ມາເລເຊຍຕັ້ງຊຸດສະເພາະກິດ ສອບສວນເລື່ອງສໍ້ໂກງເງິນ 1MDB

- 1526893462092 960x0 - ມາເລເຊຍຕັ້ງຊຸດສະເພາະກິດ ສອບສວນເລື່ອງສໍ້ໂກງເງິນ 1MDB
- Untitled design - ມາເລເຊຍຕັ້ງຊຸດສະເພາະກິດ ສອບສວນເລື່ອງສໍ້ໂກງເງິນ 1MDB

ມາ​ເລ​ເຊຍ​ຕັ້ງໜ່ວຍ​ງານ​ພິ​ເສດຂຶ້ນສອບ​ສວນ​ຂໍ້​ກ່າວ​ຫາ​ເລື່ອງ​ມີ​ການ​ສໍ້​ໂກງ​ເງິນ​ຈຳນວນ​ມະຫາສານ​ຈາກ​ກອງ​ທຶນ​ພັດທະນາ​ມາ​ເລ​ເຊຍ (1MDB) ​ໃນ​ສະ​ໄໝ​ອະດີດ​ນາຍົກລັດຖະມົນຕີ ນາ​ຈິບ ຣາຊັກ.

ສຳນັກ​ນາຍົກລັດຖະມົນຕີມາ​ເລ​​ເຊຍ​ຖະ​ແຫລ​ງວ່າ: ລັດຖະບານ​ຫວັງ​ວ່າການ​ຕັ້ງໜ່ວຍ​ງານ​ພິ​ເສດ​ທີ່​ປະກອບ​ມີ​ຕົວ​ແທນ​ຈາກ​ໜ່ວຍ​ງານ​ບັງຄັບ​ໃຊ້​ກົດໝາຍ​ຫລາຍ​ແຫ່ງ ຈະ​ຊ່ວຍ​ກອບ​ກູ້​ສັກ​ສີ​ຂອງ​ມາ​ເລ​ເຊຍ​ທີ່​ມົວ​ໝອງ​ເພາະ​ໂຈນ​ທິປະ​ໄຕ​ໃນ 1MDB. ຫົວໜ້າໜ່ວຍ​ງານ​ຄືທ່ານ ອັບ​ດຸນ ກາ​ນີ ປາ​ຕາ​ອິລ ອະດີດ​ໄອ​ຍະ​ການ​ສູງ​ສຸດ​ທີ່​ຖືກ​ປົດ​ຈາກ​ຕຳ​ແໜ່​ງ​ໃນ​ປີ 2015. ຂະນະ​ສອບ​ສວນ​ເລື່ອງ​ນີ້ ​ແລະ ຈະ​ນຳ​ສະມາຊິກ​ຈາກ​ໜ່ວຍ​ງານ​ສະ​ເພາະ​ກິດ​ຊຸດ​ເກົ່າ​ທີ່​ທ່ານ ນາ​ຈິບ ຕັ້ງຂຶ້ນ ​ແລະ ຍຸບ​ໄປ​ເພາະ​ມີ​ຂ່າວ​ລື​ວ່າ​ທ່ານ​ຈະ​ຖືກຕັ້ງຂໍ້​ຫາ ກັບ​ມາ​ຮ່ວມ​ເຮັດ​ວຽກ.

- Wave100S AD to Website 2020 0 - ມາເລເຊຍຕັ້ງຊຸດສະເພາະກິດ ສອບສວນເລື່ອງສໍ້ໂກງເງິນ 1MDB

ພາລະກິດ​ຂອງ​ໜ່ວຍ​ງານ​ສະ​ເພາະ​ກິດ ຄື​ຕາມ​ຍຶດຊັບ​ສິນ ​ແລະ ດຳ​ເນີນ​ຄະດີ​ກັບ​ຜູ້​ຕ້ອງ​ສົງ​ໄສ​ເຮັດ​ຜິດ​ກົດໝາຍ​ກ່ຽວ​ກັບ​ກອງ​ທຶນ​ນີ້​ ຄຽງ​ຄູ່​ໄປ​ກັບ​ການ​ປະສານ​ງານ​ກັບ​ໜ່ວຍ​ງານ​ບັງຄັບ​ໃຊ້​ກົດໝາຍ​ໃນ​ຕ່າງປະ​ເທດ​ທີ່​ສອບ​ສວນ​ເລື່ອງ​ນີ້​ເຊັ່ນ​ກັນ ​ໄດ້​ແກ່​ອາ​ເມ​ລິ​ກາ, ສະ​ວິດ, ສິງກະ​ໂປ ​ແລະ ກາ​ນາ​ດາ ​ເຊື່ອ​ວ່າ​ເງິນ​ຈຳນວນ​ຫລາຍ​ທີ່​ສ້ໍ​ໂກງ​ຈາກ 1MDB ຖືກ​ປ່ຽນ​ຖ່າຍ​ຜ່ານ​ການ​ເຮັດ​ທຸລະ​ກຳ​ສັບ​ຊ້ອນ​ໃນ​ລະດັບ​ໂລກ. ທ່ານ ນາ​ຈິບ ຕັ້ງກອງ​ທຶນ​ນີ້​ຂຶ້ນ​ໃນ​ປີ 2009 ​ເພື່ອ​ສົ່ງ​ເສີມ​ການ​ພັດທະນາ​ເສດຖະກິດ​ປະ​ເທດ, ທ່ານ ​ແລະ ກອງ​ທຶນ​ຢືນຢັນ​ວ່າ​ບໍ່​ໄດ້​ກະທຳ​ຜິດ​ໃດໆ.

- WhatsApp Image 2020 05 27 at 5 - ມາເລເຊຍຕັ້ງຊຸດສະເພາະກິດ ສອບສວນເລື່ອງສໍ້ໂກງເງິນ 1MDB
- WhatsApp Image 2020 05 27 at 5 - ມາເລເຊຍຕັ້ງຊຸດສະເພາະກິດ ສອບສວນເລື່ອງສໍ້ໂກງເງິນ 1MDB
error: Alert: ເນື້ອຫາຂ່າວມີລິຂະສິດ !!