ຄໍາມ່ວນໄດ້ຮັບການຊ່ວຍເຫລືອອຸປະກອນຝຶກຊ້ອມກະຕໍ້

- 33095525 780226215521287 1485019203546120192 n - ຄໍາມ່ວນໄດ້ຮັບການຊ່ວຍເຫລືອອຸປະກອນຝຶກຊ້ອມກະຕໍ້
- Untitled design - ຄໍາມ່ວນໄດ້ຮັບການຊ່ວຍເຫລືອອຸປະກອນຝຶກຊ້ອມກະຕໍ້

ໃນວັນທີ 19 ພຶດສະພາ ທີ່ເມືອງທ່າແຂກ ແຂວງຄໍາມ່ວນ ໄດ້ມີພິທີມອບອຸປະກອນການຝຶກຊ້ອມກະຕໍ້ໃຫ້ແກ່ສະຫະພັນກະຕໍ້ແຂວງຄໍາມ່ວນ ເພື່ອພັດທະນາວົງການກິລາກະຕໍ້ຂອງລາວ ພ້ອມທັງຍົກລະດັບຄວາມສາມາດໃຫ້ດີຂຶ້ນ​ເລື້ອຍໆ ເຊິ່ງມອບໂດຍທ່ານ ສົມໝາຍ ອັດບຸລະຄຳ ປະທານກິລາກະຕໍ້ພາກອີສານ ພ້ອມດ້ວຍຄະນະໃຫ້ແກ່ທ່ານ ຮວງຄຳ ນັນທະລັງສີ ຄູຝຶກແຂວງຄໍາມ່ວນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ຮ່ວງຄໍາ ນັນທະລັງສີ ກ່າວວ່າ: ອຸປະກອນທີ່ມອບຄັ້ງນີ້ປະກອບມີກະຕໍ້ 60 ໜ່ວຍ, ຕາໜ່າງ 4 ດາງ, ເສື້ອຝຶກຊ້ອມ 40 ຜືນ ແລະ ກະຕ່າໃສ່ກະຕໍ້ 1 ອັນ ເຊິ່ງທັງໝົດນີ້ຈະໄດ້ນໍາເຂົ້າໃນການຝຶກຊ້ອມ ເພື່ອກຽມຄວາມພ້ອມຂອງນັກກິລາເຂົ້າຮ່ວມການແຂ່ງຂັນລາຍການຕ່າງໆ ພ້ອມທັງກະກຽມນັກກິລາຂອງແຂວງຄໍາມ່ວນເຂົ້າງານກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ ຈະຈັດຂຶ້ນໃນທ້າຍປີ 2018 ນີ້.

ທ່ານ ສົມໝາຍ ອັດບຸລະຄໍາ ກ່າວວ່າ: ການມອບອຸປະກອນຄັ້ງນີ້ຖືວ່າເປັນຄັ້ງທໍາອິດ ແລະ ຈະສືບຕໍ່ເລື້ອຍໆ ເພື່ອເຮັດໃຫ້ສາຍສໍາພັນຂອງພວກເຮົານັບມື້ຮັດແໜ້ນ. ນອກຈາກນັ້ນ ຍັງເປັນການພັດທະນາວົງການກິລາກະຕໍ້ຂັ້ນທ້ອງຖິ່ນກ້າວສູ່ເປັນນັກກິລາທີມຊາດໃນອະນາຄົດ.

- Wave100S AD to Website 2020 0 - ຄໍາມ່ວນໄດ້ຮັບການຊ່ວຍເຫລືອອຸປະກອນຝຶກຊ້ອມກະຕໍ້
- WhatsApp Image 2020 05 27 at 5 - ຄໍາມ່ວນໄດ້ຮັບການຊ່ວຍເຫລືອອຸປະກອນຝຶກຊ້ອມກະຕໍ້
- WhatsApp Image 2020 05 27 at 5 - ຄໍາມ່ວນໄດ້ຮັບການຊ່ວຍເຫລືອອຸປະກອນຝຶກຊ້ອມກະຕໍ້
error: Alert: ເນື້ອຫາຂ່າວມີລິຂະສິດ !!