ຍາມປູກຕົ້ນໄມ້ມາຮອດແລ້ວ

- IMG 3769 - ຍາມປູກຕົ້ນໄມ້ມາຮອດແລ້ວ
- Untitled design - ຍາມປູກຕົ້ນໄມ້ມາຮອດແລ້ວ

ໂດຍ: ທິດກ່ຳ 

ໃນສະໄໝກ່ອນ, ປູ່ຍ່າ- ຕານາຍເຖົ້າແກ່ ແລະ ພໍ່ແມ່ ເຮົາພາເຮັດພາໄປ, ພໍກ້າວ ເຂົ້າຕົ້ນລະດູຝົນ ກໍພາກັນ ຫ້າງຫາກະກຽມຊອກແນວພັນເຂົ້າທີ່ດີ, ສ້ອມແປງຄາດ ແປງໄຖ ແລະ ອຸປະກອນການ ຜະລິດຕ່າງໆ ເພື່ອລົງມືຕົກກ້າ, ໄຖຮຸດນາ ກ້າວໄປເຖິງ ການປັກດໍາເຂົ້ານາປີ. ໜຶ່ງ ໃນກິດຈະກໍາທີ່ຄຽງຄູ່ກັນນີ້ ກໍແມ່ນການປູກເຜືອກ, ປູກ ມັນ, ສັກເຂົ້າໄຮ່, ປູກຕົ້ນໄມ້ ໃຫ້ໝາກ, ຕົ້ນໄມ້ປະດັບຕາມ ວັດວາອາຮາມ, ຕາມເຮືອນ ຊານບ້ານຊ່ອງ ຫລື ບ່ອນທີ່ ສໍາຄັນອັນຈະເປັນມົງຄຸນແກ່ ຊີວິດ. ນອກນັ້ນ, ກໍຍັງໄດ້ປູກ ຕົ້ນໄມ້ແກ່ນ ຫລື ວ່າໄມ້ອຸດສາ ຫະກໍາທີ່ມີຄຸນຄ່າໄວ້ ເພື່ອເຊັ່ນ ລູກເຊັ່ນຫລານ ໄດ້ສືບພໍ່ແທນ ແນວເຊັ່ນ: ໄມ້ດູ່, ໄມ້ແດງ, ຂະຍູງ, ແຕ້ຂ່າ, ໄມ້ແຄນ ແລະ ໄມ້ອື່ນໆເຫລົ່ານີ້ເປັນຕົ້ນ. ການ ໄປຊອກເອົາແນວພັນໄມ້ສະ ໄໝກ່ອນແມ່ນຊອກເອົາຕາມປ່າ ຫລື ບໍ່ກໍປັກຊໍາກ້າເອົາ ເບ້ຍພໍໃຜພໍມັນ, ເພາະຕ່າງຄົນ ຕ່າງປູກຕາມຫົວໄຮ່ປາຍນາ ຫລື ດິນດອນຕອນຫຍ້າ ເດີ່ນ ບ້ານ ແລະ ເຮືອນຊານຂອງ ຕົນເອງ.
ພໍຕົກມາສະໄໝນີ້, ບ້ານ ເມືອງເຮົາມີຄວາມຈະເລີນ ຮຸ່ງເຮືອງ ແລະ ການພັດທະ ນາກ້າວໄປໄກ ຖ້າບໍ່ຕ້ອງການ ເຮັດເອງທໍາເອງ ກໍມີບ່ອນ ບໍລິ ການຈໍາໜ່າຍໃຫ້ບໍ່ອຶດບໍ່ຢາກ, ໃຜຕ້ອງການຊະນິດໃດປະ ເພດໃດ ແມ່ນໄປຊື້ເອົາຢູ່ ບ່ອນ ເຂົາຜະລິດໂດຍກົງຫລື ມີຂາຍ ຕາມທ້ອງຕະຫລາດ ສຸດແລ້ວ ແຕ່ຄວາມຕ້ອງການ, ຖືວ່າມີ ທຸກຊະນິດໄມ້, ທັງໄມ້ອຸດສາ ຫະກໍາ, ໄມ້ປະດັບ ແລະ ປະ ເພດພືດພັນ ທີ່ເປັນປະໂຫຍດ ທາງດ້ານໂພຊະນາການ.
ແນວໃດກໍຕາມ, ຖ້າຈະ ເວົ້າເລື່ອງການປູກໄມ້ ບາງ ຄົນກໍວ່າລໍຖ້າໃຫ້ຮອດວັນທີ 1 ມິນາກ່ອນຈຶ່ງລົງມືປູກ, ເພາະ ວ່າເປັນວັນປູກຕົ້ນໄມ້ແຫ່ງ ຊາດ, ແຕ່ໃນຄວາມເປັນ ຈິງ ແລ້ວພໍເຖິງລະດູນີ້ເຮົາກໍສາ ມາດປູກໄດ້ ເພາະຫລັງຈາກ ເຮົາລົງມືປູກຝົນກໍຈະຕົກລົງມາໂຮຍຮໍາໃຫ້ຄວາມຊຸ່ມຊື່ນ. ຕາມເຮົາວ່າ, ປີນີ້ກໍເຫັນຝົນຕົກ ແຕ່ຫົວປີ, ມີທັງຝົນທັງລົມ ແລະ ມີທັງໝາກເຫັບຕົກ, ຊຶ່ງ ເຂົາເອີ້ນກວມລວມວ່າພາຍຸ ມັນມາແຕ່ຫົວທີ.
ໃນແຜນພັດທະນາເສດ ຖະກິດ-ສັງຄົມ 5 ປີຄັ້ງທີ 8 ຂອງລັດຖະບານ ໄດ້ກໍານົດ ຢ່າງຈະແຈ້ງວ່າ: ແຕ່ນີ້ຮອດປີ 2020 ຕ້ອງປູກໄມ້ໃຫ້ເປັນ ພື້ນທີ່ສີຂຽວກວມ 70% ຂອງ ພື້ນທີ່ທົ່ວປະເທດ, ແຕ່ວ່າຈະ ໄດ້ຕາມຄາດໝາຍ ຫລື ບໍ່ນັ້ນ ມັນກໍຂຶ້ນກັບເຂື່ອນໄຂ ແລະ ສະພາບຄວາມເປັນຈິງ. ຍ້ອນ ວ່າເມື່ອປູກໄປແລ້ວບັນຫາ ການບົວລະບັດຮັກສາໃຫ້ມັນ ເຕີບໃຫຍ່ນັ້ນຂ້ອນຂ້າງຫຍຸ້ງຍາກ, ຕ້ອງອາໃສປັດໄຈ ແລະ ການເວລາມາພິສູດ.
ເວົ້າເຖິງການປູກ ຕົ້ນໄມ້ ໃນໄລຍະ 40 ປີກວ່າຜ່ານ ມານີ້, ເຫັນວ່າພວກເຮົາພາ ກັນເຮັດໃນແຕ່ລະປີ ແລະ ເປັນ ຂະບວນກ້ວາງຂວາງສົມ ຄວນ, ທັງບຸກຄົນ, ນິຕິບຸກຄົນ, ທັງກົມກອງທ້ອງຖິ່ນ. ແຕ່ ເມື່ອມາສົມທຽບໃສ່ຜົນໄດ້ຮັບ ແລ້ວຂ້ອນຂ້າງໜ້ອຍແລະ ບໍ່ທັນໄດ້ເຕັມຮ້ອຍ, ອັນສາ ເຫດກໍຍ້ອນວ່າປູກຢູ່ບ່ອນນີ້ ພັດໄປຕັດຢູ່ອື່ນ, ປູກຕົ້ນນ້ອຍ ພັດສຸມໃສ່ຕັດຕົ້ນໃຫຍ່ ເບິ່ງ ຢ່າງໜຶ່ງຄືຕັດຫລາຍກວ່າປູກ, ຍິ່ງໄປກວ່ານັ້ນປູກໄປແລ້ວ ພັດພາກັນມິດຈີ່ລີ່, ການບົວ ລະບັດຮັກສາບໍ່ໄດ້ມັນກໍສີ້ນ ເປືອງງົບປະມານລ້າໆ, ສົມ ທົບກັບການສ້າງສາພັດທະ ນາບ້ານເມືອງເຮົາພວມກ້າວໄປໄກທັງຂະຫຍາຍຕົວຢ່າງ ໄວວາກ້ວາງຂວາງກໍເລີຍ ເຮັດໃຫ້ປ່າມັນນັບມື້ກຸດ ຫ້ຽນເຂົ້າ.
ເຖິງຢ່າງໃດກໍດີ, ຕາມຜູ້ ຂຽນໄດ້ຕິດຕາມຟັງແຫລ່ງ ຂ່າວຄາວ, ປີນີ້ຄາດວ່າມີ ຫລາຍກົມກອງທ້ອງຖິ່ນ, ນັບ ທັງຂະແໜງການທີ່ກ່ຽວຂ້ອງກໍໄດ້ມີແຜນອັນລະອຽດໃນ ການກະກຽມລົງມືປູກຕົ້ນໄມ້ໃຫ້ໄປຕາມທິດຍືນຍົງຕາມ ແນວທາງຂອງພັກ ແລະ ລັດ ຖະບານວາງອອກ./.

ຈົ່ງສ້າງຂະບວນການປູກຕົ້ນໄມ້ໃຫ້ມີປະສິດທິຜົນ

- Wave100S AD to Website 2020 0 - ຍາມປູກຕົ້ນໄມ້ມາຮອດແລ້ວ

ລັດຖະບານອອກແຈ້ງການສ້າງຂະບວນການປູກຕົ້ນໄມ້ແຫ່ງຊາດ ແລະ ວັນເດັກສາກົນໃຫ້ມີບັນຍາກາດຟົດຟື້ນ

- IMG 3769 - ຍາມປູກຕົ້ນໄມ້ມາຮອດແລ້ວ
(ພາບປະກອບ)
- WhatsApp Image 2020 05 27 at 5 - ຍາມປູກຕົ້ນໄມ້ມາຮອດແລ້ວ
- WhatsApp Image 2020 05 27 at 5 - ຍາມປູກຕົ້ນໄມ້ມາຮອດແລ້ວ
error: Alert: ເນື້ອຫາຂ່າວມີລິຂະສິດ !!