ຮອງ​ລັດຖະມົນຕີ​ກະສິກຳ ​ແລະ ປ່າ​ໄມ້​ລົງ​ຊີ້ນຳ​ການ​ກຳຈັດຕັກ​ແຕນ​ຝູງ​ໄມ້ປ່ອງ​ຢູ່​ແຂວງຫົວພັນ

- insect 1 - ຮອງ​ລັດຖະມົນຕີ​ກະສິກຳ ​ແລະ ປ່າ​ໄມ້​ລົງ​ຊີ້ນຳ​ການ​ກຳຈັດຕັກ​ແຕນ​ຝູງ​ໄມ້ປ່ອງ​ຢູ່​ແຂວງຫົວພັນ
- Untitled design - ຮອງ​ລັດຖະມົນຕີ​ກະສິກຳ ​ແລະ ປ່າ​ໄມ້​ລົງ​ຊີ້ນຳ​ການ​ກຳຈັດຕັກ​ແຕນ​ຝູງ​ໄມ້ປ່ອງ​ຢູ່​ແຂວງຫົວພັນ

ໃນທ້າຍອາທິດຜ່ານມາ, ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ລົງຊຸກຍູ້ ການກໍາຈັດຕັກແຕນຝຸງໄມ້ປ່ອງ ຢູ່ເມືອງຮ້ຽມ, ແຂວງຫົວພັນ ​ໂດຍ​ການຕ້ອນຮັບຂອງ ທ່ານ ລາຄອນ ວົງລາສີ ຮອງເຈົ້າເມືອງ-ເມືອງຮ້ຽມ.

ຫົວໜ້າຫ້ອງການກະສິກໍາ ແລະປ່າໄມ້ ເມືອງຮ້ຽມ ໄດ້ລາຍງານສະພາບດັ່ງກ່າວວ່າ: ຜ່ານການສໍາຫຼວດຕົວຈິງພົບ​ວ່າທົ່ວເມືອງ ມີຈຸດວາງໄຂ່ຂອງຕັກແຕນ 30 ຈຸດ, ​ໃນເນື້ອທີ່ 85,2 ເຮັກຕາ ໃນ 9 ບ້ານ, ​ແລະ ໄດ້ລົງຊຸກຍູ້ປຸກລະດົມ ແລະ ນໍາພາປະຊາຊົນຢູ່ແຕ່ລະບ້ານ ຊອກຂຸດໄຂ່ຕັກແຕນ ໄດ້ຈໍານວນ 51 ກິໂລ ພ້ອມທັງເກັບຊື້ນໍາປະຊາຊົນໃນລາຄາ 1 ກິໂລ/50.000 ກີບ. ປັດຈຸບັນ, ພື້ນທີ່ມີການເບາະເປັນຕົວອ່ອນແລ້ວພົບເຫັນ 6 ຈຸດ, ເນື້ອທີ່ລະບາດປະມານ 85 ເຮັກຕາ ຊື່ງເປັນເຂດປ່າໄມ້ປ່ອງ ແລະ ໄດ້ລົງສີດຢາ 2 ຈຸດ ມີເນື້ອທີ່ 15,5 ເຮັກຕາ, ເຫຼືອອີກ 4 ຈຸດ ຈະສືບຕໍ່ສີດໃນຕໍ່ໜ້າ. ດ້ານຂໍ້ຫຍຸ້ງຍາກໃນການປາບຕັກແຕນຝຸງໄມ້ປ່ອງນີ້ ແມ່ນງົບປະມານຍັງບໍ່ທັນພຽງພໍຕາມແຜນການ ແລະ ຂາດພາຫະນະຮັບໃຊ້. ໃນທີ່ປະຊຸມ ໄດ້ມີການແລກປ່ຽນຄໍາຄິດຄໍາເຫັນ, ຖອດກອນບົດຮຽນ ແລະຮັບຟັງຄໍາສະເໜີຂອງວິຊາການກ່ຽວຂ້ອງອື່ນໆ.

ໃນຕອນທ້າຍ ທ່ານ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ໃຫ້ທິດຊີ້ນໍາໃຫ້ພະແນກກະສິກໍາ ແລະປ່າໄມ້ ແຂວງ ຕ້ອງໄດ້ເອົາໃຈໃສ່ລົງຕິດຕາມຢ່າງໃກ້ຊິດ ເພື່ອເກັບກໍາຂໍ້ມູນພື້ນທີ່ທີ່ມີການລະບາດຢ່າງລະອຽດ ພ້ອມທັງຫາວິທີກໍາຈັດຊ່ວຍປະຊາຊົນໃນເຂດທີ່ມີການລະບາດນັ້ນ, ພ້ອມ​ໄດ້ ສະເໜີໃຫ້ມີການຈັດກອງປະຊຸມແລກປ່ຽນບົດຮຽນລະຫວ່າງເມືອງຕໍ່ເມືອງ ເພື່ອຫາວິທີກໍາຈັດຮ່ວມກັນ ຕິດພັນກັບການໂຄສະນາໃຫ້ປະຊາຊົນໃນເຂດບ້ານດັ່ງກ່າວເປັນເຈົ້າການຮ່ວມກັນກຳຈັດ​ສັດຕູ​ພຶດດັ່ງກ່າວ​ໃຫ້​ແຂງ​ແຮງ​ກ່ວາ​ເກົ່າ.

- Wave100S AD to Website 2020 0 - ຮອງ​ລັດຖະມົນຕີ​ກະສິກຳ ​ແລະ ປ່າ​ໄມ້​ລົງ​ຊີ້ນຳ​ການ​ກຳຈັດຕັກ​ແຕນ​ຝູງ​ໄມ້ປ່ອງ​ຢູ່​ແຂວງຫົວພັນ
- WhatsApp Image 2020 05 27 at 5 - ຮອງ​ລັດຖະມົນຕີ​ກະສິກຳ ​ແລະ ປ່າ​ໄມ້​ລົງ​ຊີ້ນຳ​ການ​ກຳຈັດຕັກ​ແຕນ​ຝູງ​ໄມ້ປ່ອງ​ຢູ່​ແຂວງຫົວພັນ
- WhatsApp Image 2020 05 27 at 5 - ຮອງ​ລັດຖະມົນຕີ​ກະສິກຳ ​ແລະ ປ່າ​ໄມ້​ລົງ​ຊີ້ນຳ​ການ​ກຳຈັດຕັກ​ແຕນ​ຝູງ​ໄມ້ປ່ອງ​ຢູ່​ແຂວງຫົວພັນ
error: Alert: ເນື້ອຫາຂ່າວມີລິຂະສິດ !!