ສ້າງຂະບວນການປູກຕົ້ນໄມ້ໃຫ້ມີປະສິດທິຜົນ

- 2311 - ສ້າງຂະບວນການປູກຕົ້ນໄມ້ໃຫ້ມີປະສິດທິຜົນ
- Untitled design - ສ້າງຂະບວນການປູກຕົ້ນໄມ້ໃຫ້ມີປະສິດທິຜົນ

 ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານທີ່ຮັກແພງ, ຍັງບໍ່ຮອດ 10 ມື້, ວັນປູກໄມ້ແຫ່ງຊາດທີ 1 ມິຖຸນາ ກໍຈະໝູນວຽນມາຮອດ ແລ້ວ ແລະ ປີນີ້ທາງຂະແໜງ ກະສິກຳ-ປ່າໄມ້ ເພິ່ນໄດ້ວາງ ຄາດໝາຍໄວ້ບໍ່ໃຫ້ຫລຸດ 27.000 ເຮັກຕາ, ເປັນຕົວ ເລກທີ່ສູງສົມຄວນເມື່ອທຽບ ກັບ 20.000 ເຮັກຕາ ໃນປີ 2017 ຜ່ານມາ, ແຕ່ຕົວຈິງ ປະຕິບັດໄດ້ພຽງ 41% ຂອງ ຕົວເລກແຜນ ການດັ່ງກ່າວ ເຊິ່ງສາເຫດກໍມາຈາກ ຫລາຍ ເງື່ອນໄຂທີ່ຂະແໜງການ ກ່ຽວຂ້ອງເພິ່ນໄດ້ໃຫ້ເຫດຜົນຄື: ຂາດການລົງປຸກລະດົມຊຸກຍູ້ຂະບວນການ, ຂາດການກວດກາ ຕິດຕາມຢ່າງ ໃກ້ສິດຂອງຂະແໜງການ ແລະ ການຕອບສະໜອງງົບປະມານມີຈຳກັດ.

ໃນຕົວຈິງກໍອາດເປັນ ແນວນັ້ນແທ້, ແຕ່ທ່ຽງທຳຂໍ ເນັ້ນຕື່ມບາງບັນຫາເພື່ອຢາກ ໃຫ້ຂະບວນການປູກໄມ້ຢູ່ປະ ເທດເຮົາມີປະສິດທິຜົນ ແລະ ບັນລຸໄດ້ຕົວເລກຄາດໝາຍ ວາງໄວ້ຄື: ຮອດປີ 2020 ຈະ ຕ້ອງຍົກລະດັບການປົກຫຸ້ມ ຂອງ ປ່າໄມ້ປະເທດເຮົາໃຫ້ໄດ້ 70% ໃນທົ່ວປະເທດ.

ດັ່ງນັ້ນນອກຈາກເຫດຜົນ ທີ່ຂະແໜງການກ່ຽວຂ້ອງໄດ້ ອ້າງອີງດັ່ງກ່າວແລ້ວ, ພວກ ເຮົາຈະຕ້ອງໄດ້ເພີ່ມທະວີເຮັດ ວຽກງານສຶກສາຄົ້ນຄວ້າ ດ້ານໄມ້ປູກໃນແຕ່ລະເຂດໃຫ້ ເໝາະສົມ, ພ້ອມນັ້ນກໍແມ່ນ ການຕອບສະໜອງເບ້ຍໄມ້ ໃຫ້ມີຄຸນນະພາບ, ອາດເປັນ ເບ້ຍໃຫຍ່ ແລະ ແຂງແຮງ ພ້ອມແທດເໝາະກັບສະພາບ ດິນຟ້າອາກາດໃນແຕ່ລະ ເຂດຕົວຢ່າງເຂດໜາວກໍຈະ ຕ້ອງປູກໄມ້ຊະນິດໃດແທດ ເໝາະກັບສະພາບແວດລ້ອມ ຂອງເຂດດັ່ງກ່າວ ແລະ ເຂດ ຮ້ອນເດຈະປູກໄມ້ຫຍັງ, ນີ້ ແມ່ນຂະແໜງມະຫາພາກຈະ ຕ້ອງໄດ້ເອົາໃຈໃສ່ສຶກສາຄົ້ນຄວ້າມາແຕ່ຫົວທີີ ແລະ ຄຽງ ຄູ່ກັນນັ້ນ ກໍແມ່ນຂອດການ ບົວລະບັດຮັກສາ, ອາດມີງົບ ພຽງພໍເພື່ອມອບເໝົາໃຫ້ປະຊາຊົນຢູ່ແຕ່ລະທ້ອງຖິ່ນເປັນຜູ້ ຈັດຕັ້ງປະຕິບັດ, ເຊິ່ງອາດ ຈະຕິດພັນກັບວຽກງານສາມສ້າງ ແລະ ນະໂຍບາຍລົບ ລ້າງຄວາມທຸກຍາກທີ່ລັດຖະ ບານເຮົາວາງອອກແມ່ນຈະ ເປັນການດີທີ່ສຸດ, ເພື່ອເຂົາ ເຈົ້າມີລາຍຮັບຈາກການເອົາ ໃຈໃສ່ບົວລະດັບຮັກສາໄມ້ ປູກໃໝ່ດັ່ງກ່າວ, ຖ້າບ້ານໃດ ເມືອງໃດ ເຮັດໄດ້ດີເບື້ອງລັດ ກໍຈະຕ້ອງໄດ້ເອົາໃຈໃສ່ຍ້ອງ ຍໍຊົມເຊີຍ ແລະ ມີລາງວັນ ທີ່ເໝາະສົມໃຫ້ແກ່ເຂົາເຈົ້າ, ເຊິ່ງ ບໍ່ຄວນເຮັດດັ່ງຜ່ານມາມີ ງົບປູກໄມ້ແລ້ວມອບ ໃຫ້ພາກ ສ່ວນໃດໜຶ່ງຮັບຜິດຊອບ ແລ້ວ ໃນທີ່ສຸດບັນດາໄມ້ປູກໃໝ່ ດັ່ງກ່າວກໍຈະບໍ່ເຕີບໂຕ, ຍ້ອນ ຂາດງົບບົວລະບັດຮັກສາ ແລະ ປີໃດກໍປູກໃສ່ແຕ່ຂຸມ ເກົ່າ, ກໍດັ່ງເພື່ອນຜູ້ອ່ານ ຫລາຍຄົນ ກໍຄົງໄດ້ເຫັນ ແລະ ໄດ້ປະກອບສ່ວນນຳຂະບວນ ການປູກໄມ້ໃນເຂດນ້ຳຊອງ, ໃນ ເມື່ອກ່ອນພໍຮອດມື້ປູກໄມ້ ແລ້ວປີໃດ, ກະຊວງ ແລະ ອົງການໃດໆກໍຈັດຕັ້ງກັນ ໄປ ປູກໄມ້ ຢູ່ເຂດດັ່ງກ່າວຢ່າງ ຫລວງຫລາຍແຕ່ໃນທີ່ສຸດ ຈົນມາຮອດປັດຈຸບັນຫລາຍ ເຂດກໍຍັງເປັນປ່າເລົ່າເໝືອນ ເດີມ, ອັນນີ້ກໍຍ້ອນຂາດຂອດ ບົວລະບັດຮັກສາ, ປູກແລ້ວ ກໍປະປ່ອຍໄປຕາມມີຕາມເກີດ ແລະ ອີກສິ່ງໜຶ່ງທີ່ຈະຕ້ອງ ໄດ້ໃສ່ໃຈແມ່ນການມອບໂຕ ເລກພັນທະປູກໄມ້ໃຫ້ບັນດາ ຫົວໜ່ວຍທຸລະກິດໄມ້ຕ້ອງ ໄດ້ປະຕິບັດໃຫ້ເກີດດອກອອກ ຜົນ, ບໍ່ໝາຍວ່າຮູ້ແຕ່ຕັດ, ແຕ່ ການປູກແມ່ນຍັງເຮັດແບບ ລົມໆແລ້ງໆຢູ່, ເອົາລະເວົ້າ ມາກໍຫລາຍເຖິງຢ່າງໃດກໍ ຫວັງວ່າຕົວເລກປູກໄມ້ປີນີ້ ຈະປະກົດຜົນເປັນຈິງ./.

 

- Wave100S AD to Website 2020 0 - ສ້າງຂະບວນການປູກຕົ້ນໄມ້ໃຫ້ມີປະສິດທິຜົນ

ປະເມີນຜົນກະທົບສັງຄົມ ແລະ ສິ່ງແວດລ້ອມໂຄງການປູກໄມ້ວິກ 602,5 ເຮັກຕາທີ່ເມືອງປາກລາຍ

ຍ້ອນຫຍັງການປູກໄມ້ຈິ່ງບໍ່ໄດ້ຕາມແຜນ

- 2311 - ສ້າງຂະບວນການປູກຕົ້ນໄມ້ໃຫ້ມີປະສິດທິຜົນ
(ພາບປະກອບ)
- WhatsApp Image 2020 05 27 at 5 - ສ້າງຂະບວນການປູກຕົ້ນໄມ້ໃຫ້ມີປະສິດທິຜົນ
- WhatsApp Image 2020 05 27 at 5 - ສ້າງຂະບວນການປູກຕົ້ນໄມ້ໃຫ້ມີປະສິດທິຜົນ
error: Alert: ເນື້ອຫາຂ່າວມີລິຂະສິດ !!