ອາຊີອາດຕ້ອງຈ່າຍຄ່ານ້ຳມັນດິບ ປີນີ້ສູງເຖິງ 1 ຕື້ໂດລາ

- 1526546438712 960x0 - ອາຊີອາດຕ້ອງຈ່າຍຄ່ານ້ຳມັນດິບ ປີນີ້ສູງເຖິງ 1 ຕື້ໂດລາ
- AGL banner - ອາຊີອາດຕ້ອງຈ່າຍຄ່ານ້ຳມັນດິບ ປີນີ້ສູງເຖິງ 1 ຕື້ໂດລາ

ນັກວິ​ເຄາະ​ຊີ້​ວ່າ: ລາຄາ​ນ້ຳມັນ​ດິບ​ທີ່​ໃກ້​ບັນລຸ​ບາ​ເຣນລະ 80 ​ໂດ​ລາ​ສະຫະລັດ ອາດ​ເຮັດ​ໃຫ້​ອາຊີ​ທີ່​ມີ​ຄວາມ​ຕ້ອງການ​ໃຊ້​ນ້ຳມັນ​ຫລາຍ​ເປັນ​ປະຫວັດສາດ​ຕ້ອງ​ຈ່າຍ​ຄ່າ​ນຳ​ເຂົ້ານ້ຳມັນ​ດິບ​ໃນ​ປີ​ນີ້​ສູງ​ເຖິງ 1 ຕື້​ໂດ​ລາ​ສະຫະລັດ ຫລື ສອງ​ເທົ່າ​ຂອງ​ໄລຍະ​ຕະຫລາດນ້ຳມັນ​ຊຸດ​ໂຊມ​ໃນ​ປີ 2015/2016.

ລາຄາ​ນ້ຳມັນ​ດິບ​ປັດຈຸບັນ​ປັບ​ຂຶ້ນ​ແລ້ວ 1 ​ໃນ 5 ຈາກ​ເດືອນ​ມັງກອນ ສູງ​ສຸດ​ນັບ​ແຕ່​ເດືອນ​ພະຈິກ 2014 ບວກ​ກັບ​ເງິນ​ໂດ​ລາ​ສະຫະລັດ​ທີ່​ໃຊ້​ເປັນ​ສະກຸນ​ເງິນ​ຊື້ຂາຍ​ນ້ຳມັນ​ແຂງ​ຄ່າ​ຂຶ້ນ ​ເຮັດ​ໃຫ້​ເກີດ​ຄວາມ​ກັງວົນ​ວ່າ​ເສດຖະກິດ​ຕ່າງໆ​ຈະ​ໄດ້​ຮັບ​ຜົນ​ກະທົບ ​ໂດຍ​ສະ​ເພາະ​ອາຊີ​ທີ່​ອາ​ໄສ​ນ້ຳມັນ​ນຳ​ເຂົ້າ. ລາຄາ​ນ້ຳມັນ​ທີ່​ແພງ​ຂຶ້ນຈະ​ເຮັດ​ໃຫ້​ອັດຕາ​ເງິນ​ເຟີ້​ເພີ່ມ​ຂຶ້ນ ສົ່ງ​ຜົນ​ເສຍ​ທັງ​ຕໍ່​ຜູ້​ຊົມ​ໃຊ້ ​ແລະ ພາກ​ທຸລະ​ກິດ. ນັກ​ເສດຖະສາດ​ເຕືອນ​ວ່າ: ​ເຖິງ​ເວລາ​ທີ່​ອາຊີ​ຕ້ອງ​ພິຈາລະນາ​ເລື່ອງ​ຫລຸດ​ການ​ອາ​ໄສ​ນ້ຳມັນ​ນຳ​ເຂົ້າ ​ແລະ ​ເພີ່ມ​ປະສິດທິພາບ​ດ້ານ​ພະລັງງານ​ຂອງ​ຕົນ​ເອງ​ຢ່າງ​ຈິງ​ຈັງ ​ເພື່ອ​ບໍ່​ໃຫ້​ເສດຖະກິດ​ຖືກ​ກະທົບ​ໜັກ​ຈາກ​ລາຄາ​ນ້ຳມັນ​ປັບ​ຂຶ້ນກະທັນຫັນ.

- Wave100S AD to Website 2020 0 - ອາຊີອາດຕ້ອງຈ່າຍຄ່ານ້ຳມັນດິບ ປີນີ້ສູງເຖິງ 1 ຕື້ໂດລາ

ທົ່ວ​ໂລກ​ໃຊ້​ນ້ຳມັນ​ວັນ​ລະ 100 ລ້ານ​ບາ​ເຣນ ​ໃນ​ຈຳນວນ​ນີ້ຫລາຍ​ກວ່າ 35% ​ເປັນ​ການ​ຊົມ​ໃຊ້​ຂອງ​ອາຊີ ​ເຊິ່ງ​ເປັນ​ພາກພື້ນທີ່​ຜະລິດ​ນ້ຳມັນ​ໄດ້​ໜ້ອຍ​ທີ່​ສຸດ​ໃນ​ໂລກ ​ໂດຍ​ຜະລິດ​ໄດ້​ບໍ່​ຮອດ 10%. ປັດຈຸບັນ ຈີນ​ເປັນ​ຜູ້ນຳ​ເຂົ້ານ້ຳມັນ​ດິບ​ຫລາຍ​ທີ່​ສຸດ​ຂອງ​ອາຊີ ​ແລະ ຂອງ​ໂລກ ສະ​ເລ່ຍວັນ​ລະ 9,6 ລ້ານ​ບາ​ເຣນ ​ໃນ​ເດືອນ​ກ່ອນ ຄິດ​ເປັນ 1 ​ໃນ 10 ຂອງ​ການ​ຊົມ​ໃຊ້​ທົ່ວ​ໂລກ. ລາຄາ​ນ້ຳມັນ​ປັດຈຸບັນ​ເຮັດ​ໃຫ້​ຈີນ​ຕ້ອງ​ຈ່າຍ​ຄ່າ​ນຳ​ເຂົ້ານ້ຳມັນ​ວັນ​ລະ 768 ລ້ານ​ໂດ​ລາ​ສະຫະລັດ. ຂະນະ​ທີ່​ປະ​ເທດ​ລາຍ​ຮັບ​ໜ້ອຍ​ແຕ່​ຕ້ອງ​ອາ​ໄສ​ນ້ຳມັນ ຄື​ອິນ​ເດຍ ​ແລະ ຫວຽດນາມ ຈະ​ຍິ່ງ​ເດືອດຮ້ອນ​ໜັກ ​ເພາະ​ເສດຖະກິດ​ບໍ່​ສາມາດ​ດຸ່ນດ່ຽງ​ລາຄາ​ນ້ຳມັນ​ທີ່​ປັບ​ຂຶ້ນກະທັນຫັນ​ໄດ້, ຄົນ​ໃນ​ປະ​ເທດ​ທຸກ​ຍາກ​ຕ້ອງ​ຈ່າຍ​ຄ່າ​ນ້ຳມັນ​ເຖິງ 8-9% ຂອງ​ລາຍ​ຮັບ​ສະ​ເລ່ຍຕໍ່​ເດືອນ ທຽບ​ໃສ່​ຄົນ​ໃນ​ປະ​ເທດ​ຮັ່ງມີ​ທີ່​ເສຍ​ຄ່າ​ນ້ຳມັນ​ພຽງ 1-2% ຂອງ​ລາຍ​ຮັບ​ສະ​ເລ່ຍຕໍ່​ເດືອນ.

-    AD conten website - ອາຊີອາດຕ້ອງຈ່າຍຄ່ານ້ຳມັນດິບ ປີນີ້ສູງເຖິງ 1 ຕື້ໂດລາ
- lattana banner 1 - ອາຊີອາດຕ້ອງຈ່າຍຄ່ານ້ຳມັນດິບ ປີນີ້ສູງເຖິງ 1 ຕື້ໂດລາ
- lattana banner - ອາຊີອາດຕ້ອງຈ່າຍຄ່ານ້ຳມັນດິບ ປີນີ້ສູງເຖິງ 1 ຕື້ໂດລາ
error: Alert: ເນື້ອຫາຂ່າວມີລິຂະສິດ !!