບໍລິສັດທີ່ປຶກ ສາການລົງທຶນສາກົນໂກເດັນ ລາວ-ຫວຽດ ຈໍາກັດ, ບໍລິສັດ ລາວອີເທຣດ ປຶກສາການລົງທຶນ ຈໍາກັດ,  ບໍລິສັດ ລາວອີຊີອິນເວັສເມັນ ແອັດວາຍເຊີ ຈໍາກັດ ແລະບໍລິສັດ ລາວຄໍາ ທີ່ປຶກສາການລົງທຶນ ຈໍາກັດ; ນອກນີ້ ໄດ້ຍົກເລີກບັນດາວິສາຫະກິດ ແລະປິດຕົວຢ່າງຖາວອນມີ 9 ວິສາຫະກິດ, ໂຈະເຄື່ອນໄຫວຊົ່ວຄາວ 3 ບໍລິສັດ ພາຍຫຼັງກວດສອບເຫັນວ່າມີການ ເຄື່ອນໄຫວຜິດລະບຽບກົດໝາຍ ເປັນຕົ້ນການລະດົມເງິນຝາກຈາກສັງຄົມ ແລະດໍາເນີນທຸລະກິດບໍ່ຖືກຕາມທະບຽນວິສາ ຫະກິດ ແລະໃນປັດຈຸບັນນີ້ ມີນັກລົງທຶນພາຍໃນ ແລະຕ່າງປະເທດ ໄດ້ມີການລົງທຶນຢູ່ລາວເປັນຈໍານວນຫຼາຍ ມີທັງການຂໍເປີດດໍາເນີນກິດຈະການວິສາຫະກິດແບບຄ້າຂາຍ ແລະການລະດົມທຶນອື່ນໆ ເຊິ່ງໃນນີ້ ກໍຍັງມີກຸ່ມຄົນບໍ່ດີຈໍານວນໜຶ່ງໄດ້ສວຍໂອກາດເປີດບໍລິສັດ ແລະເຄື່ອນໄຫວບໍ່ຖືກຕ້ອງຕາມລະບຽບກົດໝາຍ ລວມທັງບໍລິສັດຟາຍນານ ໂຊອົກ ນໍາອີກ.

 

ກ່ອນຕັດສິນໃຈຮ່ວມລົງທຶນ ຈະເປັນເງິນ, ຄໍາ, ວັດຖຸມີຄ່າ, ສະຕິປັນຍາ ຕ້ອງສຶກສາໃຫ້ລະອຽດຮອບຄອບ, ຕ້ອງ ດໍາເນີນການໄປຕາມລະບຽບກົດໝາຍ ແລະໄດ້ມີການຮັບຮອງຈາກພາກສ່ວນທີ່ມີສິດອໍານາດກ່ຽວຂ້ອງໂດຍສະເພາະກ່ຽວ ກັບການລົງທຶນໃນຂະແໜງທະນາຄານ, ສະຖາບັນການເງິນ ແລະການລະດົມທຶນ ຕ້ອງໄດ້ຮັບການອະນຸຍາດອອກໃບດໍາເນີນທຸລະກິດຈາກ ທຫລ ແລະພາກສ່ວນທີ່ກ່ຽວຂ້ອງ ຈຶ່ງຖືວ່າດໍາເນີນທຸລະກິດຢ່າງຖືກຕ້ອງ ຕາມກົດໝາຍ; ໃນຜ່ານມາ ອົງການຈັດຕັ້ງທີ່ກ່ຽວຂ້ອງຂອງລັດ ໄດ້ມີການແຈ້ງການເຄື່ອນໄຫວຂອງພວກຕົ້ມຕຸນຢ່າງລະອຽດ, ເປັນໄລຍະ ແລະມີຈໍານວນບໍ່ໜ້ອຍກໍຖືກເຈົ້າໜ້າທີ່ ຢັບຢັ້ງ, ຈໍາກັດ, ກໍາຈັດ ແລະນໍາຕົວຂຶ້ນສານປະຊາຊົນ ; ພວກເຮົາ ຄວນຕາສະຫວ່າງໄດ້ແລ້ວ! ຖ້າບໍ່ດັ່ງນັ້ນ ຈະກາຍເປັນເຫຍື້ອ ຫຼື ຕົກຢູ່ໃນກົນອຸບາຍກືນກິນຂອງພວກຄົນບໍ່ດີ ແລະຢ່າໃຫ້ມັນເກີດຂຶ້ນຕື່ມ, ເຈັບ ແລ້ວພໍ, ຢ່າມີກິເລດຕັນຫາຢາກລວຍທາງລັດ, ຫາກບໍ່ດັ່ງນັ້ນມັນຈະຊໍ້າຮອຍຄື: ເພິ່ນວ່າ “ເຮົາໂງ່ເອງ” ຢ່າໄດ້ໄປຕິຕຽນເຈົ້າໜ້າທີ່ຂອງລັດ ແລະບໍ່ມີທຸລະກິດໃດທີ່ຈະໃຫ້ດອກເບ້ຍສູງ ຫຼື ມີຜົນຕອບແທນ ເກືອບ 100%/ປີ; ຢຸດເຊື່ອ! ຢຸດຫຼົງທາງ ແລ້ວຫັນມາສູ່ລະບົບກົນໄກເສດຖະກິດຕະຫຼາດ ທີ່ມີການຄຸ້ມຄອງຂອງລັດ ມັນຈະມີຄວາມສະດວກ-ສະບາຍ, ມີຄວາມປອດໄພ ແລະມີຄວາມຜາສຸກຍິ່ງໆຂຶ້ນ.

- Wave100S AD to Website 2020 0 -  ເບື້ອງຫຼັງການໂກງ ແຕ່ຖືກຢັບຢັ້ງ

# ໂດຍ: ຣັດສະໝີ ດວງສັດຈະ

- WhatsApp Image 2020 05 27 at 5 -  ເບື້ອງຫຼັງການໂກງ ແຕ່ຖືກຢັບຢັ້ງ
- WhatsApp Image 2020 05 27 at 5 -  ເບື້ອງຫຼັງການໂກງ ແຕ່ຖືກຢັບຢັ້ງ
error: Alert: ເນື້ອຫາຂ່າວມີລິຂະສິດ !!