ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

- Untitled design - ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

- vnan 300x200 - ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

ເມືອງໄຊທານີ ເປັນເມືອງໜຶ່ງທີ່ມີຄວາມອຸດົມສົມບູນໄປດ້ວຍຊັບໃນດິນສິນໃນນໍ້າພ້ອມດ້ວຍສະຖານ ທີ່ທ່ອງທ່ຽວທາງ ດ້ານປະຫວັດສາດ,  ທໍາມະຊາດ ແລະ ວັດທະນະທໍາທີ່ມີຊື່ສຽງອັນໂດດເດັ່ນ ແລະ ສວຍສົດ ງົດງາມຫຼາຍແຫ່ງພົ້ນເດັ່ນກວ່າໝູ່ແມ່ນ:  ວັດພະບາດແອວຂັນ ແລະ ເຮືອແພທ່າງ່ອນອັນເປັນ ສະຖານ ທີ່ທ່ອງທ່ຽວທີ່ໜ້າສົນໃຈ ຂອງບັນດານັກທ່ອງທ່ຽວທັງພາຍໃນ ແລະ ຕ່າງປະເທດທີ່ໄດ້ເຂົ້າມາທ່ຽວຊົມ ແລະ ພັກຜ່ອນຢ່ອນໃຈໃນສະຖານທີ່ແຫ່ງນີ້ເຊິ່ງ ຢູ່ຫ່າງຈາກນະຄອນຫຼວງວຽງຈັນໄປທາງທິດຕາເວັນອອກປະມານ 30 ກິໂລແມັດເທົ່ານັ້ນ. ວັດພະບາດແອວຂັນ ມີພະລານຫີນອັນສວຍສົດງົດງາມ, ມີຕົ້ນໄມ້ ອັນດົກໜາ ແລະ ຂຽວ ງາມອຸ່ມທຸ່ມປົກຄຸມໄປທົ່ວບໍລິເວນເປັນຮົ່ມເຢັນດີ ມີອາກາດທີ່ປອດໂປ່ງ ແລະ ສົດໃສ ເຊິ່ງໄດ້ມີສາຍລົມເຢັນ ພັດຜ່ານມາຕະຫຼອດເວລາພາໃຫ້ຈິດໃຈເພີດເພີນໄປກັບຄວາມງາມຂອງທໍາມະຊາດທີ່ໄດ້ສູບດົມກິ່ນຫອມດອກ ເຜິ້ງ ແລະ  ພຶກສາຊາດຕ່າງໆເຫຼົ່ານັ້ນໜ້າອອນຊອນແທ້ໆໄດ໋ ເໝາະໃຫ້ແກ່ການມາພັກຜ່ອນຢ່ອນໃຈ ເຊິ່ງຕັ້ງ ຢູ່ເຂດບ້ານນາຄາຍ, ເມືອງໄຊທານີຫ່າງຈາກນະຄອນຫຼວງວຽງຈັນໄປປະມານ 30 ກິໂລແມັດ ຕາມເສັ້ນທາງ ໄປບ້ານເກິນ ແລ້ວ ແວ່ເຂົ້າໄປຕາມທາງໄປນານົກ ຂຸ້ມປະມານ19 ກິໂລແມັດ. ຕາມການບອກເລົ່າຂອງ ພໍ່ຕູ້ສາລະວັດເຂດບ້ານນາຄາຍ, ໃຫ້ຮູ້ວ່າ: ວັດດັ່ງກ່າວໄດ້ຖືກຄົ້ນພົບໃນປີ 1936 ແລະ ໄດ້ຮັບການບູລະ ນະປະຕິສັງຂອນໃນປີ 1980ເປັນ ຕົ້ນມາ ເຊິ່ງມີເນື້ອທີ່ປະມານ 840 ກວ່າເຮັກຕາ. ນອກຈາກ ຈະເປັນ ສະຖານທີ່ສັກກາລະບູຊາ ແລະ ກາບໄຫ້ວແລ້ວຍັງເປັນສະຖານ ທີ່ທ່ອງທ່ຽວທາງທໍາມະຊາດ ຫຼາຍແຫ່ງຢູ່ພາຍໃນ ບໍລິເວນວັດ ນີ້ເຊັ່ນ: ພະລານຫີນ, ຖໍ້າງູຊວງ (ຫີນທີ່ເປັນຮູບຮ່າງຄືງູ,ມີຫົວ, ມີຫາງ ແລະ ເກັດ, ຍາວເຖິງ 41ແມັດ) ມີນໍ້າຕົກຕາດສູງປະມານ 30 ແມັດ. ສ່ວນເບື້ອງລຸ່ມຂອງ ນໍ້າຕົກຕາດມີຮູບຮ່າງລັກສະນະ ຄືຮອຍຂອງ ພະບາດ ແລະ ດ້ານເທິງ ເປັນຮູບລັກສະນະຄືຫົວຍັກ. ໜ້າສົນໃຈໄປກວ່ານັ້ນ ແມ່ນ ຖໍ້າຄູນເຊິ່ງເປັນຖໍ້າທີ່ສ້າງ ຊື່ສຽງໃຫ້ແກ່ວັດນີ້, ຢູ່ພາຍໃນຖໍ້າມີນໍ້າໃສເຢັນພ້ອມດ້ວຍປາດຸກສັກສິດ 3 ໂຕ, ເມື່ອຊາວພຸດທະສາສະນິກກະຊົນ ຜູ້ເຫຼື້ອມໃສໃຈສັດທາເຂົ້າໄປບູຊາເອົານໍ້າຢູ່ໃນ ຖໍ້ານີ້ມາດື່ມຕາມຄວາມເຊື່ອກໍປາກົດວ່າຫາຍຈາກພະຍາດໂລຄາ ເຊິ່ງນັບແຕ່ ປີ 2011 ເປັນຕົ້ນມາ, ເພິ່ນກໍໄດ້ຈັດງານບຸນພະບາດ ແອວ ຂັນຂຶ້ນ ໃນວັນທີ 8, 9 ແລະ 10 ເດືອນ ທັນວາຂອງທຸກໆປີ, ວັດແຫ່ງນີ້ເປີດບໍລິການໃຫ້ແຂກເຂົ້າໄປທ່ຽວຊົມກາບໄຫວ້ນັບແຕ່ ເວລາ 8:00-17:00 ໂມງ ຂອງທຸກໆວັນ. ຫລັງຈາກນັ້ນກໍເດີນ ທາງກັບມາແວ່ຮ້ານອາຫານ ເຮືອແພຕັ້ງຢູ່ແຄມແມ່ນໍ້າງຶ່ມ ກ້ອງຂົວທ່າງ່ອນ ເຊິ່ງເປັນອີກ ສະຖານທີ່ໜຶ່ງທີ່ມີຄວາມສວຍສົດງົດງາມອັນເປັນເອກະລັກສະເພາະ ເຊິ່ງປະກອບ ມີເຮືອແພ ນ້ອຍ- ໃຫຍ່ຈໍານວນ20 ກວ່າລໍາໄວ້ຄອຍບໍລິການນັກທ່ອງທ່ຽວທີ່ຕ້ອງການຂີ່ເຮືອແພ ລ່ອງຕາມລໍານໍ້າງຶ່ມເພື່ອຊົມ ທິວທັດທໍາມະຊາດທີ່ມີປ່າໄມ້ດົກໜາ ແລະ ຂຽວງາມອຸ່ມທຸ່ມ ພ້ອມທັງໄດ້ສໍາພັດກັບວິຖີຊີວິດຂອງປະຊາ ຊົນທີ່ເລາະລຽບຢູ່ຕາມສອງຝັ່ງແມ່ນໍ້າງຶ່ມ ເຊິ່ງນັກທ່ອງທ່ຽວທຸກຄົນສາມາດຖ່າຍຮູບເກັບພາບໄວ້ເປັນທີ່ລະນຶກ, ພ້ອມທັງໄດ້ຮັບປະທານອາຫານ ແລະ ເຄື່ອງດື່ມທີ່ມີຫຼາຍປະເພດ ເຊິ່ງ ທ່ານຈະໄດ້ລອງຊິມລົດຊາດອັນແຊບ ຊ້ອຍບວກກັບສຽງເພງອັນອອ້ຍອິ່ນອອນຊອນເໝາະແກ່ການພັກຜ່ອນຢ່ອນໃຈເປັນຢ່າງຍິ່ງ ເຊິ່ງເພິ່ນໄດ້ເປີດບໍລິ ການທຸກໆມື້ນັບແຕ່ເວລາ 8:00- 20:00ໂມງ.

- Par 300x189 - ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

- Wave100S AD to Website 2020 0 - ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

ທ່ານໃດໄດ້ໄປ ເມືອງໄຊ ທານີກໍຢ່າລືມໄປພັກຜ່ອນຢ່ອນ ໃຈກັບທິວທັດທໍາມະຊາດຕາກອາກາດທີ່ສົດໃສ ໄດ້ດົມກິ່ນ ຫອມດອກໄມ້ປ່າທີ່ວັດພະບາດແອວຂັນ ແລ້ວກໍພາກັນມາຂີ່ເຮືອ ແພນໍ້າງຶ່ມພ້ອມຊິມລົດຊາດອາ ຫານ ຫຼາຍລາຍການ ທີ່ປຸງແຕ່ງຈາກປາສົດໆພ້ອມດ້ວຍເຄື່ອງ ດື່ມຫຼາກຫຼາຍປະເພດ ແລ້ວ    ທ່ານ ກໍຈະຮູ້ສຶກຊາບຊຶ້ງ ເຖິງໃຈຫາຍຈາກຄວາມອິດເມື່ອຍຢ່າງແນ່ນອນ.

- WhatsApp Image 2020 05 27 at 5 - ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ
- WhatsApp Image 2020 05 27 at 5 - ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ
error: Alert: ເນື້ອຫາຂ່າວມີລິຂະສິດ !!