ສາເຫດເຮັດໃຫ້ຄົນຍີ່ປຸ່ນເປັນໂສດຫລາຍຂຶ້ນຢ່າງຕໍ່ເນື່ອງ

- 042105 2018 - ສາເຫດເຮັດໃຫ້ຄົນຍີ່ປຸ່ນເປັນໂສດຫລາຍຂຶ້ນຢ່າງຕໍ່ເນື່ອງ
- AGL banner - ສາເຫດເຮັດໃຫ້ຄົນຍີ່ປຸ່ນເປັນໂສດຫລາຍຂຶ້ນຢ່າງຕໍ່ເນື່ອງ

ປະເທດຍີ່ປຸ່ນກຳລັງພະເຊີນກັບ Celibacy syndrome ຫລື ກະແສການຄອງໂຕເປັນໂສດ ທີ່ສົ່ງຜົນໃຫ້ອັດຕາການເກີດຂອງ ປະຊາກອນຍີ່ປຸ່ນຫລຸດລົງຢ່າງຕໍ່ເນື່ອງທຸກປີ ແລະ ເລັ່ງໃຫ້ຍີ່ປຸ່ນກ້າວສູ່ສັງຄົມຜູ້ເຖົ້າໄວຂຶ້ນ.

ບໍ່ໜ້າເຊື່ອວ່າການເຮັດໂຕເປັນໂສດຈະກາຍເປັນສາເຫດໜຶ່ງຂອງຈຳນວນປະຊາກອນທີ່ຫລຸດລົງ ເມື່ອຜູ້ຊາຍຍີ່ປຸ່ນຍຸກໃໝ່ໃຫ້ ຄວາມສົນໃຈກັບວຽກຫລາຍກ່ວາການສ້າງຄອບຄົວທີ່ເຕັມໄປດ້ວຍພາລະ.

ຜົນສຳຫລວດພົບວ່າ : ຜູ້ຊາຍຍີ່ປຸ່ນອາຍຸ 16 – 19 ປີ ປະມານ 36% ບໍ່ສົນໃຈເລື່ອງທາງເພດ ແລະ 1 ໃນ 3 ຂອງຜູ້ຊາຍຍີ່ປຸ່ນອາຍຸຕໍ່າກ່ວາ 30 ປີ ບໍ່ເຄີຍລົມສາວ ໂດຍສຳນັກງານວາງແຜນຄອບຄົວຍີ່ປຸ່ນ ລະບຸວ່າ : ບັນຫາເສດຖະກິດຕົກຕໍ່າເຮັດໃຫ້ຜູ້ຊາຍຍີ່ປຸ່ນລຸ້ນໃໝ່ຂາດແຮງຈູງໃຈໃນການເຮັດວຽກເພື່ອສ້າງຄອບຄົວຄືກັບຄົນລຸ້ນກ່ອນ ລວມໄປເຖິງການຂະຫຍາຍໂຕຂອງກຸ່ມໂອຕາຄຸ ຫລື ຜູ້ທີ່ໃຊ້ຊີວິດໄປກັບການຫລິ້ນເກມ, ເບິ່ງກະຕູນ, ທ່ຽວຮ້ານບັນເທີງ ແລະ ທ່ອງເວັບໄຊສຳລັບຜູ້ໃຫຍ່ ໂດຍບໍ່ສົນໃຈທີ່ຈະສານສຳພັນກັບເພດກົງຂ້າມ ຈົນເກີດເປັນ Celibacy syndrome ຫລື ກະແສຄອງໂຕເປັນໂສດທີ່ສົ່ງຜົນໃຫ້ອັດຕາການເກີດຂອງປະຊາກອນຍີ່ປຸ່ນຫລຸດລົງຕໍ່ເນື່ອງທຸກປີ. ການຫັນຫລັງໃຫ້ກັບການລົງຫລັກປັກຖານ ແລະ ເລືອກສານສຳພັນແບບບໍ່ສ້າງຄອບຄົວໄປ ເລື້ອຍໆຂອງບ່າວສາວຍີ່ປຸ່ນຍຸກໃໝ່ສ້າງຄວາມກັງວົນວ່າອາດເປັນສາເຫດຂອງບັນຫາການຫລຸດລົງຂອງຈຳນວນປະຊາກອນ ແລະ ເລັ່ງໃຫ້ຍີ່ປຸ່ນກ້າວເຂົ້າສູ່ສັງຄົມຜູ້ເຖົ້າໄວຂຶ້ນ ໂດຍຄາດກັນວ່າປີ 2020 ຍອດຂາຍຜ້າອ້ອມສຳເລັດຮູບສຳລັບຜູ້ເຖົ້າຈະແຊງໜ້າຜ້າອ້ອມສຳເລັດຮູບສຳລັບເດັກນ້ອຍ ແລະ ພາຍໃນປີ 2060 ປະຊາກອນຍີ່ປຸ່ນຈະຫລຸດລົງເຫລືອພຽງ 1 ໃນ 3 ຫາກບ່າວສາວຍີ່ປຸ່ນຍັງບໍ່ໃຫ້ຄວາມສຳຄັນກັບການສ້າງຄອບຄົວຢ່າງທີ່ເປັນຢູ່ໃນທຸກມື້ນີ້.

- Wave100S AD to Website 2020 0 - ສາເຫດເຮັດໃຫ້ຄົນຍີ່ປຸ່ນເປັນໂສດຫລາຍຂຶ້ນຢ່າງຕໍ່ເນື່ອງ
- lattana banner 1 - ສາເຫດເຮັດໃຫ້ຄົນຍີ່ປຸ່ນເປັນໂສດຫລາຍຂຶ້ນຢ່າງຕໍ່ເນື່ອງ
- lattana banner - ສາເຫດເຮັດໃຫ້ຄົນຍີ່ປຸ່ນເປັນໂສດຫລາຍຂຶ້ນຢ່າງຕໍ່ເນື່ອງ
-    AD conten website - ສາເຫດເຮັດໃຫ້ຄົນຍີ່ປຸ່ນເປັນໂສດຫລາຍຂຶ້ນຢ່າງຕໍ່ເນື່ອງ
error: Alert: ເນື້ອຫາຂ່າວມີລິຂະສິດ !!