ລາວ-ໄທແລກປ່ຽນຄວາມຮູ້ດ້ານໄອທີ

- advice lao - ລາວ-ໄທແລກປ່ຽນຄວາມຮູ້ດ້ານໄອທີ
- Untitled design - ລາວ-ໄທແລກປ່ຽນຄວາມຮູ້ດ້ານໄອທີ

ຊຸດຝຶກອົບຮົມລະຫວ່າງຜູ້ປະກອບການດ້ານໄອທີຂອງລາວ ແລະ ໄທ ໃນຫົວຂໍ້: “ກ້າວສູ່ຜູ້ນໍາດ້ານໄອທີ” ໄດ້ຈັດຂຶ້ນໃນວັນທີ 21-22 ພຶດສະພານີ້, ທີ່ນະຄອນຫລວງວຽງຈັນ, ໂດຍມີຜູ້ຊໍານານດ້ານໄອທີຈາກອົງກອນຕ່າງໆ ແລະ ຜູ້ປະກອບການດ້ານໄອທີໃນລາວເຂົ້າຮ່ວມຈໍານວນຫລາຍ, ພາຍຫລັງເຫັນວ່າໃນຍຸກປັດຈຸບັນວຽກງານເຕັກໂນໂລຊີ ແລະ ໄອທີ ໄດ້ມີບົດບາດສໍາຄັນໃນການຊ່ວຍໃຫ້ອົງກອນ ຫລື ຫົວໜ່ວຍທຸລະກິດມີການພັດທະນາ ແລະ ເຕີບໃຫຍ່ເຂັ້ມແຂງ.

ຄະນະຈັດງານ ໃຫ້ຮູ້ວ່າ: ຊຸດສໍາມະນານີ້ຈັດຂຶ້ນເປັນຄັ້ງທໍາອິດ, ໂດຍຜູ້ເຂົ້າຮ່ວມໄດ້ຮຽນຮູ້ກ່ຽວກັບລະບົບການພັດທະນາບຸກຄະລາກອນໄອທີ, ການເສີມສ້າງຂີດຄວາມສາມາດໄອທີ, ການສ້າງ ຫລື ຂໍ້ມູນຂອງຜະລິດຕະພັນ, ການສ້າງຄວາມເຂັ້ມແຂງໃຫ້ພະນັກງານໃນການປະຕິບັດວຽກງານຕົວຈິງ, ໂດຍມີວິທະຍາກອນຈາກບໍລິສັດແອດໄວ (Advice) ແລະ ຊ່ຽວຊານດ້ານໄອທີຈາກປະເທດໄທມາບັນຍາຍ ເພື່ອແນະນໍາໃຫ້ຜູ້ປະກອບການດ້ານໄອທີໄດ້ປັບປຸງ ຄຸນນະພາບຂອງສີນຄ້າ, ການບໍລິການ ແລະ ການຕົບແຕ່ງພາບລັກຂອງອົງກອນໃຫ້ໄດ້ມາດຕະຖານ, ທັງຕອບສະໜອງອຸປະກອນໄອທີທີ່ມີມາດຕະຖານດີໃຫ້ແກ່ສັງຄົມ ແລະ ເຮັດໃຫ້ທຸລະກິດມີການເຕີບໃຫຍ່ຂະຫຍາຍຕົວ.

ທ່ານ ວະສະວັດ ບຸນຮັກສາ ຜູ້ຈັດການພາກພື້ນຂອງບໍລິສັດ Advice ໃຫ້ຮູ້ວ່າ: ການຍົກລະດັບຄວາມຮູ້ໃຫ້ກັບພະນັກງານພາຍໃນອົງການ ແມ່ນປັດໃຈຫລັກທີ່ຊ່ວຍໃຫ້ອົງກອນສາມາດແຂ່ງຂັນໃນຍຸກປັດຈຸບັນ, ໂດຍສະເພາະດ້ານໄອທີ. ປັດຈຸບັນ ສປປ ລາວ ກໍແມ່ນປະເທດໜຶ່ງທີ່ມີການພັດທະນາດ້ານເຕັກໂນໂລຊີ ແລະ ໄອທີ ມາຢ່າງຕໍ່ເນື່ອງ ແລະ ນັບມື້ສູງຂຶ້ນເລື້ອຍໆ, ສະນັ້ນ, ຊຸດອົບຮົມນີ້, ຈະຊ່ວຍໃຫ້ຜູ້ເຂົ້າຮ່ວມມີຄວາມຮູ້ ແລະ ເຂົ້າໃຈຂຶ້ນຕື່ມກ່ຽວກັບການພັດທະນາລະບົບໄອທີທີ່ດີ, ຜະລິດຕະພັນທີ່ມີຄຸນະພາບ ແລະ ການຂະຫຍາຍທຸລະກິດໄອທີໃນປະເທດໃຫ້ເຕີບໃຫຍ່.

- Wave100S AD to Website 2020 0 - ລາວ-ໄທແລກປ່ຽນຄວາມຮູ້ດ້ານໄອທີ

ທ່ານ ສົມໂພດ ສີປຣະຈັກ ຜູ້ຮັບພິຊອບເຂດອີນດູຈີນຂອງ Advice ໃຫ້ຮູ້ວ່າ: ປັດຈຸບັນ, ພວກເຮົາເປັນຜູ້ສະໜອງອຸປະກອນໄອທີຄົບວົງຈອນ, ຊຶ່ງມີສາຂາຢູ່ປະເທດໄທ 360 ແຫ່ງ ແລະ ອີກ 10 ກວ່າແຫ່ງໃນ ສປປ ລາວ ແລະ ຈະຂະຫຍາຍສາຂາໃຫ້ຄວບຄຸມໄດ້ທົ່ວທຸກແຂວງຂອງລາວໃນອານາຄົດອັນມໍ່ໆນີ້.

- WhatsApp Image 2020 05 27 at 5 - ລາວ-ໄທແລກປ່ຽນຄວາມຮູ້ດ້ານໄອທີ
- WhatsApp Image 2020 05 27 at 5 - ລາວ-ໄທແລກປ່ຽນຄວາມຮູ້ດ້ານໄອທີ
error: Alert: ເນື້ອຫາຂ່າວມີລິຂະສິດ !!