ຫົວພັນຍັງ​ບໍ່ສາມາດ​ສະກັດ​ກັ້ນ​ການລະບາດ​ຂອງ​ພະຍາດ​ປາກ​ເປື່ອຍ​ລົງ​ເລັບ​ຂອງ​ສັດລ້ຽງ ​ແລະ ມີ​ສັດ​ຕາຍ​ແລ້ວ​ກວ່າ 1 ພັນ​ໂຕ

- suck drop - ຫົວພັນຍັງ​ບໍ່ສາມາດ​ສະກັດ​ກັ້ນ​ການລະບາດ​ຂອງ​ພະຍາດ​ປາກ​ເປື່ອຍ​ລົງ​ເລັບ​ຂອງ​ສັດລ້ຽງ ​ແລະ ມີ​ສັດ​ຕາຍ​ແລ້ວ​ກວ່າ 1 ພັນ​ໂຕ
- AGL banner - ຫົວພັນຍັງ​ບໍ່ສາມາດ​ສະກັດ​ກັ້ນ​ການລະບາດ​ຂອງ​ພະຍາດ​ປາກ​ເປື່ອຍ​ລົງ​ເລັບ​ຂອງ​ສັດລ້ຽງ ​ແລະ ມີ​ສັດ​ຕາຍ​ແລ້ວ​ກວ່າ 1 ພັນ​ໂຕ

ພະ​ແນ​ກກະສິກຳ ​ແລະ ປ່າ​ໄມ້​ແຂວງຫົວພັນ ​ໃຫ້​ຮູ້​ວ່າ: ນັບ​ແຕ່​ເດືອນ​ມັງກອນ​ເປັນ​ຕົ້ນ​ມາ, ​ໄດ້​ມີ​ການລະບາດ​ຂອງພະຍາດ​ປາກ​ເປື່ອຍ​ລົງ​ເລັບ​​ສັດລ້ຽງຂອງ​ປະຊາຊົນ​​ເປັນ​ບໍລິ​ເວນ​ກ້ວາງ, ມີ​ສັດ​ຕິດ​ເຊື້ອ ​ແລະ ຕາຍ​ແລ້ວ​ຫລາຍ​ກວ່າ 1.000 ​ໂຕ ​ແລະ ມາ​ຮອດ​ປັດຈຸບັນ ​ພະຍາດ​ດັ່ງກ່າວ​ໄດ້​ແຜ່​ລາມ​ກວມ​ເອົາ 13 ກຸ່ມ​ບ້ານ ​ແລະ 84 ບ້ານໃນ 3 ​ເມືອງ​ຄື: ​ເມືອງສົບ​ເບົາ, ​ວຽງ​ໄຊ ​ແລະ ຊຳ​ໃຕ້, ຂະນະ​ດຽວກັນ​, ການລະບາດຍັງ​ໄດ້​ແຜ່​ລາມ​ຢ່າງ​ໄວວາມາສູ່​ເມືອງ​ຊຳ​ເຫນືອ ​ເຮັດ​ໃຫ້​ມີ​ສັດລ້ຽງງົວ 6.000 ​ໂຕ, ໝູ 2 ພັນ​ກວ່າໂຕ ​ແລະ ​ແບ້ ​ອີກ​ຈຳນວນໜຶ່ງ.

ຫ້ອງການ​ກະສິກຳ ​ແລະ ປ່າ​ໄມ້​ເມືອງຊຳ​ເຫນືອ ​ໃຫ້​ຮູ້​ວ່າ: ນັບ​ແຕ່​ພະຍາດ​ສັດ​ລະບາດ​ຂຶ້ນ ທາງ​ຫ້ອງການ​ກະສິກຳ ​ແລະ ​ປ່າ​ໄມ້​ເມືອງ ກໍ​ໄດ້ຮີບ​ຮ້ອນ​ສົ່ງ​ພະນັກງານ​ວິຊາ​ການ​ລົງ​ສົມທົບ​ກັບ​ອຳນາດ​ການ​ປົກຄອງ​​ບ້ານ​ເອົາ​ໃຈ​ໃສ່ປິ່ນປົວ ​ແລະ ​ແນະນຳ​ໃຫ້​ປະຊາຊົນ​ຮູ້​ປະຕິບັດ​ດ້ວຍ​ຕົນ​ເອງ​ໃຫ້​ຖືກຕ້ອງ​ຕາມ​ຫລັກ​ວິຊາ​ການ, ນຳ​ເອົາ​ຢາ​ປິ່ນປົວ​ຈຳນວນໜຶ່ງລົງ​ຊ່ວຍ​ເຫລືອ​​ເຂົາ​ເຈົ້າ, ຊຶ່ງ​ມາ​ຮອດ​ປັດຈຸບັນ ສາມາດ​ຄວບ​ຄຸມ​ໄດ້​ແລ້ວ 32 ບ້ານ, ປິ່ນປົວ​ສັດ​ທີ່​ຕິດ​ເຊື້ອພະຍາດ​ຫາຍ​ດີ​ແລ້ວ 6 ພັນກວ່າ​ໂຕ. ນອກ​ນີ້, ຍັງ​ໄດ້​ອອກ​ແຈ້ງ​ການ​ໃຫ້​ຢຸດ​ເຊົາ​ຊົ່ວຄາວ​ໃນ​ການ​ຂ້າ​ສັດ, ການ​ບໍລິ​ໂພ​ກ, ການ​ເຄື່ອນ​ຍ້າຍ ​ແລະ ການ​ຊື້-ຂາຍ​ສັດ​ເຂົ້າ-ອອກ​ພາຍ​ໃນ​ເມືອງ​ຢ່າງ​ເດັດຂາດ, ​ໂດຍ​ສະ​ເພາະ​​ແມ່ນ​ປະ​ເພດ​ງົວ, ຄວາຍ, ຫມູ ​ແລະ ​ແບ້ ຈົນກວ່າ​ຈະ​ສາມາດ​ຄວບ​ຄຸມພະ​ຍາດ​ນີ້​ໃຫ້​ຢຸດ​ເຊົາ.

ທ່ານ ພົງ​ສະຫວັດ ຫົວໜ້າຂະ​ແໜງ​ລະບາດ​ພະຍາດ​ສັດຂອງ​ແຂວງ ​ໃຫ້​ຮູ້​ວ່າ: ພະຍາດ​ປາກ​ເປື່ອຍ​ລົງ​ເລັບ​ໃນ​ປີນີ້, ​ເຫັນ​ວ່າ​ຮ້າຍແຮງກວ່າ​ທຸກ​ປີຜ່ານ​ມາ, ​ມັນ​ໄດ້​ສ້າງ​ຄວາມ​ເສຍ​ຫາຍ​​ແກ່​ສັດລ້ຽງປະຊາຊົນ​ຢ່າງ​ຫລວງຫລາຍ​ ຍ້ອນ​ຂາດພະນັກງານ​ສັດຕະວະ​ແພດຜູ້​ທີ່​ເຮັດ​ວຽກມີ​ໜ້ອຍ, ງົບປະມານ​ກໍ​ມີ​ຈຳກັດ ​ແລະ ການ​ທ້ອນ​ໂຮມ​ສັດ​ ເພື່ອ​ປິ່ນປົວ​ພົບ​ຄວາມ​ຫຍຸ້ງຍາກ, ​ເນື່ອງ​ຈາກ​​ປະຊາຊົນ​ຍັງ​ລ້ຽງ​ແບບ​ກະ​ແຈກ​ກະຈາຍ ຈຶ່ງ​ເຮັດ​ໃຫ້​ພະຍາດ​ນີ້​ແຜ່​ຂະ​ຫຍາຍ​​ເປັນ​ວົງ​ກ້ວາງ​ໄດ້​ໄວ.

- Wave100S AD to Website 2020 0 - ຫົວພັນຍັງ​ບໍ່ສາມາດ​ສະກັດ​ກັ້ນ​ການລະບາດ​ຂອງ​ພະຍາດ​ປາກ​ເປື່ອຍ​ລົງ​ເລັບ​ຂອງ​ສັດລ້ຽງ ​ແລະ ມີ​ສັດ​ຕາຍ​ແລ້ວ​ກວ່າ 1 ພັນ​ໂຕ
- lattana banner - ຫົວພັນຍັງ​ບໍ່ສາມາດ​ສະກັດ​ກັ້ນ​ການລະບາດ​ຂອງ​ພະຍາດ​ປາກ​ເປື່ອຍ​ລົງ​ເລັບ​ຂອງ​ສັດລ້ຽງ ​ແລະ ມີ​ສັດ​ຕາຍ​ແລ້ວ​ກວ່າ 1 ພັນ​ໂຕ
-    AD conten website - ຫົວພັນຍັງ​ບໍ່ສາມາດ​ສະກັດ​ກັ້ນ​ການລະບາດ​ຂອງ​ພະຍາດ​ປາກ​ເປື່ອຍ​ລົງ​ເລັບ​ຂອງ​ສັດລ້ຽງ ​ແລະ ມີ​ສັດ​ຕາຍ​ແລ້ວ​ກວ່າ 1 ພັນ​ໂຕ
- lattana banner 1 - ຫົວພັນຍັງ​ບໍ່ສາມາດ​ສະກັດ​ກັ້ນ​ການລະບາດ​ຂອງ​ພະຍາດ​ປາກ​ເປື່ອຍ​ລົງ​ເລັບ​ຂອງ​ສັດລ້ຽງ ​ແລະ ມີ​ສັດ​ຕາຍ​ແລ້ວ​ກວ່າ 1 ພັນ​ໂຕ
error: Alert: ເນື້ອຫາຂ່າວມີລິຂະສິດ !!