ຕຳຫລວດມາເລເຊຍຍຶດສິນຄ້າຫລູ- ເງິນຕ່າງປະເທດຈາກເຮືອນ ອະດີດນາຍົກລັດຖະມົນຕີ

- 1d3d19f51cdc42d784b9a2aa9eda7cac 18 - ຕຳຫລວດມາເລເຊຍຍຶດສິນຄ້າຫລູ- ເງິນຕ່າງປະເທດຈາກເຮືອນ ອະດີດນາຍົກລັດຖະມົນຕີ
- Untitled design - ຕຳຫລວດມາເລເຊຍຍຶດສິນຄ້າຫລູ- ເງິນຕ່າງປະເທດຈາກເຮືອນ ອະດີດນາຍົກລັດຖະມົນຕີ

ສື່​ມວນ​ຊົນ​ຂອງ​ມາ​ເລ​ເຊຍ​ລາຍ​ງານ​ໃນ​ວັນ​ທີ 18 ພຶດສະພາ​ວ່າ: ​ເຈົ້າໜ້າ​ທີ່​ຕຳຫລວດ​ມາ​ເລ​ເຊຍ​ຍຶດກະ​ເປົາ​ຫລູ​ໄດ້​ເປັນ​ຈຳນວນ​ຫລາຍ ​ແລະ ມີ​ຫລາຍ​ໜ່ວຍ​ເຕັມ​ແຕ່​ເງິນ ​ແລະ ​ເຄື່ອງ​ປະດັບ​​ເພັດ​ພອຍ ​ໃນ​ລະຫວ່າງ​ການ​ກວດຄົ້ນ​ເຮືອນ ​ແລະ ສຳນັກງານ​ຂອງ​ທ່ານ ນາ​ຈິບ ຣາຊັກ ອະດີດ​ນາຍົກລັດຖະມົນຕີມາ​ເລ​ເຊຍ.

- c1 1468062 620x413 - ຕຳຫລວດມາເລເຊຍຍຶດສິນຄ້າຫລູ- ເງິນຕ່າງປະເທດຈາກເຮືອນ ອະດີດນາຍົກລັດຖະມົນຕີ

ທ່ານ ອຳມາ ສິງ ຫົວໜ້າ​ໜ່ວຍ​ສອບ​ສວນ​ອາ​ຊະ​ຍາ​ກຳ​ທາງ​ທຸລະ​ກິດ​ຂອງ​ມາ​ເລ​ເຊຍ ​ເປີດ​ເຜີຍ​ໃນ​ເຊົ້າວັນ​ທີ 18 ພຶດສະພາ ຢູ່​ສະຖານ​ທີ່​ທີ່​ຕຳຫລວດ​ບຸກ​ເຂົ້າກວດຄົ້ນ​ແຫ່ງ​ໜຶ່ງ​ໃນ​ຈຳນວນ​ຫລາຍ​ແຫ່ງ​ວ່າ: ປັດຈຸບັນ​ນີ້​ຍັງ​ບໍ່​ສາມາດ​ລະບຸ​ມູນ​ຄ່າ​ສິ່ງ​ຂອງ​ທີ່​ຍຶດມາ​ໄດ້ ​ເນື່ອງ​ຈາກ​ມີ​ຈຳນວນ​ຫລາຍ. ທ່ານ​ກ່າວ​ວ່າ: ການກວດ​ສອບ​ເບື້ອງຕົ້ນ​ໃນ​ກະ​ເປົາ​ເຫລົ່າ​ນີ້ ພົບ​ເງິນສົດ​ສະກຸນ​ຕ່າງໆ ທັງ​ເງິນຣິງກິດຂອງ​ມາ​ເລ​ເຊຍ, ​ເງິນ​ໂດ​ລາສະຫະລັດ, ​ໂມງ ​ແລະ ​ເຄື່ອງ​ປະດັບ​ເພັດ​ພອຍ​ຢູ່​ໃນ​ກະ​ເປົາ 72 ໜ່ວຍ. ລາຍ​ງານ​ລະບຸ​ວ່າ: ​ເຈົ້າໜ້າ​ທີ່​ພົບ​ສິ່ງ​ຂອງ​ເຫລົ່າ​ນີ້​ໃນ​ລະຫວ່າງ​ການ​ກວດຄົ້ນອາພາດ​ເມັນ​ຫລູຫລາຍ​ແຫ່ງ​ໃນ​ນະຄອນຫລວງ​ກົວ​ລາ​ລຳ​ເປີ. ​ເຈົ້າໜ້າ​ທີ່​ຕຳຫລວດ​ໄດ້​ເລີ່​ມການ​ກວດຄົ້ນ​ເຮືອນ​ຂອງ​ທ່ານ ນາ​ຈິບ ​ແລະ ສະຖານ​ທີ່​ອື່ນໆ ທີ່​ກ່ຽວຂ້ອງ​ແຕ່​ຄືນ​ວັນ​ທີ 16 ພຶດສະພາ. ຂະນະ​ທີ່​ລັດຖະບານ​ໃໝ່ ນຳ​ໂດຍ​ນາຍົກລັດຖະມົນຕີ ມະຫາ​ເທ ​ໂມ​ຮຳ​ໝັດ ອາຍຸ 92 ປີ ​ເດີນ​ໜ້າ​ຕາມ​ຄຳ​ໝັ້ນ​ໃນ​ລະຫວ່າງ​ຫາ​ສຽງ​ເລືອກ​ຕັ້ງຜ່ານ​ມາ​ວ່າ: ຈະ​ນຳ​ເອົາ​ທ່ານ ນາ​ຈິບ ​ເຂົ້າສູ່​ຂະ​ບວນການ​ຍຸຕິ​ທຳ. ກ່ອນ​ໜ້າ​ນີ້ ທ່ານ ນາ​ຈິບ ອາຍຸ 64 ປີ ຫາ​ກໍ​ຖືກ​ສັ່ງ​ຫ້າມ​ເດີນທາງ​ອອກ​ນອກ​ປະ​ເທດ ພາຍຫລັງ​ທ່ານ​ນຳພາ​ພັກ​ຮ່ວມ​ລັດຖະບານ​ເສຍ​ໄຊ​ການ​ເລືອກ​ຕັ້ງ ທ່າມກາງ​ກະ​ແສ​ຂໍ້​ກ່າວ​ຫາ​ທີ່​ວ່າ​ທ່ານ​ສໍ້​ໂກງ​ເງິນ​ຈາກ​ກອງ​ທຶນ​ພັດທະນາ​ເສດຖະກິດ​ແຫ່ງ​ຊາດ​ມາ​ເລ​ເຊຍ ຫລື 1MDB ທີ່ທ່ານ​ເປັນ​ຜູ້​ຈັດຕັ້ງຂຶ້ນ.

- WhatsApp Image 2020 05 27 at 5 - ຕຳຫລວດມາເລເຊຍຍຶດສິນຄ້າຫລູ- ເງິນຕ່າງປະເທດຈາກເຮືອນ ອະດີດນາຍົກລັດຖະມົນຕີ
- WhatsApp Image 2020 05 27 at 5 - ຕຳຫລວດມາເລເຊຍຍຶດສິນຄ້າຫລູ- ເງິນຕ່າງປະເທດຈາກເຮືອນ ອະດີດນາຍົກລັດຖະມົນຕີ
error: Alert: ເນື້ອຫາຂ່າວມີລິຂະສິດ !!