7 ກິດຈະວັດເຮັດໃຫ້ທ່ານເຖົ້າໄວຂຶ້ນ

- 032105 2018 -  7 ກິດຈະວັດເຮັດໃຫ້ທ່ານເຖົ້າໄວຂຶ້ນ
- Untitled design -  7 ກິດຈະວັດເຮັດໃຫ້ທ່ານເຖົ້າໄວຂຶ້ນ
  1. ກິນຫວານ : ບໍ່ໄດ້ໝາຍເຖິງຫ້າມເດັດຂາດເລີຍ ພຽງແຕ່ຂໍໃຫ້ຜ່ອນຫວານລົງເພື່ອຈະໄດ້ຮັກສາສຸຂະພາບທີ່ດີໄວ້ດົນໆ ທັງອາຫານ, ຂອງຫວານ ແລະ ເຄື່ອງດື່ມ ພຽງເທົ່ານີ້ພຸງກໍຫລາຍແລ້ວ.
  2. ກິນບໍ່ຫຍຳ້ : ສັງຄົມຍຸກໃໝ່ຕ້ອງຟ້າວກິນ ຈຶ່ງເຮັດໃຫ້ເກີດພະຍາດໄພໄຂ້ເຈັບຕາມມາຈາກອາຫານທີ່ຫຍຳ້ໜ້ອຍ, ຂໍໃຫ້ທ່ານຍອມເສຍເວລາຈັກໜ້ອຍ ຕັ້ງໃຈຫຍຳ້ຄຳລະ 10 ເທື່ອ ຈົນຕິດເປັນນິໄສ ຈະເຮັດໃຫ້ໄດ້ສຸຂະພາບທີ່ດີທັງສະໝອງ ແລະ ທໍ່ອາຫານ.
  3. ກິນເດິກ : ການກິນຫລາຍກ່ວາ 3 ຄາບ ຫລື ເພີ່ມຄາບພິເສດຕອນກາງເດິກເຂົ້າມາຈະພາໃຫ້ສຸຂະພາບອ່ອນແອລົງ ເພາະຮ່າງກາຍຖືກອອກແບບມາໃຫ້ພັກຜ່ອນຕອນກາງຄືນ. ຄົນທີ່ກິນຕອນກາງເດິກຈະສ່ຽງເປັນຄົນຕຸ້ຍ, ນອນບໍ່ຫລັບ, ກົດໄຫລຍ້ອນ ແລະ ອີກຫລາຍພະຍາດ. ສະນັ້ນ, ການກິນຕອນເດິກຈຶ່ງເປັນການທຳລາຍສຸຂະພາບໃຫ້ເຖົ້າໄວອີກທາງໜຶ່ງ.
  4. ກິນແລ້ວບໍ່ເຄື່ອນໄຫວ : ຫາກກິນອີ່ມແລ້ວບໍ່ເຄື່ອນໄຫວໄປມາ ຫລື ນັ່ງຢູ່ແຕ່ບ່ອນເກົ່າເຮັດວຽກຫລັງຈາກກິນເຂົ້າຄາບໃຫຍ່ ລ້ວນແຕ່ເປັນໄພຕໍ່ສຸຂະພາບຢ່າງຮ້າຍແຮງເຮັດໃຫ້ຕຸ້ຍ, ໄຂມັນໃນເລືອດສູງ, ຄວາມດັນເລືອດສູງ ແລະ ພະຍາດຫົວໃຈຈະຖາມຫາ ຂໍໃຫ້ຫາທາງອອກກຳລັງກາຍ ຫລື ເຄື່ອນໄຫວຮ່າງກາຍສ້າງໃຫ້ຕິດເປັນນິໄສຈະດີທີ່ສຸດ.
  5. ກິນອີ່ມແລ້ວອີ່ມອີກ : ການກິນອາຫານດ້ວຍຄວາມ “ຢາກ” ຫລາຍກ່ວາຄວາມ “ຫິວ” ຫລື ກິນບຸບເຟ້ທີ່ຕ້ອງພະຍາຍາມກິນທໍລະມານຫລາຍກ່ວາແຊບເປັນປະຈຳເປັນອັນຕະລາຍຕໍ່ສຸຂະພາບ ນອກຈາກຈະເຮັດໃຫ້ຮ່າງກາຍຕິດເປັນນິໄສການກິນຫລາຍແລ້ວ ຍັງເຮັດໃຫ້ໄດ້ຮັບກາລໍຣີເກີນກ່ວາຄວາມຕ້ອງການຕໍ່ມື້ນຳອີກ.
  6. ກິນຊຳ້ : ວິຖີຊີວິດຄົນເຮັດວຽກມັກກິນຊຳ້ໆໄດ້ຕະຫລອດ ເປັນມະນຸດກະເພາະໄກ່, ມະນຸດເຂົ້າໄຂ່ຈຽວ ຫລື ມະນຸດຕົ້ມໝີ່ ຍິ່ງກິນເຂົ້າໄປກໍຍິ່ງຊຳ້ຕື່ມສຸຂະພາບໃຫ້ໄດ້ຮັບແຕ່ສານອາຫານຊຳ້ໆ, ລອງຄິດເບິ່ງວ່າຖ້າມີພິດກໍຈະໄດ້ພິດສະສົມຊຳ້ໆເຊັ່ນກັນ.
  7. ປຸງກ່ອນກິນ : ທ່ານໃດທີ່ມັກປຸງແຕ່ງໃຫ້ສົ້ມ, ເຄັມ, ຫວານ ຈົນຕິດລົດຊາດການປຸງ ຂໍໃຫ້ຄ່ອຍໆປ່ຽນດີກ່ວາ ເພາະມື້ໜຶ່ງ ຄົນເຮົາບໍ່ຄວນໄດ້ນຳ້ຕານເກີນ 6 ບ່ວງກາເຟ, ນຳ້ປາບໍ່ເກີນ 6 ບ່ວງກາເຟ ເຊິ່ງລວມທັງທີ່ມີຢູ່ໃນອາຫານທີ່ກິນຢູ່ນັ້ນນຳ. ສະນັ້ນຈຶ່ງບໍ່ຄວນປຸງແຕ່ງລົດຊາດອື່ນໆຕື່ມໃສ່ອີກ ເພາະຈະເປັນການເພີ່ມປະລິມານເຄື່ອງປຸງເກີນຈຳເປັນ.
- Wave100S AD to Website 2020 0 -  7 ກິດຈະວັດເຮັດໃຫ້ທ່ານເຖົ້າໄວຂຶ້ນ
- WhatsApp Image 2020 05 27 at 5 -  7 ກິດຈະວັດເຮັດໃຫ້ທ່ານເຖົ້າໄວຂຶ້ນ
- WhatsApp Image 2020 05 27 at 5 -  7 ກິດຈະວັດເຮັດໃຫ້ທ່ານເຖົ້າໄວຂຶ້ນ
error: Alert: ເນື້ອຫາຂ່າວມີລິຂະສິດ !!