ແມນຢູ ເລັ່ງຍົກເຄື່ອງທີມ 250 ລ້ານປອນ ຊ່ວງໜ້າຮ້ອນ

- news201805211328760 - ແມນຢູ ເລັ່ງຍົກເຄື່ອງທີມ 250 ລ້ານປອນ ຊ່ວງໜ້າຮ້ອນ
- Untitled design - ແມນຢູ ເລັ່ງຍົກເຄື່ອງທີມ 250 ລ້ານປອນ ຊ່ວງໜ້າຮ້ອນ

​ແມນ​ເຊ​ສ​ເຕີ ຢູ​ໄນ​ເຕັດ ວາງ​ແຜນ​ຍົກ​ເຄື່ອງ​ທີ​ມຄັ້ງ​ໃຫຍ່ ດ້ວຍ​ການ​ທຸ້ມ​ເງິນ​ເຖິງ 250 ລ້ານ​ປອນ​ເສີມ​ທີ​ມຊ່ວງ​ໜ້າ​ຮ້ອນ​ນີ້, ​ເຫດ ​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມ ຕ້ອງການ​ແຊ້ມ ພຣີ​ເມຍ​ລີກ ​ໃຫ້​ໄດ້​ໃນ​ລະດູ​ການ​ໜ້າ.

​ແມນ​ເຊ​ສ​ເຕີ ຢູ​ໄນ​ເຕັດ ສະ​ໂມ​ສອນ​ຍັກ​ໃຫຍ່​ແຫ່ງ ພຣີ​ເມຍ​ລີກ ຕົກ​ເປັນ​ຂ່າວ​ວ່າ​ວາງ​ແຜນ​ຍົກ​ເຄື່ອງ​ທີ​ມຄັ້ງ​ໃຫຍ່ ດ້ວຍ​ການ​ທຸ້ມ​ເງິນ​ຈຳນວນ 250 ລ້ານ​ປອນ ​ເພື່ອ​ເສີມ​ທີ​ມ​ໃນ​ຊ່ວງ​​ເປີດ​ຕະຫລາດ​ຊື້-ຂາຍ​ນັກ​ເຕະ​ໜ້າ​ຮ້ອນ​ນີ້. ຈາກ​ການ​ລາຍ​ງານ​ຂອງສື່​ຊື່​ດັງອັງກິດ ​ໃນ​ວັນ​ທີ 21 ພຶດສະພາ.

​ແມນ​ຢູ ຫາ​ກໍ​ເສຍ​ໃຫ້ ​ເຊ​ລຊີ 0-1 ​ໃນ ​ເອຟ​ເອ ຄັບ ຮອບ​ຊິງ​ຊະນະ​ເລີດ ​ແລະ ຈົບ​ອັນ​ດັບ 2 ​ໃນ ພຣີ​ເມຍ​ລີກ ລະດູ​ການ 2017-2018 ​ໂດຍ​ການ​ມີ​ຄະ​ແນນ​ຕາມ​ຫລັງ ​ແມນ​ເຊ​ສ​ເຕີ ຊິ​ຕີ້ ທີ​ມ​ແຊ້ມ​​ເຖິງ 19 ຄະ​ແນນ ​ແລະ ຕົກ​ຮອບ 16 ທີ​ມສຸດ​ທ້າຍ ຢູຟາ ​ແຊມ​ປ້ຽນລີກ ດ້ວຍ​ການ​ເສຍ​ໃຫ້ ​ເຊ​ບີ​ຢາ ​ແລະ ຈາກ​ຜົນງານ​ທີ່​ຜິດ​ຫວັງ​ໃນ​ຫລາຍ​ລາຍການ ​ເຮັດ​ໃຫ້ ​ໂຊ​ເຊ ມູຣິນ​ໂຢ ຜູ້​ຈັດການ​ທີ​ມຊາວ​ໂປຣຕຸ​ເກສ ຢູ່​ພາຍ​ໃຕ້​ການ​ກົດ​ດັນ​ຫລາຍ​ຂຶ້ນ ​ເຖິງ​ວ່າ​ລາວ​ຫາ​ກໍ​ຕໍ່​ສັນຍາ​ສະບັບ​ໃໝ່​ອອກ​ໄປ​ອີກ 2 ປີ​ກໍ​ຕາມ.

ມູຣິນ​ໂຢ ຍັງ​ໄດ້​ຮັບ​ການ​ໜຸນ​ຫລັງ​ຈາກ​ຜູ້​ບໍລິຫານ​ຂອງ ​ແມນ​ຢູ ​ໃນ​ຕອນ​ນີ້ ​ແລະ ຫລ້າ​ສຸດ​ມີ​ລາຍ​ງານ​ຈາກ “​ເດ​ລີ ມິ​ເຣີ” ວ່າ: ລາວ​ຫວັງ​ຈະ​ຄວ້າ​ແຊ້ມ ພຣີ​ເມຍ​ລີກ ​ໃຫ້​ໄດ້​ໃນ​ລະດູ​ການ 2018-2019.

- Wave100S AD to Website 2020 0 - ແມນຢູ ເລັ່ງຍົກເຄື່ອງທີມ 250 ລ້ານປອນ ຊ່ວງໜ້າຮ້ອນ

ສື່​ຍັງ​ລາຍ​ງານ​ອີກ​ວ່າ: ​ແມນ​ຢູ ຕ້ອງການ​ດຶງ​ນັກ​ເຕະ​ໃໝ່ 5 ຄົນ ມາ​ທົດ​ແທນ​ຂອງ ດາ​ເລ ບລິນ, ມັຕ​ເຕ​ໂອ ດາ​ມຽນ, ລຸກ ຊໍ, ອ໊ອງ​ໂຕ​ນີ ມາກ​ຊິ​ຍາ​ລ ​ແລະ ມາຣູຍານ ​ເຟລ​ໄລ​ນີ ທີ່​ແຫ​ລ່ງຂ່າວ​ຂອງ “ອີ​ເອສຟີ​ເອັນ” ສື່ຊື່​ດັງ​ລະດັບ​ໂລກ ລາຍ​ງານ​ວ່າ​ໄດ້​ຮັບ​ຂໍ້​ສະ​ເໜີ​ເປັນ​ສັນຍາ​ໄລຍະ​ເວລາ 3 ປີ ຈາກ ​ເອຊີ ມິ​ລານ ຍອດ​ທີ​ມ​ແຫ່ງ​ອີ​ຕາ​ລີ.

ທັງ​ນີ້, ອາ​ເລັກ ​ຊານ​ໂດຣ (ຢູ​ເວນ​ຕຸ​ສ) ​ແລະ ​ໂທ​ບີ້ ອັລ​ເດີ​ໄວ​ເຣລ (ທ໊ອດ​ແນມ ຮ໊ອດສະ​ເປີ) ຕ່າງ​ຢູ່​ໃນ​ລາຍ​ຊື່​ທີ່ ມູຣິນ​ໂຢ ​ເລັ່ງດຶງ​ຕົວ​ມາ​ຮ່ວມ​ທີ​ມ. ຂະນະ​ທີ່ ​ແກ​ເຣທ ​ເບ​ລ (ຣີລ ມາດຣິດ), ​ເຟຣ໊ດ (ຊັກ​ຕາ ​ໂດ​ເນັດ​ສ), ຈໍ​ຈິນ​ໂຢ (ນາ​ໂປ​ລີ) ​ແລະ ໝອງ ມິ​ເຊ​ລ ​ເຊຣີ (ນີຊ) ກໍ​ເປັນ 4 ນັກ​ເປົ້າໝາຍ​ຂອງ​ຜູ້​ຈັດການ​ທີ​ມຄົນ​ດັ່ງກ່າວ​ຕັ້ງ​ເປົ້າດຶງ​ມາ​ເຊັ່ນ​ກັນ.

- WhatsApp Image 2020 05 27 at 5 - ແມນຢູ ເລັ່ງຍົກເຄື່ອງທີມ 250 ລ້ານປອນ ຊ່ວງໜ້າຮ້ອນ
- WhatsApp Image 2020 05 27 at 5 - ແມນຢູ ເລັ່ງຍົກເຄື່ອງທີມ 250 ລ້ານປອນ ຊ່ວງໜ້າຮ້ອນ
error: Alert: ເນື້ອຫາຂ່າວມີລິຂະສິດ !!