ໝັ່ນໄປສູນອອກກຳລັງກາຍ ແຕ່ກໍຍັງຕຸ້ຍ

- 052105 2018 - ໝັ່ນໄປສູນອອກກຳລັງກາຍ ແຕ່ກໍຍັງຕຸ້ຍ
- Untitled design - ໝັ່ນໄປສູນອອກກຳລັງກາຍ ແຕ່ກໍຍັງຕຸ້ຍ

ຜູ້ຮັກສຸຂະພາບທັງຫລາຍອາດເຄີຍສົງໄສວ່າ : ເປັນຫຍັງໄປອອກກຳລັງກາຍຢູ່ສູນອອກກຳລັງກາຍແລ້ວນຳ້ໜັກບໍ່ຫລຸດ ຫລືບາງເທື່ອນຳ້ໜັກອາດຈະເພີ່ມຂຶ້ນມານຳອີກ ? ຜົນສຳຫລວດໜຶ່ງໃນອັງກິດໄດ້ເປີດເຜີຍວ່າ : ສ່ວນໜຶ່ງຂອງຜູ້ທີ່ໄປສູນອອກກຳລັງກາຍບໍ່ໄດ້ອອກກຳລັງຫລາຍເທົ່າທີ່ຕົນເອງຄິດ ແລະ ເມື່ອອອກກຳລັງກາຍແລ້ວກໍກັບມາກິນອາຫານຕາມໃຈປາກ.

ບໍລິສັດຜະລິດອາຫານເສີມແຫ່ງໜຶ່ງຂອງປະເທດອັງກິດ ໄດ້ສຳຫລວດຜູ້ທີ່ໄປອອກກຳລັງກາຍຢູ່ສູນອອກກຳລັງກາຍຈຳນວນ ໜຶ່ງພົບວ່າ : ຜູ້ທີ່ໄປສູນອອກກຳລັງກາຍຈະມີອາລົມອີ່ມໃຈ ຫລັງຈາກອອກກຳລັງກາຍບວກກັບການອອກກຳລັງກາຍກໍເປັນການ ກະຕຸ້ນຄວາມຢາກອາຫານຢູ່ແລ້ວ ເຮັດໃຫ້ມີທ່າອ່ຽງທີ່ຈະຫາກິນອາຫານຫລາຍກ່ວາປົກກະຕິ ແລະ ເປັນການກິນໂດຍບໍ່ຄຳນຶງເຖິງຄຸນຄ່າສານອາຫານນຳອີກ.

ຜົນສຳຫລວດສະແດງໃຫ້ເຫັນວ່າ : ຄົນມັກໄປສູນອອກກຳລັງກາຍເກືອບ 40% ອອກກຳລັງກາຍ ແລະ ເຜົາຜານໄປໄດ້ພຽງ ແຕ່ 300 ກາລໍຣີ ຕໍ່ການໄປສູນອອກກຳລັງກາຍ 1 ເທື່ອ ແລ້ວຈາກນັ້ນກໍກັບເຮືອນໄປກິນອາຫານມັນໆ ກາລໍຣີຫລາຍໆ ເຮັດ ໃຫ້ການອອກກຳລັງກາຍບໍ່ເກີດປະໂຫຍດແທນທີ່ຈະສາມາດຫລຸດນຳ້ໜັກ ຫລື ຄວບຄຸມນຳ້ໜັກໄດ້ ຊຳ້ພັດເປັນການເພີ່ມນຳ້ໜັກເຂົ້າໄປອີກ ໂດຍມີຄົນທີ່ຫາກໍເລີ່ມອອກກຳລັງກາຍຢ່າງຕໍ່ເນື່ອງເຖິງ 26% ພົບວ່າ : ຕົນເອງມີນຳ້ໜັກເພີ່ມຂຶ້ນ ແລະ ນັ້ນກໍບໍ່ໄດ້ເປັນຍ້ອນການເພີ່ມຂຶ້ນຂອງມວນກ້າມຊີ້ນ.

ພຶດຕິກຳໜຶ່ງທີ່ເປັນກັນຫລາຍກໍແມ່ນການໃຫ້ລາງວັນຕົນເອງຫລັງຈາກການອອກກຳລັງກາຍ ໂດຍສ່ວນຫລາຍເປັນປະເພດເຂົ້າໜົມ ເຊັ່ນ : ຊັອກໂກແລັດ, ເຄື່ອງດື່ມອານກໍຮໍ, ເຫລົ້າແວັງ ເປັນຕົ້ນ.

- Wave100S AD to Website 2020 0 - ໝັ່ນໄປສູນອອກກຳລັງກາຍ ແຕ່ກໍຍັງຕຸ້ຍ

ນອກຈາກນີ້, ຜົນສຳຫລວດຍັງໃຫ້ເຫັນໃນລັກສະນະການອອກກຳລັງກາຍຂອງຄົນສ່ວນຫລາຍມັກຈະໄປສູນອອກກຳລັງກາຍອາທິດລະ 3 – 4 ເທື່ອ ໃຊ້ເວລາສະເລ່ຍເທື່ອລະ 40 – 60 ນາທີ ແລະ ສ່ວນໜຶ່ງໄປສູນອອກກຳລັງກາຍເປັນປະຈຳພຽງເພື່ອຈະໄດ້ເຜົາຜານ 300 – 500 ກາລໍຣີເທົ່ານັ້ນ. ແນວໃດກໍຕາມ, ສູນອອກກຳລັງກາຍກໍບໍ່ແມ່ນວ່າຈະບໍ່ມີປະໂຫຍດ ທັງນີ້ຂຶ້ນຢູ່ກັບລະບຽບວິໄນໃນການອອກກຳລັງກາຍ ແລະ ວິໄນໃນການກິນອາຫານຂອງແຕ່ລະບຸກຄົນເອງນຳອີກ.

- WhatsApp Image 2020 05 27 at 5 - ໝັ່ນໄປສູນອອກກຳລັງກາຍ ແຕ່ກໍຍັງຕຸ້ຍ
- WhatsApp Image 2020 05 27 at 5 - ໝັ່ນໄປສູນອອກກຳລັງກາຍ ແຕ່ກໍຍັງຕຸ້ຍ
error: Alert: ເນື້ອຫາຂ່າວມີລິຂະສິດ !!