ວິທີປຸກຜິວໃຫ້ສົດໃສ ງາມໄດ້ໂດຍບໍ່ຕ້ອງແຕ່ງໜ້າ

- 011605 2018 - ວິທີປຸກຜິວໃຫ້ສົດໃສ ງາມໄດ້ໂດຍບໍ່ຕ້ອງແຕ່ງໜ້າ
- Untitled design - ວິທີປຸກຜິວໃຫ້ສົດໃສ ງາມໄດ້ໂດຍບໍ່ຕ້ອງແຕ່ງໜ້າ
  1. ດື່ມນຳ້ສະອາດ : ບໍ່ມີການເບິ່ງແຍງຮັກສາຜິວຊະນິດໃດທີ່ຈະດີເທົ່າການດື່ມນຳ້ອີກແລ້ວ ເພາະບໍ່ພຽງແຕ່ຈະຊ່ວຍໄລ່ສິ່ງເສດເຫລືອອອກຈາກຮ່າງກາຍແລ້ວ ຍັງຊ່ວຍຕື່ມຄວາມຊຸ່ມຊື່ນໃຫ້ຜິວນຳ ຖ້າເມົາແຕ່ປ່ອຍໃຫ້ຜິວຂາດນຳ້ ລະວັງຜິວຈະແຫ້ງ ແລະ ເກີດຮອຍຫ່ຽວໄວກ່ວາທີ່ຄິດ. ສະນັ້ນ ການວາງຈອກນຳ້ໄວ້ໃກ້ໂຕ ແລ້ວດື່ມເລື້ອຍໆຈຶ່ງເປັນສິ່ງທີ່ຄວນເຮັດ.
  2. ບຳລຸງດ້ວຍມອຍເຈີໄຣເຊີ : ດັ່ງທີ່ບອກໄປວ່າການດື່ມນຳ້ຊ່ວຍຕື່ມຄວາມຊຸ່ມຊື່ນໃຫ້ແກ່ຜິວ, ແຕ່ແນວໃດກໍຕ້ອງຫາມອຍເຈີໄຣເຊີດີໆມາບຳລຸງເພື່ອຮັກສາຄວາມຊຸ່ມຊື່ນໄວ້ໃນຜິວນຳ ລອງເລືອກມອຍເຈີໄຣເຊີທີ່ເໝາະສົມກັບຜິວມາໃຊ້ ຖ້າທ່ານມີຜິວແຫ້ງກໍລອງເລືອກຊະນິດຄຣີມເຂັ້ມຂຸ້ນ. ສ່ວນທ່ານໃດທີ່ມີຜິວມັນກໍເລືອກຊະນິດເຈວເພື່ອບໍ່ໃຫ້ຮູ້ສຶກໜຽວໜ້າ ຖ້າມີຜິວຊຸ່ມຊື່ນແລ້ວ ຮັບຮອງບັນຫາຜິວຈະບໍ່ມີແນ່ນອນ ແລະ ຫາກເປັນຄົນຜິວມັນ ໜ້າກໍຈະມັນໜ້ອຍລົງ.
  3. ບໍ່ຂັດຜິວຫລາຍເທື່ອ : ຢ່າຄິດວ່າການຂັດຜິດຈະຊ່ວຍໃຫ້ສິວທັງຫລາຍທີ່ຢູ່ເທິງໃບໜ້າຫາຍໄປ ເພາະການຂັດຜິວຫລາຍໆເທື່ອຈະ ເປັນການທຳຮ້າຍຜິວ ທາງທີ່ດີຄວນຈະຂັດຜິວພຽງແຕ່ 2 – 3 ເທື່ອຕໍ່ອາທິດກໍພໍແລ້ວ.
  4. ເລືອກໃຊ້ສ່ວນປະສົມຈາກທຳມະຊາດ : ແມ່ນຢູ່ວ່າການໃຊ້ຜະລິດຕະພັນເບິ່ງແຍງຜິວທີ່ເຮັດຈາກສານເຄມີອາດຈະຊ່ວຍ ແກ້ບັນຫາຜິວໄດ້ຢ່າງດີ ແລະ ເຫັນຜົນທັນຕາ, ແຕ່ມັນກໍຮຸນແຮງກັບຜິວ ຖ້າເປັນແນວນັ້ນລອງຫັນມາເຮັດຄຣີມບຳລຸງຜິວໜ້າເອງດີກ່ວາ ບໍ່ວ່າຈະເປັນການເອົາໝາກໄມ້ຕ່າງໆມາບຳລຸງຜິວກໍໄດ້.
  5. ກິນອາຫານເພື່ອບຳລຸງຜິວ : ການທີ່ຜິວມີບັນຫາສິວ ຫລື ບັນຫາຜິວທັງຫລາຍ ຮູ້ຫລືບໍ່ວ່າມັນກ່ຽວຂ້ອງກັບອາຫານການກິນທີ່ທ່ານກິນເຂົ້າໄປ ຖ້າຢາກໃຫ້ຜິວງາມສົດໃສ ບໍ່ມີບັນຫາ ກໍຄວນຈະເລືອກກິນອາຫານເພື່ອບຳລຸງຜິວ ໂດຍສະເພາະແມ່ນຜັກ – ໝາກໄມ້ຊະນິດທີ່ມີສານບຳລຸງຜິວ.
  6. ກິນວິຕາມິນເສີມ : ຄົງເປັນເລື່ອງຍາກທີ່ໃນຊີວິດປະຈຳວັນທ່ານຈະໄດ້ຮັບວິຕາມິນເຂົ້າສູ່ຮ່າງກາຍຄົບຖ້ວນພຽງພໍ ສະນັ້ນວິຕາມິນເສີມເປັນເມັດຈຶ່ງຊ່ວຍທ່ານໄດ້ຫລາຍ ລອງຫານຳ້ມັນຕັບປາມາກິນ ເພາະມັນຈະຊ່ວຍໃຫ້ຜິວສົດໃສ ທັງຊ່ວຍບຳລຸງເລັບ, ເສັ້ນຜົມ ແລະ ອີກຫລາຍຢ່າງ.
  7. ບໍ່ເຄັ່ງຄຽດ : ຫາກທ່ານລອງເຮັດຕາມວິທີຕ່າງໆທີ່ກ່າວມາຂ້າງເທິງນັ້ນໝົດແລ້ວເພື່ອໃຫ້ຜິວສົດໃສ, ແຕ່ແນວໃດມັນກໍເປັນໄປບໍ່ໄດ້ຕະຫລອດແນ່ນອນຫາກທ່ານຍັງມີແຕ່ເລື່ອງເຄັ່ງຄຽດຢູ່ໃນໃຈ. ສະນັ້ນ ຕ້ອງຮູ້ຈັກປ່ອຍວາງ ບໍ່ຄິດຫລາຍ ແລະ ເບິ່ງໂລກໃນແງ່ບວກໄວ້ ຮັບຮອງວ່າທ່ານຈະເປັນຄົນທີ່ມີຄວາມສຸກ ເຊິ່ງກໍຈະເຮັດໃຫ້ຜິວພັນສົດໃສໄປນຳ.
- Wave100S AD to Website 2020 0 - ວິທີປຸກຜິວໃຫ້ສົດໃສ ງາມໄດ້ໂດຍບໍ່ຕ້ອງແຕ່ງໜ້າ
- WhatsApp Image 2020 05 27 at 5 - ວິທີປຸກຜິວໃຫ້ສົດໃສ ງາມໄດ້ໂດຍບໍ່ຕ້ອງແຕ່ງໜ້າ
- WhatsApp Image 2020 05 27 at 5 - ວິທີປຸກຜິວໃຫ້ສົດໃສ ງາມໄດ້ໂດຍບໍ່ຕ້ອງແຕ່ງໜ້າ
error: Alert: ເນື້ອຫາຂ່າວມີລິຂະສິດ !!