ສະຫວັນ​ນະ​ເຂດ​ລົງ​ວິ​ໄນ​ພະນັກງານລັດຈໍານວນ​ 6 ຄົນ​ຂໍ້​ຫາ​ອຳນວຍ​ຄວາມ​ສະດວກເຄື່ອນ​ຍ້າຍໄມ້​ອອກນອກ​ປະ​ເທດ​ໂດຍ​ບໍ່ຖືກຕ້ອງ

- 28378111 1829414304026642 2691018196785165502 n - ສະຫວັນ​ນະ​ເຂດ​ລົງ​ວິ​ໄນ​ພະນັກງານລັດຈໍານວນ​ 6 ຄົນ​ຂໍ້​ຫາ​ອຳນວຍ​ຄວາມ​ສະດວກເຄື່ອນ​ຍ້າຍໄມ້​ອອກນອກ​ປະ​ເທດ​ໂດຍ​ບໍ່ຖືກຕ້ອງ
- Untitled design - ສະຫວັນ​ນະ​ເຂດ​ລົງ​ວິ​ໄນ​ພະນັກງານລັດຈໍານວນ​ 6 ຄົນ​ຂໍ້​ຫາ​ອຳນວຍ​ຄວາມ​ສະດວກເຄື່ອນ​ຍ້າຍໄມ້​ອອກນອກ​ປະ​ເທດ​ໂດຍ​ບໍ່ຖືກຕ້ອງ

ຫົວໜ້າພະ​ແນ​ກກວດກາ​ລັດ ​ແຂວງສະຫວັນ​ນະ​ເຂດ ​ໃຫ້​ຮູ້​ວ່າ: ​​ໄລຍະ 2 ປີມານີ້, ​ໄດ້​ພົບ​ເຫັນ​ການລະ​ເມີດ​ລະບຽບກ່ຽວກັບ​ການ​ຄຸ້ມ​ຄອງ​, ເຄື່ອນ​ຍ້າຍ​ໄມ້ ​ແລະ ທຸລະ​ກິດ​ໄມ້​ຈຳນວນ​ຫລາຍ​ກໍລະນີ, ​ໃນ​ນີ້ ​ໄດ້​ດຳ​ເນີນ​ຄະດີ​ຜູ້​ກະທຳ​ຜິດ​ດັ່ງກ່າວ ​ຊຶ່ງ​ເປັນພະນັກງານ​ລັດ 6 ຄົນທີ່​ມີ​ສ່ວນ​ຮູ້​ເຫັນ​ໃນ​ການ​ເຄື່ອນ​ຍ້າຍ​ໄມ້​ອອກ​ນອກ​ປະ​ເທດຫລາຍ​ກວ່າ 16 ​ແມັດ​ກ້ອນ, ​ໂດຍການ​​ປອມ​ແປງ​ເອກະສານ ​ໃຫ້​ນັກທຸລະກິດ​ນຳເອົາ​ຜະລິດ​ຕະພັນ​ໄມ້​ຂຶ້ນລົດ​ໄປ​ວາງສະ​ແດງ​ຢູ່ນະຄອນ​ດານັງ ສສ ຫວຽດນາມ ​ແລະ ​ໄດ້​ປະຕິບັດ​ວິ​ໄນ​ຕາມ​ມາດຕາ 73 ຂັ້ນ 3 ຂອງ​ກົດ​ໝາຍພະນັກງານ-ລັດຖະກອນ ​ໃນ​ນັ້ນ, ປະກອບ​ມີ​ພະນັກງານພະ​ແນ​ກອຸດສາຫະກຳ ​ແລະ ການ​ຄ້າ​ແຂວງ 3 ຄົນ, ພະນັກງານ​ຊັບ​ສິນ​ລັດ​ 2 ຄົນ ​ແລະ ພະ​ແນ​ກກະສິກຳ ​ແລະ ປ່າ​ໄມ້​ແຂວງ 1 ຄົນ.

ພະ​ແນ​ກດັ່ງກ່າວ ​ໃຫ້​ຮູ້ອີກ​ວ່າ: ​ໃນ​ໄລຍະ​ຜ່ານ​ມາ, ລັດຖະບານ​ໄດ້​ເຂັ້ມ​ງວດ​ຈັດ​ຕັ້ງປະຕິບັດ​ຄຳ​ສັ່ງ​ເລກທີ 15/ນຍ ​ແຕ່​ມີ​ຜູ້​ສວຍ​ໃຊ້​ໂອກາດ​ເຄື່ອນ​ຍ້າຍ​ໄມ້​ອອກ​ນອກ​ປະ​ເທດ​ໂດ​ຍບໍ່​ໄດ້​ຮັບ​ອະນຸຍາດ ​ແລະ ຜ່ານ​ມາ​ແຂວງກໍ​ໄດ້​ດຳ​ເນີນ​ການ​ກວດກາ ​ແລະ ນຳ​ເອົາ​ຜູ້ກະທຳ​ຜິດ 210 ຄົນມາ​ດຳ​ເນີນ​ຄະດີ, ພ້ອມສາມາດ​ຢຶດ​ໄມ້​ໄດ້ 3 ພັນ​ກວ່າ​ແມັດ​ກ້ອນ ​ແລະ 45 ພັນ​ກິ​ໂລ,​ ເປັນ​ເງີ​ນ 3,29 ຕື້ກີບ ​ແລະ ອີກ​ຈຳນວນໜຶ່ງຍັງ​ສືບຕໍ່ດຳ​ເນີນ​ຄະດີ​ຕາມ​ລະບຽບກົດໝາຍ.

ເຈົ້າໜ້າທີ່​ກອງ​ກວດກາ​ປ່າ​ໄມ້​ແຂວງສະຫວັນ​ນະ​ເຂດ ລາຍ​ງານໃຫ້​ຮູ້​ວ່າ: ​ໃນ​ປີຜ່ານມາ, ​ໄດ້​ກວດ​ພົບ​ເຫັນ​ການລະ​ເມີດ​​​ເຄື່ອນ​ຍ້າຍ​ໄມ້ ​ແລະ ​ລ່າ​ສັດ​ນ້ຳ-ສັດປ່າ 279 ກໍລະນີ, ມີ​ຜູ້​ກະທຳ​ຜິດ 204 ຄົນ, ​ໃນ​ຂະນະ​ດຽວກັນ, ​ເຈົ້າໜ້າທີ່​ຍັງ​ສາມາດ​ຍຶດ​ໄມ້ ​ແລະ ຜະລິດ​ຕະພັນ​ໄມ້​ໄດ້​ຫລາຍກວ່າ 3 ພັນ​ແມັດ​ກ້ອນ ​ແລະ ​ເຄື່ອງ​ປ່າ​ຂອງ​ດົງ​ປະ​ເພດ​ຕ່າງໆ 1 ​ແສນ​ກວ່າ​ໂຕນ.

​  ເຈົ້າໜ້າທີ່​ດ່ານ​ສາກົນ​ສະຫວັນ-ລາວ​ບາ​ວ ​ໃຫ້​ຮູ້​ວ່າ: ​ໃນ​ປີຜ່ານມາ, ສາມາດ​ກວດ​ຍຶດ​ໄມ້ບໍ່ມີ​ເອກະສານ 43,85 ​ແມັດ​ກ້ອນ ​ແລະ ​ແກ້​ໄຂ​ຄະດີ​ໄດ້ 29 ​ເລື່ອງ, ສ່ວນ​ໃຫຍ່​ແມ່ນ​ການ​ຊຸກ​ເຊື່ອງ​ໄມ້​ໃນ​ລົດ​ໂດຍສານ ​ແລະ ລົດ​ຂົນ​ສົ່ງ​ຫີນ​ກາວ.

- Wave100S AD to Website 2020 0 - ສະຫວັນ​ນະ​ເຂດ​ລົງ​ວິ​ໄນ​ພະນັກງານລັດຈໍານວນ​ 6 ຄົນ​ຂໍ້​ຫາ​ອຳນວຍ​ຄວາມ​ສະດວກເຄື່ອນ​ຍ້າຍໄມ້​ອອກນອກ​ປະ​ເທດ​ໂດຍ​ບໍ່ຖືກຕ້ອງ
- WhatsApp Image 2020 05 27 at 5 - ສະຫວັນ​ນະ​ເຂດ​ລົງ​ວິ​ໄນ​ພະນັກງານລັດຈໍານວນ​ 6 ຄົນ​ຂໍ້​ຫາ​ອຳນວຍ​ຄວາມ​ສະດວກເຄື່ອນ​ຍ້າຍໄມ້​ອອກນອກ​ປະ​ເທດ​ໂດຍ​ບໍ່ຖືກຕ້ອງ
- WhatsApp Image 2020 05 27 at 5 - ສະຫວັນ​ນະ​ເຂດ​ລົງ​ວິ​ໄນ​ພະນັກງານລັດຈໍານວນ​ 6 ຄົນ​ຂໍ້​ຫາ​ອຳນວຍ​ຄວາມ​ສະດວກເຄື່ອນ​ຍ້າຍໄມ້​ອອກນອກ​ປະ​ເທດ​ໂດຍ​ບໍ່ຖືກຕ້ອງ
error: Alert: ເນື້ອຫາຂ່າວມີລິຂະສິດ !!