ອະນາໄມໂລກເພີ່ມການປະເມີນ ຄວາມສ່ຽງອີໂບລາລະບາດໃນກົງໂກ

- 1526627417477 960x0 - ອະນາໄມໂລກເພີ່ມການປະເມີນ ຄວາມສ່ຽງອີໂບລາລະບາດໃນກົງໂກ
- Untitled design - ອະນາໄມໂລກເພີ່ມການປະເມີນ ຄວາມສ່ຽງອີໂບລາລະບາດໃນກົງໂກ

ອົງການ​ອະນາ​ໄມ​ໂລກ​ເພີ່ມ​ການ​ປະ​ເມີນ​ຄວາມ​ສ່ຽງ​ຕໍ່​ສາທາລະນະ​ສຸກ​ທົ່ວ​ປະ​ເທດ​ຈາກ​​ໄວຣັສອີ​ໂບລາ​ລະບາດ​ໃນ​ສາທາລະນະ​ລັດ ປະຊາທິປະ​ໄຕ ກົງ​ໂກ ສູ່​ລະດັບ “ສູງ​ຫລາຍ” ຈາກ​ທີ່​ເຄີຍ​ປະ​ເມີນ​ໄວ້​ໃນ​ລະດັບ “ສູງ”.

ນອກຈາກ​ນີ້, ອົງການ​ອະນາ​ໄມ​ໂລກ​ຍັງ​ຍົກ​ລະດັບ​ຄວາມ​ສ່ຽງ​ໃນ​ພາກພື້ນຈາກ​ລະດັບ “ປານ​ກາງ” ຂຶ້ນສູ່​ລະດັບ “ສູງ” ​ແຕ່​ຍັງ​ຮັກສາ​ການ​ປະ​ເມີນ​ຄວາມ​ສ່ຽງ​ທົ່ວ​ໂລກ​ຢູ່​ໃນ​ລະດັບ​ຕໍ່າ. ອົງການ​ອະນາ​ໄມ​ໂລກ​ໄດ້​ຍົກ​ລະດັບ​ຄວາມ​ສ່ຽງ​ເພີ່ມ​ຂຶ້ນ ພາຍຫລັງ​ສະຖານະ​ການ​ໄວຣັສອີ​ໂບລາ​ລະບາດ ​ເຊິ່ງ​ໄດ້​ຮັບ​ລາຍ​ງານຢືນຢັນ​ວ່າ​ມີ​ການລະບາດ​ໃນ​ເມືອງ​ບັນດາ​ຄາ ​ໂດຍ​ມີ​ຖະ​ແຫລ​ງການ​ວ່າ​ເປັນ​ການລະບາດ​ໃນ​ເມືອງ​ທີ່​ໃຫຍ່​ຂຶ້ນ ​ເຊິ່ງຕັ້ງຢູ່​ທາງ​ແມ່ນ້ຳສາຍ​ຫລັກ ​ແລະ ລະຫວ່າງ​ປະ​ເທດ​ທັງ​ແມ່ນ້ຳ, ຖະໜົນ ​ແລະ ການ​ສັນຈອນ​ທາງ​ອາກາດ​ໃນ​ປະ​ເທດ.

ກະຊວງ​ສາທາລະນະ​ສຸກ​ຂອງ​ສາທາລະນະ​ລັດ ປະຊາທິປະ​ໄຕ ກົງ​ໂກ ອອກ​ຖະ​ແຫລ​ງການ​ໃນ​ວັນ​ທີ 17 ພຶດສະພາ ​ເລື່ອງ​ການ​ພົບ​ຜູ້​ຕິດ​ເຊື້ອ​ໄວຣັສອີ​ໂບລາ​ໃນ​ປະ​ເທດ​ອີກ 11 ຄົນ ​ແລະ ຢືນຢັນ​ຜູ້​ເສຍ​ຊີວິດ​ລາຍ​ໃໝ່ 2 ຄົນ ​ໃນ​ພາກພື້ນທາງ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ ລວມທັງ​ເມືອງ​ບັນດາ​ຄາ​ໃນ​ພາກພື້ນອີ​ເກ​ວ​ເຕີ ​ເຊິ່ງ​ເປັນ​ເມືອງ​ທາງ​ການ​ຄົມມະນາຄົມ​ທີ່​ສຳຄັນ ​ແລະ ຢູ່​ບໍ່​ໄກ​ຈາກ​ນະຄອນຫລວງ​ກິນ​ຊາ​ຊາ.

- WhatsApp Image 2020 05 27 at 5 - ອະນາໄມໂລກເພີ່ມການປະເມີນ ຄວາມສ່ຽງອີໂບລາລະບາດໃນກົງໂກ
- WhatsApp Image 2020 05 27 at 5 - ອະນາໄມໂລກເພີ່ມການປະເມີນ ຄວາມສ່ຽງອີໂບລາລະບາດໃນກົງໂກ
error: Alert: ເນື້ອຫາຂ່າວມີລິຂະສິດ !!