ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ

- GettyImages 462658366 - ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ
- Untitled design - ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ

ສຳນັກ​ຂ່າວ​ຕ່າງປະ​ເທດລາຍງານ​ວ່າ: ​ເຈົ້າໜ້າ​ທີ່​ຂອງ​ອົງການ​ອະນາ​ໄມ​ໂລກ (WHO) ​ເລີ່​ມ​ແຈກ​ຢາຍ​ວັກ​ແຊງ​ປ້ອງ​ກັນ​ເຊື້ອ​ໄວຣັສອີ​ໂບລາ​ໃຫ້​ກັບ​ປະຊາຊົນ​ໃນ​ເມືອງ​ບັງ​ດາ​ກາ ທາງ​ຕາ​ເວັນ​ຕົກ​ສຽງ​ເໜືອ​ຂອງ​ກົງ​ໂກ ​ໃນ​ວັນ​ທີ 21 ພຶດສະພາ ​ໂດຍ​​ເມືອງ​ບັງ​ດາ​ກາ​ຕັ້ງຢູ່​ແຄມ​ຝັ່ງ​ແມ່ນ້ຳກົງ​ໂກ ​ແລະ ຍັງ​ເປັນ​ໜຶ່ງ​ໃນ​ເສັ້ນທາງ​ຄົມມະນາຄົມ​ທາງບົກ​ທີ່​ສຳຄັນ​ເຂົ້າສູ່​ນະຄອນຫລວງ​ກິນ​ຊາ​ຊາ ​ເຊິ່ງຢູ່​ຫ່າງ​ອອກ​ໄປ​ທາງ​ຕອນ​ໃຕ້ ສ້າງ​ຄວາມ​ກັງວົນ​ໃຫ້​ຫລາຍ​ຝ່າຍ​ວ່າ: ​ເຊື້ອພະຍາດ​ອາດ​ເດີນທາງ​ເຖິງ​ເມືອງ​ຫລວງ ​ເຊິ່ງມີ​ປະຊາກອນ​ສູງ​ເຖິງ 10 ລ້ານ​ຄົນ.

- tplvys9x copy - ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ

ທັງ​ນີ້, ຈຳນວນ​ວັກ​ແຊງ​ຊຸດ​ທຳ​ອິດ​ທີ່ WHO ສົ່ງ​ມາ​ກົງ​ໂກ​ມີ​ຫລາຍ​ກວ່າ 7.540 ​ໂດ​ສ ​ໃນ​ຈຳນວນ​ນີ້ 540 ​ໂດ​ສ ​ເປັນ​ຂອງ​ເມືອງ​ບັງ​ດາ​ກາ ​ເຊິ່ງມີ​ປະຊາກອນ 1,5 ລ້ານ​ຄົນ ​ແລະ ພົບ​ຜູ້​ປ່ວຍ​ຢ່າງ​ໜ້ອຍ 4 ຄົນ. ​ເຖິງ​ຢ່າງ​ໃດ​ກໍ​ຕາມ, WHO ຍອມຮັບ​ວ່າ: ສະພາບ​ອາກາດ​ຮ້ອນ​ແຮງ​ໃນ​ອາ​ຟຣິກາ​ເປັນ​ອຸປະສັກ​ຕໍ່​ການ​ເຄື່ອນ​ຍ້າຍ ​ແລະ ​ເກັບ​ຮັກສາ​ວັກ​ແຊງ ​ເຊິ່ງຕ້ອງ​ຢູ່​ໃນ​ອຸນຫະພູມ​ບໍ່​ເກີນ -80 ອົງສາ. ນອກຈາກ​ນີ້ ລະບົບ​ການ​ຈ່າຍ​ກະ​ແສ​ໄຟຟ້າ​ໃນ​ກົງ​ໂກ​ຍັງ​ບໍ່​ສະໝໍ່າສະ​ເໝີ, ​ແຕ່​ເຊື່ອ​ວ່າ​ຈະ​ສາມາດ​​ແກ້​ໄຂ​ສະຖານະ​ການ​ໄດ້.

- c4f9a020d3287838d38b722905e77db8dd9e3517 - ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ

- Wave100S AD to Website 2020 0 - ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ

ສຳລັບ​ການ​ແຜ່​ລະບາດ​ຂອງ​ເຊື້ອ​ໄວຣັສອີ​ໂບລາ​ໃນ​ກົງ​ໂກ​ຄັ້ງນີ້​ເປັນຄັ້ງທີ 9 ນັບ​ແຕ່​ມີ​ການຄົ້ນພົບ​ເຊື້ອ​ໄວຣັສຊະນິດ​ນີ້​ໃນ​ໂລກ ​ໃນ​ປີ 1976 ​ແລະ ​ເຊື້ອພະຍາດ​ທີ່​ແຜ່​ລະບາດ​ຄັ້ງນີ້​ຍັງ​ເປັນ​ສາຍ​ພັນ​ດຽວ​ກັບ​ທີ່​ເຄີຍ​ແຜ່​ລະບາດ​ໃນ​ຫລາຍ​ປະ​ເທດ​ຂອງ​ອາ​ຟຣິກາ ລະຫວ່າງ​ປີ 2013-2015 ​ເຊິ່ງ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 11.300 ຄົນ ​ແລະ ​ເຈັບ​ເປັນ​ອີກ​ປະມານ 28.600 ຄົນ ​ໂດຍ​ສະຖານະ​ການ​ການ​ແຜ່​ລະບາດ​ຄັ້ງ​ໃໝ່​ເລີ່​ມຕົ້ນ​ເດືອນ​ເມສາ​ຜ່ານ​ມາ ມີ​ຜູ້​ຕິດ​ເຊື້ອຢ່າງ​ໜ້ອຍ 46 ຄົນ ​ແລະ ​ເສຍ​ຊີວິດ​​ແລ້ວ 26 ຄົນ.

- WhatsApp Image 2020 05 27 at 5 - ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ
- WhatsApp Image 2020 05 27 at 5 - ອະນາໄມໂລກເລີ່ມແຈກຢາຍວັກແຊງ ປ້ອງກັນອິໂບລາໃນກົງໂກ
error: Alert: ເນື້ອຫາຂ່າວມີລິຂະສິດ !!